17
1 Wɛ́ loɖo wɔ́rɔ́ nɛ́, Yeésu wɔɔgbɔ́ɔ na Yaakúbu na igoobú Yʊháánɩ bobó bakpa bʊ́ʊ kʊ́bɔńgɩ nakɩ́rɩ‑rɔ bɔgɔjɔɔ́ɔ beriké.
2 Baazá‑daá ńna gɛ Yeésu‑dɛ́ɛ yáásɩ́ wɛɛgɛ́ɛ, ngɛ waazá‑daá wénɖée nyazɩ wɩ́sɩ bɩlɛ́, ngɛ ɩdɛ́ɛ kpɩná izóóna nɛ́ waavʊ́lʊ párɩ́‑párɩ́ nyazɩ ɖɛnyɛm.
3 Ngɛ toozóóní waana na baaɖʊ balɩ́ɩ bána Yeésu bánŋmatɩ́.
4 Ngɛ wɔɔdɔ́ Yeésu sɩsɩ: «Ɖádʊ́ʊ, ɖɛ́dɛ́ɛ cénjé cɔwʊ́ʊ wánlám kazɔ́ɔ. A nyɔ́zɔɔlɛ́ɛ, mónzuú kɛ́rɛ́ɛ́zɩ nasúdoozo cé: Nyɔ́ɔ́ kʊ́ɖʊmɔ́ɔ, Múúsa kʊ́ɖʊmɔ́ɔ, Elíya kʊ́ɖʊmɔ́ɔ.»
5 Ɩbamáa ŋmatɩrɛ gɛ, ŋmɩnʊʊ́ nakɩ́rɩ kínnyeléɖi nɛ́ woovu bɔrɔ. Ngɛ baanɩ́ɩ lowú nakɩ́rɩ ŋmɩnʊʊ́‑daá sɩsɩ: «Ceení gɛ mebiyaalʊ́ weení máábá mɔzɔ́ɔ́lɩ yɩ nɛ́. Ɩrɔ gɛ mááɖʊ́ mɛ́dɛ́ɛ sɔɔlɩ́m rɩ́ŋa. Ɩnɩɩná yɩ.»
6 Wanbaaráa waanɩ́ɩ bɩlɛ́ nɛ́, nɩndáárɛ waabá bɩlá wɛ bɛcɛ́ basála bɛnyɛ́ ɩbá adɛ.
7 Amá Yeésu woogódúu bɔjɔ́ itekiná wɛ ɩtɔ́ wɛ sɩsɩ: «Ɩgʊrʊ́ nɩndáárɛ ɩ́kalá mɩ́ɩ.»
8 Baagʊ́sɩ ɩzá nɛ́, badana naárʊ, Yeésu riké gɛ baana.
9 Bɔwɛ béndím bʊ́ʊ nɛ́, ngɛ Yeésu waabásɩ wɛ sɩsɩ: «Ikefééri naárʊ wenbí mɩ́ɩ́ná cé nɛ́ hálɩ ifé ɩlɩɩ́ ɩsɩɖáa‑daá.»
10 Ńna gɛ wanbaaráa wɔɔbɔ́ɔ́zɩ Yeésu sɩsɩ: «We‑rɔ gɛ wánŋmatɩ́ sɩsɩ aséé Elíya wángábɩsɩ naanɩ́?»
11 Ngɛ Yeésu woobúsi wɛ sɩsɩ: «Toovonúm, Elíya wángabɩsɩ́ na ɩnyɔ́ɔ́zɩ báa wenbí.»
12 Amá ménveerím mɩ́ɩ sɩsɩ Elíya wáńgábɩsɩ. Badatɩlɩ́ yɩ, ngɛ baalaná yɩ wenbí bolowú fáa bɩ nɛ́. Bɩlɛ́ ɖʊɖɔ gɛ sɩ ɩna wahála bɔjɔ́.
13 Ńna gɛ wanbaaráa waadɩlɩ́ sɩsɩ ‑dɛ́ɛ tɔ́m gɛ wɔ́ndɔ́m.
14 Yeésu na ɩwanbaaráa baadála zamɔ́ɔ‑jɔ́ nɛ́, ngɛ ɩrʊ́ naárʊ wɔɔgɔ́nɩ ɩká ɩɖʊná Yeésu ɩzá‑daá ɩtɔ́ yɩ sɩsɩ:
15 «Kʊ́bɔnɩ́, nɩɩ mebiyaalʊ́ kʊnyɔḿ, kazáladɛ́ɛ́dɩ wɛná yɩ wɛ́nÿɛlɛ́m páá. Wándárazálɩ́ɩ nimíni yáá lɩ́m‑daá.
