24
1 Yeésu waalɩ́ɩ Ɩsɔ́ɔ‑dɛ́ɛ ɖaána‑daá wɛ́nɖɛɛ́ nɛ́, ngɛ ɩdɛ́ɛ wanbaaráa woogóduu ɩjɔ́ bánwɩlɩ́ɩ yɩ Ɩsɔ́ɔ‑dɛ́ɛ ɖaána‑dɛ́ɛ máa‑dɛ́ɛ kazɔ́ɔ.
2 Ńna gɛ Yeésu wɔɔdɔ́ wɛ sɩsɩ: «Mányɩ sɩsɩ mɩ́bɛ́ɛna bɩrɩ́ŋa ɖɔ́ ya, bɩdángáa bʊ́ʊ́rɛ ɖɩdɩ́nɛ́ɛ ɖɩrɔwʊ́‑rɔ. Bɩrɩ́ŋa bínnuudí.»
3 Ɩjɔɔ́ɔ olivíyéé tɩ́ɩ́nɩ bʊ́ʊ‑daá nɛ́ gɛ woogóduu ɩjɔ́ fɔɔlʊʊ́‑rɔ bɔbɔ́ɔ́zɩ yɩ sɩsɩ: «Feeri ɖáa sáátɩ wenkí sɩ bɩlá bɩlɛ́ nɛ́, na nyɛ́dɛ́ɛ kɔnɖɛ́ na ɖúúlínya kʊrʊ́ʊ‑dɛ́ɛ seríya.»
4 Ngɛ Yeésu woobúsi wɛ sɩsɩ: «Iguná laakáárɩ, naárʊ ɩ́kɛtɛlɛ́sɩ mɩ́ɩ.
5 Káma ɩráa ɖabata wɔ́ngɔnɩ́ na máyɩ́ɖɛ‑daá, bɔtɔ́ sɩsɩ: «Mɔ́ɔ́ gɛ Lɛɛrʊ́», na bɛtɛlɛ́sɩ ɩráa ɖabata.
6 Mɩ́nnɩɩ́ baŋmátɩ yóóni tɩjʊ́ʊ́na nɛ́, na bolíni ńdɩ tɔ́m. Ɩ́kanɩ́ɩ nɩndáárɛ! Bɩmɔɔ́na bɩlɛ́ bɩrɩ́ŋa bɩtála. Amá bɩdɛkɛ́ɛ sɩsɩ ɖúúlínya kʊrʊ́ʊ waadalaná.
7 Káma yíri wónÿoó yíri, wúro iyóo wúro; Fáráńdɩ́wá ndɩ‑ndɩ‑daá nyɔɔ́sɩ wánlám, adɛ iséle.
8 Bɩlɛ́ bɩrɩ́ŋa bɩlɛ́ nɛ́, bɩjɔɔ́ɔ gɛ nyazɩ alʊ́ fuwá‑dʊ́ʊ‑dɛ́ɛ nʊŋásɩ kabaazɩya.
9 Na bayá mɩ́ɩ, banaazɩ́ mɩ́ɩ bɩka bakʊ mɩ́ɩ. Wenbá rɩ́ŋa baasɩ Ɩsɔ́ɔ nɛ́, bánlɩzɩ́ɩ mɩ́ɩ báɖáárɛ máyɩ́ɖɛ‑rɔɔzɩ́.
10 Na ɩráa ɖabata ɩbɛ́ɖɩ toovonúm fáa. Bánlɩɩ́ ɖamá wɔ́rɔ́ bɩka balɩzɩ́ ɖamá báɖáárɛ.
11 bʊbɔtɩnáa ɖabata wánɖʊ́ʊ balɩ́ɩ na bɛtɛlɛ́sɩ ɩráa ɖabata.
12 Kidaavééníti lám wɔ́nɖɔɔ́ hálɩ biyéle ɩráa tuutúúma‑dɛ́ɛ sɔɔlɩ́m ɩfʊ́ʊ.
13 Amá weení wɔ́nɖɔkɩ́ ɩdɩ hálɩ bɩkádʊ́lʊ́ nɛ́, Ɩsɔ́ɔ wɛ́nlɛɛ́ yɩ.
14 Bénveerím ɖúúlínya rɩ́ŋa Ɩsɔ́ɔ‑dɛ́ɛ ‑dɛ́ɛ laabáárʊ kífeńgi kɩna, na yíri báa wenkí ɩnɩ́ɩ kɩsɩ́ɩ seríya. Bɩlɛ́ bʊwɔ́rɔ́ gɛ ɖúúlínya wángʊrʊ́ʊ.»
