124
David quihueyimatqui Toteco pampa quimanahui ten icualancaitacahua
1 Nochi israelitame ma quiijtoca taya tijchijtosquíaj sinta TOTECO amo itztosquía tohuaya huan amo techpalehuijtosquía.
2 Sinta TOTECO amo itztosquía tohuaya quema nopa tacame motananque para techtehuise,
3 techtolojtosquíaj tiyoltoque huan techtzontamiltijtosquíaj ica inihueyi cualancayo.
4 Inijuanti techhuahuatatztosquíaj quej at tatilana,
huan huajca eltosquía quej hueyat panotosquía topani.
5 Quena, eltosquía quej topani panotosquía tahuel miyac at cati tetetztic,
cati tehuahuatatza huan titzontantosquíaj.
6 Ma tijtascamatica TOTECO pampa amo quincahuili ma techcococa.
7 Quej se totot cholohua ten se taquetzti,
quej nopa nojquiya Toteco techchololti inimaco tocualancaitacahua,
cati quinequiyayaj techmasiltise.
Nopa laso cotonqui huan tojuanti timocajque timajcajtoque.
8 Tojuanti totapalehuil huala ten TOTECO,
cati quichijchijqui ilhuicacti huan taltipacti.