18
1 Bɩdɛ́ɛ sáátɩ kɩḿ gɛ woogódúu Yeésu‑jɔ́ bɔbɔ́ɔ́zɩ yɩ sɩsɩ: «Weení gɛ kʊ́bɔnɩ́ ‑daá?»
2 Yeésu waayáa bú naárʊ ɩkɔná yɩ bɔlɔwʊ́táá
3 ɩtɔ́ wɛ sɩsɩ: «Ménveerím mɩ́ɩ toovonúm sɩsɩ a mɩ́dɛ́kɛ́ɛ ɩbɩ́sɩ nyazɩ bíya, mɩ́dánzʊʊ ‑daá.
4 Bɩlɛ́ nɛ́, weení wánvʊʊzɩ́ ɩdɩ nyazɩ bú ceení nɛ́, wónÿuú kʊ kʊ́bɔńdɩ ‑daá.
5 Weení waamʊ bú ńŋɩnáa ceení ɩgɔ́ndɩ mɔ́rɔ́ɔ́zɩ́ nɛ́, mádɩ́tɩŋa gɛ waamʊ.
6 Weení rɩ́ŋa sɩ iyéle bíya bana baava ma toovonúm nɛ́ badaá naárʊ ɩlá alaháácɩ́ nɛ́, a baadaná bʊdʊ́ʊ lowú namɩ́rɛ kʊ́bɔńɖɛ bɔlɔ tenkú‑daá, bʊjɔɔ́ɔ sóńcí.
7 Nbusú ɖamáa na nya ɖúúlínya, ńŋɩnáa nyénÿelíi ɩráa wanÿɩsɩnáa Ɩsɔ́ɔ nɛ́! Wenbí bínÿelíi na ɩrʊ́ ɩyɩ́sɩ nɛ́ tɛ́ndɛḿ kɛtɛngɛrɛ, amá nbusú na weení wénÿelíí ɩrɔwʊ́ ɩyɩsɩná Ɩsɔ́ɔ nɛ́.
8 A bɩgɛ́ɛ nyánʊ́ʊ́nɩ yáá nyánʊvɔ́rɛ wénÿelíi kʊ gɛ nyánÿɩsɩnáa Ɩsɔ́ɔ, cɛ ɖɛ nbɛ́ɖɩ bolíni; káma bʊjɔɔ́ɔ sóńcí nzʊ́ʊ arɩjána‑daá nʊ́ʊ́nɩ yáá nʊvɔ́rɛ kʊ́ɖʊḿɖɛ fɛ́yɩ́ bɩkɩlɩná nyánʊ́ʊ́zɩ lɛ́ɛ́nɩ́ yáá nyánʊvɔ́ lɛ́ɛ́nɩ́ wɛ bɩka nzʊ́ʊ azáába nimíni ɩdánɖɩḿ kɛtɛngɛrɛ nɛ́‑daá.
9 A nyáázɩ́rɛ tɩɩná gɛ nyánÿɩsɩnáa Ɩsɔ́ɔ, koori ɖɛ nbɛ́ɖɩ bolíni; bʊjɔɔ́ɔ sóńcí nzʊ́ʊ arɩjána‑daá na ɩzɩ́rɛ kʊ́ɖʊḿɖɛ bɩkɩlɩná alɛ́ɛ́nɩ́ awɛ bɩka nzʊ́ʊ ɩdánɖɩḿ kɛtɛngɛrɛ nɛ́‑daá.
10 Ɩlá laakáarɩ. Ɩ́kɛ́kpɛɛná bíya bɛḿ badaá naárʊ, káma ménveerím mɩ́ɩ́ sɩsɩ báa sáátɩ wenkí bɛdɛ́ɛ sɩ́ŋɛ́ɛ majaa weení ɩwɛ nɛ́ waazá‑daá gɛ.
11 [Káma wɔɔgɔ́nɩ gɛ sɩ ɩlɛ́ɛ wenbá bɛɛdɛlɛ́m nɛ́.]
12 «Mɩ́nmaazɩ́ sɩsɩ wé tɔ́m tɩna sɩ mɛgɛ́ɛ́zɩ mɩ́ɩ tɩ ɖɔ́ nɛ́ tɩrɔ? A bɩgɛ́ɛ sɩsɩ ɩrʊ́ wɛná fééni nɩɩnʊ́wá, ngɛ tɩdaá kʊ́ɖʊḿ wɛɛdɛlɛ́m, idénÿelí nɩɩnʊ́wá kʊ́ɖʊḿ fɛ́yɩ́ tɩna bʊ́ʊ‑rɔ ɩɖɛ́ɛ ɩkájaa weení wɛɛdɛlɛ́m nɛ́?
