1 Mari aje ino bezizi anome tize ta Asere ani winme, ma ribee Ujerusalem ma chukuno anabu uwara nikyerainge maniwii. 2 Mare aje tibe yau, maze inu buu maguwe itilem tilem maguwe ana. 3 Kunna nii u na tibira masuri atibira? 4 Samabira ire esana iresa una ignyin eyitingi. 5 Ire isaname yarizo adezi upanbara inka uwui wa tusa idusa iwa. 6 Sa uwi watusa idusa awa. 7 Ire ya rizi, ire kana ikame ahiri inpime daki yawuna uhoba. 8 Ire ya rizi adizi ariri inya biho akuro atataru ire akuro ta tasi ire aino aino. 9 Anu ati anatitui tu kunna me na wa kunna wa wuzi katuma neinni imumume sawa kunna. 10 Uganiya sa Yesu ma ciki nana a hana kadura ka meme anu kirau in kare ukasume wa iki me nyanini imumu ibiyau bi sa mazi ni bo iru. 11 Shime ma hiri shi iboke shi imumbesa ira Asesere i sa wa zome nan shi ba sa dai ma buka. 12 Wa di hiri a wada ira ini? wadi kunna e wa wadi caki imumbesa wa kunna 13 Ma gwawe indaki ya kunna imumbesa mabuka shi ba ide wa aneni iri Asere. 14 Unu cobo isana igenneme tize ta Asere tini barki ini mumbesa abeziwe inime. 15 Aye wazi kasi i sana ya rinzo una barki wakunna tize ta Asere dibe wazowe ina bangu iveteme niba. 16 Anabu wazi kaniya isanasa ya rizo upambara inka uwui wa tusa inki we vati. 17 Wazi kasi andebesa wa kaba tize ta Asere wenno iri mumu ya hira ibiyau wa zome inna bangu zetiminiba. 18 Isanasa ya rizi ikanu ineini anabu sa wakunna tize ta Asereme. 19 Adezusa a cere anu ine eni ya unni geme na nu una urunta wa kati anabu ukunna u tize ta Asereme. 20 Kasi andebesa wa kabi tize ta Asere we wani kasi isana sa yarizo adizariri wa niza iburi irir ire kuro ataru ire aguro utasi ire mi ino. 21 Yesu ma bukiwe innu guna adatawu ura upitila a inpi ine gira nani aka a inpi ini so ene a masama e. 22 Indaki ire imumu irani sa izi mubunzi sa daki inki tasi ini ba anu haze ushi tire tize. 23 Vati anatitui tu unna na makuna da besa daki ma kunna ba ade ame. 24 Mkuri mabukawe inoguna imu dusa wa guta me une uni, uni adegutuwen harma atinkuweni. 25 Desa mazini adi kinkimeni da sa ma zo mani ade kabi a cheki enime. 26 Yesu ma reje ini gusa tize ta Asere tize kaniya unu wuza otibira uru umeme. 27 Amori ahiri unu ugenome mada urusame indabesa aru uru uzi ba har asani usanna ahira. 28 Adizi ata anya bisana biriri gusi iriri ma e inyanice iriri sa adi irin nini me merun. 29 Uganiya sa ya hina maka ma imumu uwesi maka barki ya hina. 30 Yesu ma buki madi bezuwe anabu aneni barki watinka nani ma bezuwe uya anu rusa sa wada rusa ba. 31 Wazi kasi isana icicinci sa una tibira ma ha maka bira uru uwu iriri. 32 Akabiri ini iki isuri hari iwu ure memerun ulambume. 33 Yesu ma reje inu bo uwe tasi timumu gbardan sa ma bezuzu we tene barki kati wa perkeme ba. 34 Madaki beziziwe inka mazi nan na hana akatuma ka meme wa daki wa cukuno wa zi vati ani gino makama ma bukuwe vati imumbesa ize. 35 Uru uwui ma gu ahana akatuma kameme tarini ti kafani uhuru utekume. 36 Wa dusa wa hiri wa dibe ugirgime wadusa uhana uhuru ugino nan mare ma jirgi. 37 Ukpebu udandang wa uhiri udari ukeme u e mei u winca u jirgi me ama rari wa gwame buka tize ma dusa ma buki tize na nu kpebu me utonno. 38 Yesu mararume imumu ime unu nyetike ihori u urdu uceki duru tiwui. 39 Sama zuma ma barka ukpebu me magu a une tunno ukpebu udusa utonno rik. 40 Ma gwewe nyanini yawuna izindiyau inda ki ya kaba tize ta Asere ba? 41 Ahana akatuma ta meme aveni ma bari uguna ma karti me ma nyanga ma gene.