15 «A mɩ́ɩ́gɔ́nɩ ɩna "Fɔrɔ́sɩrʊ láálɩ́‑dʊ́ʊ" waaŋmátɩ ɩdɔ́m nɛ́ ɩkɔ́nɩ isúu (weení wángalɩ́ɩ nɛ́, ɩ́nɩɩ bugutoluú kazɔ́ɔ),
16 bɩdɛ́ɛ sáátɩ nɛ́, wenbá bɔwɛ Yuudée laadɔ́ɔ‑daá nɛ́ bésé bɛɖɛ́ɛ bʊ́ʊ́nɩ‑daá.
17 Weení ɩwɛ ɖaḿ kʊjʊʊ́‑daá dáálɩ rɔ nɛ́, íketí sɩsɩ sɩ ɩkpɔ́ɔ ɩgbɩná awɛ ɖaḿ‑daá nɛ́.
18 Weení ɩwɛ fɔɔ́ nɛ́ ɩ́kabɩ́sɩ ɩwɔ́rɔ́ sɩsɩ sɩ ɩkɔ́gbɔ́ɔ ɩdɛ́ɛ kpáyɩ.
19 Nbusú ɖamáa na aláa bɛyɛ́ɛ na fúúzi nɛ́, na wenbá bebíya wánmʊzʊ́ʊ wɛ wɛ́ amʊ́ nɛ́.
20 Ɩzʊ́lʊ Ɩsɔ́ɔ sɩsɩ sɩ ise nɛ́, bɩ́kasaaná kaanɩŋá sáátɩ yáá fɛɛzɩrɛ wɩ́rɛ.
21 Sáátɩ kɩḿ, ɩráa wánnáa fúkúḿsi kɛtɛngɛrɛ badanáa ta sɩ ɖoo ɖúúlínya kabaazɩya hálɩ ngɔ́nɩ lɛlɛɛɖɔ́ nɛ́. Ngʊ́ bɩlɛ́ gɛ naárʊ tándanáa sɩdaká.
22 A Ɩsɔ́ɔ ɩ́tátʊʊ́ wɛ́‑bíya bɛḿ, naárʊ ɩ́tábɩ́ɩ́zɩ ɩcɔ́ɔ weezuú‑daá. Amá wenbá waada ɩlɩzɩ́ wɛ nɛ́ bɔrɔɔzɩ́, waadʊʊ́ wɛ́‑bíya bɛḿ.
23 Bɩlɛ́ nɛ́, a naárʊ wɔɔdɔ́ mɩ́ɩ sɩsɩ wɛ cé yáá ɩwɛ lí, ɩ́kafa yɩ toovonúm.
24 Káma lɛɛráa bʊbɔtɩnáa na anɖébiwá bʊbɔtɩnáa wángʊrʊ́ʊ balá mamáaciwá kʊ́bɔńdɩ na mááɖéwá na a bɩ́njɔ́ɔ, bɛtɛlɛ́sɩ bɩkpɛdɩ́na wenbá Ɩsɔ́ɔ waada ɩlɩzɩ́ wɛ nɛ́.
25 Bɩlɛ́ nɛ́ máábásɩ mɩ́ɩ.
26 «Bɩlɛ́ nɛ́, a beevééri mɩ́ɩ sɩsɩ ɩbɛ́ɛ yɩ tɛɛwʊ́lɔ́ɔ‑daá, íkobó. Yáá a bɔɔdɔ́ mɩ́ɩ́ sɩsɩ ɩbɛ́ɛ yɩ, ɩmʊ́sɛ́ɛ cé, ɩkáfa wɛ toovonúm.
