28
ཡེ༌ཤུ༌ སོན༌ཏེའ༌ ལང༌ང༌ ཛདས༌།
28:1 ནེ༌ 10
1 ཤབ༌བད༌, ངལ༌ཚོའེ༌ ཞག༌གི༌ སྟིང༌ནེ༌ ཟ༌ཉི༌མའེ༌ ཞག༌ག༌ ང༌ཏོག༌ ཉི༌མ༌ ཤར༌ཀིས༌ལ༌, མག༌དལ༌ལ༌མ༌ མིར༌ཡམ༌ དང༌ ཞན༌ མིར༌ཡམ༌ཞིག༌ སྤུར༌ཁང༌ང༌ ལྟའ༌ལ༌ སོང༌།
2 ཧུན༌མེད༌ལ༌ སང༌གུལ༌ མ༌ ཆེན༌མོ༌ཞིག༌ ཡོངས༌ ཅིའ༌ཟེར༌ན༌ དཀོན༌མཆོག༌གི༌ ཕོ༌ཉ༌ ནམ༌ཁའ༌ནེ༌ བབས༌ཏེ༌ སྤུར༌ཁང༌ངི༌ སྒོའེ༌ ཀ༌ནེ༌ ཁར༌རྡོ༌ རིལ༌ཏེ༌, ཏེ༌ཀ༌ ཞུགས༌།
3 ཁོང༌ངི༌ ཞལ༌དོང༌ སྐམ༌ལག༌ ཙོགས༌ལ༌ ལྡང༌ཤན༌ ཡང༌ ནམ༌ཟའ༌ ཁའ༌ ཙོགས༌ ཀར༌པོ༌ ཡོད༌པིན༌།
4 ཁོང༌ ཐོང༌ཏེ༌ སྲུང༌ཨིན༌ ཡོད༌ཁན༌ མག༌མི༌གུན༌ མ༌སྲན༌ཏྲེ༌ ཇིགས༌ཏེ༌ དར༌ཨིན༌ སའེ༌ཀ༌ གྱེལ༌ཏེ༌ ཤི༌ཁན༌ ཙོགས༌ གྱུར༌།
5 ཕོ༌ཉའེ༌ བུ༌མོ༌ ཉིས༌ཀོའ༌ མོལས༌, "ཇིགས༌ མ༌ཇིགས༌, ཁྱོ༌ཞའེ༌ རྐྱང༌ཤིང༌ངི༌ཀ༌ རྐྱངས༌ཁན༌ ཡེ༌ཤུའ༌ ཙལ༌ཁན༌བོ༌ ང༌ གྱུས༌ཡོད༌།
6 ཁོང༌ འི༌ཀ༌ མེད༌; ཁོང༌ངི༌ མོལ༌ཁན༌ ནང༌ཞིན༌ ཁོང༌ སོན༌ཏེའ༌ ཞངས༌ཏེ༌ ཨིན༌། ཡོངས༌ཏེ༌ ཁོང༌ངི༌ སྤུར༌ བོར༌སའེ༌ ནས༌ས༌ ལྟོས༌།
7 ཏེ༌ནེ༌ གྱོགས༌པ༌ སོང༌ཏེ༌ ཁོང༌ངི༌ ལོབ༌ཕྲུགས༌གུན༌ལ༌ ཤོད༌, 'ཁོང༌ ཤི༌ཁན༌གུན༌ནི༌ ཕྲོ༌ནེ༌ སོན༌ཏེའ༌ ཞངས༌ཏེ༌, ཁྱོ༌ཞའེ༌ སང༌ སྔུན༌ལ༌ གཱ༌ལིལ༌ལིའི༌ ཡུལ༌ཇོངས༌སི༌ ནང༌ང༌ སྐྱོད༌ཨིན༌། ཏེ༌རུ༌ ཁྱོ༌ཞ༌གུན༌ལ༌ ཁོང༌ ཇལ༌ཨིན༌།' ངའེ༌ ཤད༌ཁན༌གུན༌ ཨིད༌ཏུ༌ བོར༌།"
8 ཏེ༌ནེ༌ བུ༌མོ༌གུན༌ ཇིགས༌ནང༌ ཐད༌ཏེ༌ གའ༌མོ༌ ཉམ༌པོ༌ སྤུར༌ཁང༌ནེ༌ བང༌ཏང༌ཨིན༌ ཁོང༌ངི༌ ལོབ༌ཕྲུགས༌གུན༌ལ༌ ཤད༌ད༌ལ༌ སོང༌།
9 ཁོང༌ ཉིས༌ཀོ༌ ཆེན༌ ཡོད༌ ཟ༌ནེ༌ ཧུན༌མེད༌ལ༌ ཡེ༌ཤུ༌ ཁོང༌གུན༌ནི༌ དུན༌ལ༌ ཇལ༌ཏེ༌, "ཇུ༌ལེ༌" མོལས༌། ཁོང༌གུན༌ ཡེ༌ཤུའི༌ དུན༌ལ༌ སོང༌ ཡང༌ ཁོང༌ངི༌ ཞབས༌ལ༌ ཐམས༌ཏེ༌ ཆག༌ཕུལས༌།
10 ཡེ༌ཤུའི༌ ཁོང༌གུན༌ལ༌ མོལས༌, "ཇིགས༌ མ༌ཇིགས༌། སོང༌ཏེ༌ ངའེ༌ སྤུན༌གུན༌ལ༌, གཱ༌ལིལ༌ལིའ༌ སོང༌ ཟེར༌ ཡང༌ ཁོང༌གུན༌ནི༌ ངའ༌ ཏེ༌རུ༌ ཐོང༌ཨིན༌།"