13 Ménveerím mɩ́ɩ toovonúm sɩsɩ a bɩgɛ́ɛ waana yɩ, ɩdɛ́ɛ wenbi niíní fée kʊ́ɖʊḿ ɩmʊ́ ɩrɔ wángɩlɩ́ɩ nɩɩnʊ́wá kʊ́ɖʊḿ fɛ́yɩ́ tɩɩganáa rɩ́ŋa tɩdɛtɛlɛ́m nɛ́.
14 Bɩlɛ́ ɖʊɖɔ gɛ mɩ́jáa weení ɩwɛ ɩsɔ́ɔ́dáá nɛ́ tánjaa sɩsɩ bíya bɛḿ badaá báa kʊ́ɖʊḿ ɩtɛlɛ́m.»
15 «A bɩgɛ́ɛ ngoobú waayɩsɩná nya, bo ɩjɔ́ nvééri yɩ ɩdɛ́ɛ yɩsɩ́tɩ nyána yɩ mɩ́lɛ́ɛ́nɩ́. A waanɩɩná nya itísi sɩsɩ waayɩ́sɩ, nyáábɩ́sɩ́ná yɩ Ɩsɔ́ɔ‑dɛ́ɛ nɩ́bááwʊ‑daá.
16 Amá, a ɩdanɩɩná nya, kpɔɔ ɩrʊ́ kʊ́ɖʊḿ yáá nɔwɔ́lɛ ibó ɩna yɩ. Ńna nɛ́ nyóóyúu seríya‑dɩnáa nɔwɔ́lɛ yáá noódóozo ɩnyɔ́ɔ́zɩ tɔ́m ńŋɩnáa Ɩsɔ́ɔ‑dɛ́ɛ tɔ́m waaŋmátɩ nɛ́.
17 A weegízi ɩdanɩɩná wɛ, feeri krísto‑dɛ́ɛ koduuziya, a bɩlɛ́ gɛ weegízi ɩdanɩɩná krísto‑dɛ́ɛ koduuziya, ɩ́bɩ́sɩ nya nyazɩ weení waasɩ Ɩsɔ́ɔ nɛ́ yáá tikée mʊʊrʊ́.
18 Ménveerím mɩ́ɩ toovonúm sɩsɩ wenbí rɩ́ŋa sɩ ɩfɔ́kɩ bɩ adɛ laadɔ́ɔ‑rɔ cé nɛ́, bɔ́nvɔkɩ́ bɩ ɩsɔ́ɔ́dáá, wenbí rɩ́ŋa sɩ ibóɖi bɩ adɛ laadɔ́ɔ‑rɔ cé nɛ́, bónboɖí bɩ ɩsɔ́ɔ́dáá.
19 «Máádásɩ ménveerím mɩ́ɩ sɩsɩ adɛ laadɔ́ɔ‑rɔ cé, a mɩ́dáá nɔwɔ́lɛ waalá nɔɔ́ kʊ́ɖʊ́mɔ́ɔ, ngɛ bɔɔbɔ́ɔ́zɩ báa wenbí, majaa weení ɩwɛ nɛ́ wánváa wɛ bɩ.
20 Káma lénlé ɩráa nɔwɔ́lɛ yáá noodóozo woodúúzi na máyɩ́ɖɛ‑daá nɛ́, mɔ́wɛ bɔlɔwʊtáá.»
21 Ngɛ woogódúu ɩjɔ́ ɩbɔ́ɔ́zɩ yɩ sɩsɩ: «Kʊ́bɔnɩ́, a mogoobú wánÿɩsɩná ma, bʊrɔ nŋɩ́nɩ́ gɛ mɛ́njɛ́m yɩ. Hálɩ bʊrɔ lʊbɛ yáá wé?»