27 Káma ńŋɩnáa bɩ́nnyaláázɩ wɩ́sɩ yaalɩɩɖɛ́ fáráńdɩ́ na bikólósi sɩ yaazalaɖɛ́ fáráńdɩ́ nɛ́, bɩlɛ́ gɛ sɩ bɩlá ‑dɛ́ɛ kɔnɖɛ́ wɩ́rɛ.
28 Lénlé wenbí bɩ́ńzɩ́ḿ nɛ́ bʊwɛ nɛ́, ńna gɛ abɛ́ŋtɛ́wá wónduuzí.»
29 «Wɛ́‑bíya bɛḿ baajáŋ bɛdɛ́ɛ fúkúḿsi wɔ́rɔ́ nɛ́, wɩ́sɩ‑daá, bɩ́nlám temeenuú; fenɔɔ́‑dɛ́ɛ ɖɛnyɛm tóndolósi, wɩlásɩ wánlɩɩ́ ɩsɔ́ɔ́dáá sɩ́nzalɩ́ɩ bɩka ɩsɔ́ɔ́dáá yíkowá iséle.
30 Na ‑dɛ́ɛ ɖaazɩ́tɩ ɩɖʊ tɩlɩ́ɩ ɩsɔ́ɔ́dáá, na adɛ laadɔ́ɔ‑rɔɔzɩ́ yíriwá rɩ́ŋa ɩbáázɩ mɛɛdɩ́ bénwií. Bánnáa ɩkálɩ́ɩ́ná ɩsɔ́ɔ́dáá ŋmɩ́ndɩ‑rɔɔzɩ́ ɩ́na ɩdɛ́ɛ yíko rɩ́ŋa na .
31 Wéngediríi ɩdɛ́ɛ na ɖɩgandɩ́rɛ kʊ́bɔńɖɛ botúúzi wenbá waada ɩlɩzɩ́ wɛ ɖúúlínya gootá natɩ́náázá‑daá fúu cé na fúu lí nɛ́.
32 Ɩgbɛlɛmná fiigíyée tɩɩwʊ́. A bɩgɛ́ɛ kɩdɛ́ɛ wiláázɩ waalá siíni bɩka fáádɩ wánzʊʊ́, mɩ́nyɩ sɩsɩ lʊngʊrɛ́ waajʊ́ʊ.
33 Bɩlɛ́ ɖʊɖɔ gɛ mɩ́nyɔ́ɔ́ ɖʊɖɔ, a mɩ́ɩ́ná wentí rɩ́ŋa mááŋmátɩ mɩ́ɩ nɛ́, ɩdɩlɩ́ sɩsɩ waajʊ́ʊ, wáńdálɩ́ mɩ́ɖaḿ wanásɩ.
34 Ménveerím mɩ́ɩ toovonúm sɩsɩ zaamáánɩ kɩna kɩdɛ́ɛ ɩráa tɛ́ndɛḿ na bɩrɩ́ŋa máádɩ́ ɖɔ́ nɛ́ bɩtála.
35 Adɛ na ɩsɔ́ɔ́dáá wɛ́ndɛlɛ́m, amá mɛ́dɛ́ɛ ŋmatɩrɛ́ tɛ́ndɛlɛ́m kɛtɛngɛrɛ.
36 Amá naárʊ waasɩ bɩdɛ́ɛ wɩ́rɛ yáá alʊwáátɩ. bɔwɛ ɩsɔ́ɔ́dáá nɛ́ baasɩ cáńfáná Biyaalʊ́ʊ, asée Caáwʊ riké.
37 Wenbí bɩɩlá ‑dɛ́ɛ sáátɩ nɛ́ nɔ́ɔ́ sɩ bɩlaná ‑dɛ́ɛ kɔnɖɛ́ sáátɩ.
38 Bɩdɛ́ɛ sáátɩ kɩḿ, naanɩ́ na tɛ́ɛ́wʊ kʊ́bɔńgɩ ɩbáázɩ nɩɩ́ lɩ́m iɖi ɩráa nɛ́, ɩráa wénɖíi bɔ́nnyɔɔ́, bɔ́ngbɔwʊ́ʊ aláa bɩka bánváa bebíya hálɩ wɩ́rɛ wenɖé Núhum waazʊ́ʊ nɛ́ ɩtála.