སྤུར༌ཁང༌ སྲུང༌ཁན༌གུན༌ནི༌ ནས༌ཚུལ༌ ཤདས༌།
28:11 ནེ༌ 15
11 བུ༌མོ༌ ཉིས༌ཀོ༌ ཆེན༌ ཡོད༌ ཟ༌ནེ༌, མག༌མི༌ སྲུང༌ཁན༌ ཁ༌ཅིག༌ ཡེ༌རུ༌ཤ༌ལེམ༌མི༌ གྱལ༌སའ༌ ཡོངས༌ཏེ༌ བྱུང༌ཁན༌ ཚང༌མ༌ བླ༌མ༌ འུ༌སྐྱོང༌གུན༌ལ༌ ཤདས༌།
12 བླ༌མ༌ འུ༌སྐྱོང༌གུན༌ དང༌ ཡ༌ཧུ༌དཱ༌པའེ༌ འུ༌སྐྱོང༌གུན༌ ཛོམས༌ཏེ༌ མག༌མི༌གུན༌ལ༌ པེ༌ནེ༌ མང༌པོ༌ ཏངས༌ཏེ༌ ཟུན༌ ཏང༌ཅུག༌ཅེས༌སི༌ ཐབས༌ལྡིངས༌།
13 ཁོང༌གུན༌ནི༌ མག༌མི༌གུན༌ལ༌ ཟེརས༌, "ཁྱོ༌ཞའེ༌, 'ཚན༌ལ༌ ང༌ཞའ༌ ཉིད༌ལ༌ སོང༌ཏེ༌ ཡོད༌ ཟ༌ནེ༌ ཁོའེ༌ ལོབ༌ཕྲུགས༌གུན༌ ཡོངས༌ཏེ༌ རོ༌ རྐུས༌ཏེ༌ ཁྱེར༌ཏོག༌' ཟེར༌གོས༌།
14 གལ༌ཏེས༌ ཏེ༌བོ༌ ཀའ༌ལོན༌ནི༌ ཚོར༌ན༌, ང༌ཞའེ༌ སྐྱོབས༌ཏེ༌ ཁྱོ༌ཞའ༌ ཆད༌པ༌ ཕོག༌ མི༌ཅུག༌།"
15 ཏེ༌ནེ༌ མག༌མི༌གུན༌ནི༌ པེ༌ནེ༌ ལེན༌ཏེ༌ ཁོང༌གུན༌ནི༌ ཟེར༌ཁན༌ ནང༌ཞིན༌ ཅོས༌ པ༌སང༌, ཡ༌ཧུ༌དཱ༌པའེ༌ ཕྲོའ༌ དི༌རིང༌ ཚོག༌པའང༌ ཏེ༌ སྤེ༌ར༌བོ༌ ཁྱེབས༌ཨིན༌ ཨིན༌ནོག༌།
ཡེ༌ཤུའི༌ སྟིང༌ཇུག༌གི༌ ལབ༌ཞ༌ སལས༌།
28:16 ནེ༌ 20
16 ཏེ༌ནེ༌ གཱ༌ལིལ༌ལིའི༌ ནང༌ང༌ ཡེ༌ཤུའི༌ སོང༌ མོལ༌ཁན༌ནི༌ རི༌ཀ༌ ལོབ༌ཕྲུགས༌ ཅུག༌ཤིག༌པོ༌ སོང༌།
17 ཁོང༌གུན༌ནི༌ ཡེ༌ཤུ༌ ཇལ༌ལ༌ཅིག༌ ཆག༌ཕུལས༌, ཨིན༌ནའང༌ ཁ༌ཅིག༌གི༌ ༼ཁོང༌ ཡེ༌ཤུ༌ ཨིན༌ན༌ཧེ༌ སམས༌ཏེ༌༽ ཐེ༌ཚོམས༌ ཅོས༌།
18 ཡེ༌ཤུ༌ ཁོང༌གུན༌ ཡོད༌ས༌ སྐྱོད༌ཏེ༌ མོལས༌, "ནམ༌ཁའ༌ དང༌ ཇིག༌རྟེན༌ནི༌ ནང༌ང༌ ཡོད༌ཁན༌ ཚང༌མའེ༌ཀ༌ ཝང༌ཆ༌ གང༌པོ༌ ང༌ སལ༌ལ༌ ཛད༌ཏེ༌ ཨིན༌།
19 ཏེ༌བོའེ༌ཕིའ༌ གྱལ༌ཁམས༌ ཚང༌མའེ༌ ནང༌ང༌ སོང༌ཏེ༌ མི༌གུན༌ ངའེ༌ ལོབ༌ཕྲུགས༌ གྱུར༌ཅུག༌ཅེས༌ལ༌ རྩོན༌གྲུས༌ ཅོས༌ཏེ༌ ཁོང༌གུན༌ལ༌ ཡབ༌, སྲས༌ དང༌ དམ༌པའེ༌ ཐུག༌ཉིད༌དི༌ ཚན༌ནི༌ ནང༌ང༌ ཁྲུས༌ ཏོང༌།
20 ཡང༌ ངའེ༌ ཁྱོ༌ཞའ༌ ཏང༌ཁན༌ནི༌ བཀའ༌ ཚང༌མ༌ ཁའ༌ཉན༌ཅེས༌ལ༌ ཁོང༌གུན༌ལ༌ ལབ༌ཞ༌ ཏོང༌, ཡང༌ ང༌ ཏུས༌སི༌ ཐའ༌མ༌ ཚོག༌པའང༌ ཁྱོ༌ཞའ༌ ཉམ༌པོ༌ ཏུས༌གྱུན༌ དུག༌ཅེས༌པོ༌ ཨིད༌ཏུ༌ བོར༌།།