22 Ngɛ Yeésu woobúsi yɩ sɩsɩ: «Mɔ́dɔ́tɔ́ nya sɩsɩ hálɩ bʊrɔ lʊbɛ, amá hálɩ niídóozo na saaláa bʊrɔ lʊbɛ.»
23 Bʊrɔɔzɩ́ gɛ bɛ́ngɛɛzɩnáa nyazɩ wúro weení waayáa ɩdɛ́ɛ bɔwʊtá‑dɩnáa sɩsɩ bɔ́kɔ́nɩ batɩ́ ɩmʊ́ kɩmɛ́ beeɖi ɩmʊ́ nɛ́.
24 Waabáázɩ nɛ́ gɛ bɔɔgɔná yɩ ɩrʊ́ naárʊ ɩlɛ́ ɩgɩmɛ́rɛ kɛ́ɛ liideé tutúúma.
25 Ɩvɛ́yɩ́na liideé sɩ ɩfɛ́rɛ kɩmɛ́rɛ nɛ́, ngɛ ɩdɛ́ɛ kʊ́bɔnɩ́ waava wɛ́ɖɛ sɩsɩ báya yɩ ɩ́na ɩɖɛɛlʊ́, na ibíya na wenbí rɩ́ŋa bɔwɛná nɛ́ bɛfɛ́rɛ ɩgɩmɛ́rɛ.
26 Ńna gɛ bɔwʊtá‑dʊ́ʊ wɛɛjɛ́ ɩsála kʊ́bɔnɩ́ nʊvɔ́‑daá ɩɖʊná‑rɔ wɔ́ndɔ́m yɩ sɩsɩ: «Ɖiná ma suúru, mɛ́nvɛrɩ́ɩ nya bɩrɩ́ŋa.»
27 Bɩɩlá ɩdɛ́ɛ kʊ́bɔnɩ́ kʊnyɔḿ, ngɛ wɛɛjɛ́ yɩ ɩgɩmɛ́rɛ iyéle yɩ ɩɖɛ́ɛ.
28 Bɔwʊtá‑dʊ́ʊ ɩmʊ́ wánlɩɩ́ nɛ́, ngɛ waana ɩɖɔndɩnáa ɩna wɛ bánlám tɩmɛ́rɛ́ nɛ́ badaá naárʊ, ɩlɛ́ weeɖí yɩ kɩmɛ́rɛ liideé cʊ́kɔyɔ́ɔ. Ngɛ weegbí yɩ wánŋmɩrɩ́ɩ ilowú bɩka wɔ́ndɔ́m yɩ sɩsɩ: «fɛrɛ ma mágɩmɛ́rɛ.»
29 Ngɛ ɩɖɔndɩ wɛɛjɛ́ ɩsála ɩnʊvɔ́‑daá wánvɩnɩ́ yɩ sɩsɩ: «Ɖiná ma suúru, mɛ́nvɛrɩ́ɩ nya.»
30 Amá ɩlɛ́ weegízi. Wooboná yɩ gɛ bɔtɔ sáráka sɩsɩ aséé wɛɛvɛ́rɛ ɩmʊ́ ɩgɩmɛ́rɛ.
31 Ɩdɔndɩnáa waana wenbí bɩɩlá nɛ́, bɛlɛ́ baabá basʊ́ʊ kaanɩŋá. Ngɛ boobó befééri bagʊ́bɔnɩ́ wenbí rɩ́ŋa bɩɩlá nɛ́.
32 Ńna gɛ ɩgʊ́bɔnɩ́ weeyéle bɔkɔná yɩ, ngɛ weevééri yɩ sɩsɩ: «Nyɛ́gɛ́ɛ bɔwʊtá‑dʊ́ʊ kidaavéénúu; mɛ́ɛ́jɛ́ nya nyágɩmɛ́rɛ ɖɩna ɖɩrɩ́ŋa gɛ káma nyáávɩ́nɩ ma sɩsɩ mɛ́jɛ nya.
33 Bɩdɔbɔ́ɔ́zɩ sɩsɩ nyɔ́ɔ́ ɖʊɖɔ ńnɩ́ɩ nɖɔndɩ kʊnyɔŋ́ ńŋɩnáa máánɩ́ɩ nyágʊnyɔŋ́ nɛ́?»
34 Ɩdɛ́ɛ kʊ́bɔnɩ́ waabá ɩyɛ́ɛ baaná. Ngɛ weeyéle boboná yɩ sáráka baɖʊ yɩ tɩmɛ́ ɖóni‑ɖóni ńná sɩsɩ hálɩ ɩfɛ́rɛ ɩgɩmɛ́rɛ rɩ́ŋa.
35 Bɩlɛ́ ɖʊɖɔ gɛ majaa weení ɩwɛ ɩsɔ́ɔ́dáá nɛ́ sɩ ɩlá mɩ́ɩ a bɩgɛ́ɛ mɩ́dáá báa weení tɛńjɛḿ igoobú bɩtála iwenbiré‑daá.