39 Bidefééri wɛ natɩ́rɩ hálɩ lɩ́m kʊ́bɔńbɩ ɩkɔ́nɩ biɖi barɩ́ŋa. Bɩlɛ́ ɖʊɖɔ gɛ sɩ bɩlá ‑dɛ́ɛ kɔnɖɛ́ wɩ́rɛ.
40 Ɩráa nɔwɔ́lɛ wɛ fɔɔ́‑daá gɛ na bɩsɛlɩ́ kʊ́ɖʊḿ biyéle sɩɩlɛ ńnɩ́.
41 Aláa nɔwɔ́lɛ wɛ bánnaḿ namɩ́rɛ‑rɔ gɛ na bɩsɛlɩ́ kʊ́ɖʊḿ biyéle lí ńní.
42 Bɩlɛ́ nɛ́ ivére, káma mɩ́ɩ́sɩ wɩ́rɛ wenɖé Mɩ́dʊ́ʊ sɩ ɩkɔ́nɩ nɛ́.
43 Mɩ́nyɩ bɩlɛ́ sɩsɩ a ɖɔɔ́‑dʊ́ʊ ɩ́fʊnnyɩ nuvoowú‑dɛ́ɛ alʊwáátɩ wenkí ŋmɩɩlʊ́ sɩ ɩkɔ́nɩ nɛ́, wénveríi ɩcɔɔná waazá na ŋmɩɩlʊ́ ɩ́kɔkɔ́nɩ ɩsʊ́ʊ ɖaána‑daá.
44 Bʊrɔɔzɩ́ nɛ́, mɩ́nyɔ́ɔ́ ɖʊɖɔ ɩgbɩ́ɩ́rɩ mɩ́ɖámáa káma sɩ ɩkɔ́nɩ nɛ́ alʊwáátɩ wenkí mɩ́yáaɖamáa nɛ́ gɛ.
45 «Weení gɛ bɔwʊtá‑dʊ́ʊ ɩzɩɩzɛ́ɛ bɩka ɩgɛ́ɛ tɩlɩ́ɖʊ ɩgʊ́bɔnɩ́ waazɩ́ɩ yɩ wɛ́nbɛɛḿ ɩɖaána‑daá bɔwʊtá‑dɩnáa‑rɔ, bɩka wánváa wɛ kíɖíím sáátɩ wenkí bɩɩbɔ́ɔ́zɩ nɛ́?
46 A bɩgɛ́ɛ bɔwʊtá‑ɖʊ́ʊ ɩmʊ́ ɩgʊ́bɔnɩ́ waagábɩsɩ, ngɛ wɔɔmɔɔná yɩ wánlám tɩmɛ́rɛ wenɖé waaɖʊ yɩ nɛ́, ɩ́naa wenbi‑niíni‑dʊ́ʊ.
47 Ménveerím mɩ́ɩ toovonúm sɩsɩ wánzɩɩ́ yɩ kʊ́bɔńdɩ ɩdɛ́ɛ ɖɔ́ɔ́lɛ rɩ́ŋa‑rɔ.
48 Amá a ɩgɛ́ɛ bɔwʊtá‑dʊ́ʊ tɩtɛ ńnɩ́, wɔ́ndɔ́m iwenbiré‑daá sɩsɩ: "Mágʊ́bɔnɩ́ tángábɩsɩ ɖasam"
49 ngɛ wɛɛɖɛ́ɛ wánmám ɩ́na wenbá tɩmɛ́rɛ‑daá nɛ́, wénɖíi bɩka ɩ́na nyɔɔráa bɔ́nnyɔɔ́,
50 bɔwʊtá‑dʊ́ʊ ɩmʊ́ ɩdɛ́ɛ kʊ́bɔnɩ́ wándalɩ́ɩ wɩ́rɛ na alʊwáátɩ wenkí ɩyaaɖʊ́ʊna nɛ́.
51 Ɩgʊ́bɔnɩ́ wɔ́nɖɔwʊ́ʊ yɩ na ɩfɛ́rɛ yɩ munáávikíwá‑dɛ́ɛ kɩvɛrɛwʊ. Ńna gɛ wénwií bɩka wánlám mányɩ lé.