82
Toteco quinajhuac nopa jueces cati amo tetajtolsencahuaj xitahuac
1 Toteco Dios itztoc ipan se hueyi tasentilisti nepa ilhuicac.
Huan nopona tayolmelahua quenicatza quintatzacuiltis nopa jueces huan quinilhuía:
2 “¿Hasta quema tamis antacajcayahuaj quema antetajtolsencahuaj?
¿Hasta quema tamis anquinchicoicnelise amo cuajcualme cati fiero quichihuaj?
3 Xiquintenpalehuica cati ayemo quipiyaj tetili huan cati icnotzitzi.
Xiquintajtolsencahuaca cati taijyohuíaj huan cati amo teno quipiyaj.
4 Xiquinmaquixtica cati ayecmo quipiyaj chicahualisti huan quinpolohua ten ica panose.
Quena, xiquinmanahuica inimaco nopa masehualme cati amo aqui quitepanitaj.
5 Amojuanti cati anquintaijyohuiltíaj amo teno anquimatij huan amo teno anquimachilíaj.
Annemij ipan tzintayohuilot huan nochi itzinpehualtil taltipacti huihuipica.
6 Quena, na nimechtocaxtijtoc ‘andioses’ huan ‘annoconehua niDios Cati Más Hueyi’,
7 pero quema hualas miquilisti, nimantzi anmiquise pampa amojuanti san anmasehualme.
Amopantis quej ipanti cati hueli masehuali cati quipiya tequiticayot,
pampa nochi miquise.”
Quej nopa quiijto Toteco.
8 ¡Toteco Dios, ximotanana huan xijtajtolsencahua ni taltipacti,
pampa nochi moaxca!
Nochi talme huan tanahuatiani eltoque momaco.