3
Yaayá wánlám ɩráa waázu Yuudée tɛɛwʊlɔ́ɔ-daá.
(Maa. 1.1-8; Lúk. 3.1-18; Yʊh. 1.19-28)
1 Bʊwɔ́rɔ́ gɛ weení wénlíríi ɩráa lɩ́m-daá wɔ́nzɔ́ɔ wɛ túúbá lɩ́m nɛ́ waaɖʊ ɩlɩ́ɩ Yudée tɛɛ-wʊ́lɔɔ́-daá wánlám waázu sɩsɩ:
2 «Ɩgɛ́ɛ mɩ́lákásɩ, káma Ɩsɔ́ɔ-dɛ́ɛ waajʊ́ʊ.»
3 tɔ́m gɛ Esáya waavʊ́nŋmátɩ sɩsɩ:
«lowú nakɩ́rɩ wɔɔvɔ tɛɛ-wʊ́lɔɔ́-daá sɩsɩ:
"Ɩgbɩ́ɩ́rɩ Ɖádʊ́ʊ-dɛ́ɛ nɩ́bááwʊ,
ɩzɩ́ɩ́zɩ ɩdɛ́ɛ níbéyísi.''»
4 Raakúḿ-dɛ́ɛ fʊ́ńdɩ tóko gɛ Yaayá sóóna bɩka tɔ́ńɖɛ-ɖanbára nyaarɛ́ɛ ɩdɩnɔɔ́-daá. Bɩɩga nɛ́, igíɖíím gɛ cɩ́báánɩ na tʊ́ʊ́nɩ.
5 Yerusalɛ́m na Yudée rɩ́ŋa, na Yɔrɔdáánɩ buwá fárándɩ́-daá ɩráa wɔ́ngɔnɩ ɩjɔ́
6 bánlám túúbá ɩráa-daá bɩka wénliríi wɛ lɩ́m-daá wɔ́nzɔ́ɔ wɛ túúbá lɩ́m Yɔrɔdáánɩ buwá-daá.
7 Yaayá waana sɩsɩ ɖabata na wɔ́ngɔ́nɩ ɩjɔ́ sɩsɩ ilíri wɛ lɩ́m-daá ɩsɔ wɛ túúbá lɩ́m. Ńna gɛ wɔɔdɔ́ wɛ sɩsɩ: «Mɩ́ɩ bɔɔzá ana ɖɔ́! Weení waawɩlɩná mɩ́ɩ́ sɩsɩ ísé ɩlɩ́ɩ Ɩsɔ́ɔ-dɛ́ɛ tɔ́m fʊʊnáa tɩɩjʊ́ʊ nɛ́ tɩdaá?
8 Ɩlá lakásɩ sɩ́nwɩlɩ́ɩ sɩsɩ mɩ́ɩ́lá túúbá ɩkɛ́ɛ nɛ́;
9 Ɩ́kamáázɩ mɩ́dáá sɩsɩ mɩ́jáajáa gɛ Ibrahím nɛ́ bɩɩdɛ́. Káma ménveerím mɩ́ɩ sɩsɩ Ɩsɔ́ɔ wánbɩɩzɩ́ ɩkpɔ́ɔ bɔ́ ana ɖɔ́ ɩbɩsɩná Ibrahím kutoluú-dɛ bíya.
10 Báńgbɩ́ɩrɩ kpenbiiyá sɩ bɛbɛlɩ́na tɩ́ɩ́nɩ tigutolíni-dɛ́ nɛ́. Tɩɩwʊ́ wenkí rɩ́ŋa kɩdánɖʊ́ʊ bíya kazɔ́ɔ ńba nɛ́, bɛ́nbɛlɩ́ɩ kɩ baɖʊ nimíni-daá.
11 Lɩ́m-daá gɛ mɔ́ɔ́ ménliríi mɩ́ɩ mɔ́nzɔ́ɔ mɩ́ɩ́ túúbá lɩ́m na bɩwɩ́lɩ sɩsɩ mɩ́ɩ́lá túúbá ɩkɛ́ɛ, amá weení ɩgɛrɛŋɛ mɔ́wɔ́rɔ́ nɛ́ waagɩ́lɩ ma. Mádátála malɩzɩ́ yɩ takaḿwá. Ɩlɛ́ sɩ ilíriná mɩ́ɩ na nimíni.
12 Ɩɖɔ́kɩná kɩ́fálanákʊ ɩnʊ́ʊ́zɩ-daá, sɩ ɩlɩzɩ́ tolá fɔɔlʊʊ́ bɩka ɩkpɔ́ɔ mɩlá ɩbɩ́rɩ igbeewú-daá, na ɩkpɔ́ɔ tolá ɩbɩ́rɩ nimíni ɩdánɖɩḿ nɛ́ ɩdaá biɖe.
Yaayá weelíri Yeésu lɩ́m-daá.
13 Bɩdɛ́ɛ sáátɩ gɛ Yeésu waagálɩɩná Galilée ɩkɔ́nɩ Yaayá-jɔ́ Yɔrɔdáánɩ buwá-jɔ́ sɩsɩ ilíri yɩ lɩ́m-daá.
14 wɔɔjɔ́ɔ́lɩ yɩ ɩtɔ́ yɩ sɩsɩ: «Mɔ́ɔ́ mɔ́mɔɔ́na kʊ mɔgɔ́nɩ nyɔ́jɔ́ nlíri ma lɩ́m-dáa nzɔ ma túúbá lɩ́m, na nyɔ́ɔ́ ngúti nyɔ́ngɔnɩ́ mɔ́jɔ́?»
15 Amá Yeésu woobúsi yɩ sɩsɩ: «Yele ɖɩlá bɩlɛ́ lɛlɛɛɖɔ́, káma bɩlɛ́ gɛ bɩmɔɔ́na ɖɩlá wenbí rɩ́ŋa Ɩsɔ́ɔ wɔɔbɔ́ɔ́zɩ nɛ́.» Ńna gɛ Yaayá weedísi ilíri Yeésu lɩ́m-daá.
16 Weelíri Yeésu lɩ́m-daá ɩlɩ́ɩ nɛ́, bɩdɛ́ɛ sáátɩ kɩḿ gɛ waadʊlʊ́, ngɛ Yeésu waana wéngedím nyazɩ ɖuvóóre kʊ́fʊ́lʊḿɖɛ dɛ́ɛ́rɛ kɔkɔ́nɩ kosóm ɩrɔɔzɩ́.
17 Ngɛ baanɩ́ɩ lowú nakɩ́rɩ ɩsɔ́ɔ́dáá sɩsɩ: «Ceení gɛ máábá mɔ́zɔ́ɔlɛ́ɛ yɩ nɛ́. Ɩrɔ gɛ mááɖʊ́ mɛ́dɛ́ɛ sɔɔlɩ́m rɩ́ŋa.»