16 Mɔ́ɔ́gɔ́na yɩ nyɛ́dɛ́ɛ wanbaaráa, amá badabɩ́ɩ́zɩ bawáázɩ yɩ.»
17 Ńna gɛ Yeésu sɩsɩ: «Zaamáánɩ kɩna kɩdɛ́ɛ ɩráa badafa Ɩsɔ́ɔ toovonúm bɩka badaavé nɛ́! Wɛ́ ńŋɩnɩ́ gɛ móngúti mɔjɔ́ɔ mɩ́jɔ́? Wɛ́ ńŋɩ́nɩ́ gɛ mógúti mɔɖɔ́kɩ mɩ́ɩ? Ɩgɔná ma bú ɩmʊ́ cé.
18 Ngɛ Yeésu waagazɩ́ zííni kɩ́njaarɩ́ bú ɩmʊ́ nɛ́ kɩcáŋ́ kɩlɩ́ɩ ɩrɔ, bú ɩcáŋ́ ɩwáa ńna ńna.
19 Ngɛ wanbaaráa woogódúu Yeésu‑jɔ́ bɔbɔ́ɔ́zɩ yɩ bána yɩ beriké nɛ́ sɩsɩ: «Ngbaalá gɛ ɖɔ́ɔ́ ɖádábɩ́ɩ́zɩ ɖɩɖɔ́ɔ zííni kɩḿ?»
20 Ngɛ Yeésu woobúsi wɛ sɩsɩ: «Káma mɩ́dɛ́ɛ toovonúm fáa tɔɖɔ́ɔ. Ménveerím mɩ́ɩ́ toovomúm sɩsɩ a mɩ́dɛ́ɛ toovonúm fáa waadála báŋɩ́náyɔ́ɔ bú, mɩ́ndɔ́m bʊ́ʊ kɩna sɩsɩ kpɛzɩ́ nyádɩ cé ngózúu lí. Bɩlá bɩlɛ́. Nabʊ́rʊ fɛ́yɩ́ mɩ́dánbɩɩzɩ ɩlá nɛ́.
21 [Amá na sʊlʊ́ńdɩ na nɔɔ́ fɔkɩ́ gɛ bánbɩɩzɩ́ bɔɖɔɔná zííni ńŋɩnáa kɩna.]
22 Boduuzée Galilée ńna gɛ Yeésu weevééri wɛ sɩsɩ: «Bángbáa becéle ɩráa,
23 bɛlɛ́ bángʊ́ʊ yɩ, amá tóózo wɩ́rɛ wénvém ɩlɩ́ɩ ɩsɩɖáa‑daá.» Ńna gɛ wanbaaráa waabá basʊ́ʊ kaanɩŋá.
24 Baadála Kapɛɛrɩnawʊ́m nɛ́, ngɛ wenbá bɔ́nbɔɔzɩ́ Ɩsɔ́ɔ‑dɛ́ɛ ɖaána‑daá liideé kʊ́ɖʊ́ʊ́yɛ nɛ́ bɔɔgɔ́nɩ bɔbɔ́ɔ́zɩ sɩsɩ: «Mɩ́dɛ́ɛ kʊ́bɔnɩ́ wánɖʊ́ʊ Ɩsɔ́ɔ‑dɛ́ɛ ɖaána‑daá liideé kʊ́ɖ, ʊ́ʊ́yɛ?»
25 Ngɛ sɩsɩ: «Ɩɩ́n wɛ́nvɛrɩ́ɩ.» Waadála ɖaána nɛ́, ngɛ Yeésu wɛɛdɛ nɩ́bááwʊ ɩbɔ́ɔ́zɩ yɩ sɩsɩ: «Simɔ́ɔ́nɩ, sɩsɩ wé gɛ nyánmaazɩnáa tɔ́m tɩna: Wenbá‑jɔ́ gɛ adɛ laadɔ́ɔ‑rɔ cé wúrowá wánmʊ́ʊ lanpóo? Tɛ́ɛ́dɩ‑bíya yáá ɩgɔma‑jɔ́?»
26 Ngɛ woobúsi sɩsɩ ɩgɔma. Ngɛ Yeésu sɩsɩ: «Bɩlɛ́ nɛ́ bɩdɛkɛ́ɛ tɩ́lásɩ sɩsɩ tɛ́ɛ́dɩ‑bíya ɩfɛ́rɛ lanpóo?
27 Amá na bʊ́kɔ́kɔ́nɩ biyéle bayɩ́sɩ nɛ́, bo ngɔ́lɔ́ kolɔɔ́ lɩɩrɛ́ kʊ́bɔńɖɛ‑daá. Fulú tińɖe kaɖaa ńɖɛ sɩ nbúu ɖɛ nɛ́ ɖɩnɔɔ́, nyánnáa lideé weená nɔ́ɔ́ bɩ́nbɔɔzɩ́ mána nya sɩ ɖɩfɛ́rɛ nɛ́. Kpɔɔ yɛ nbó nvɛ́rɛ mána nya.»