1 Yesu ma ku ma kuri a nyumo u denge sa uni gura, uye sa tare ta wano maa rani abnyumome. 2 wa zi unu nyasra kuna sa wadi meki me unu caran unu wui wa sabath. 3 Yesu ma buki una tare sa ta wano ma hiri ma tunno a ti anu. 4 Ma buki a nabu “Irizi unu ma wuzi ka tuma ka ririn nan ka bur unu wui wa sasbath mee; u buri unu nan u humee” wa ciki tik. 5 Ma gamirka ma iri we ma puru a bit barku ugbas umu riba muwe mee, ma gunmee witi Yesu ma meki tari tu numee ti dusa ti ti huma. 6 Daki dadankino ma Farisiyawa na ma Herodiyawa wa suri ama tara waka wuza ti chukum wa tiri ti nyo agi wa hu mee. 7 Yesu ma ziki a hana a tami tume mee wa dusa u hana uraba dangi. 8 Anu Gallilee nai nu Judiya wa tarsi gbardan. Anu Jerusalem, Iduniya ana ma tara mu Jodan nan ti kira tu teira wanu Sidon gbardan sa wa kunna imum me sa ma zinowuza me wa e. 9 Ma buki a hana a tanu tume mee wa nyarme ku zuki ku mei barki u gbardan wa nu kati wa humee. 10 Sa ma humzan na nu gbardan, barki anime ana ti koni gbardan wa meki u sonsiace bati wa dari mee. 11 Ingi ani ibe i amemee ma so, “wa guse ho mani vana Asere”. 12 Ma bussurka we kati anu wa rusume. 13 Ma nyene asesari ani po ma titi an de sa ma nyara wa e wa kem me. 14 Ma zanka ana kirau inwa re (andee sa ma nya we ni za Adura) bati wa chukuno nan me ma kur ma tunzi we wa ka bizi anu tize ta sere. 15 Nan ni kara mu suzo agbargene. 16 Ma zauka anu kirau inwa re: Simon de sa ma nyame ni za Bitrus 17 Yakubu u sam u Zebedee nan Yohana u nanu u Yakubu (ma nya we ni zo buwanajis wati a hana u tusa Asere); 18 Nan Andrawus, Filip, Batalomi, Matiyu, Toma Yakubu u sam wa Alfarsus, Tadawus, Simon u Zailot. 19 Nan Yahuda Iskarioti de sa madi zizime. 20 Sa ma kuro a kura anu wa gurna gbardan nan wa iri me, wa diri ace are imumare. 21 Ana kura awe me sa wa kuna age iriba imeme izo nan me wa suri uguma waka burame. 22 Anu rusa sawa suri u Jerusalem wa gu mazin ibibe ba gbargene. 23 Yesu ma titiwe a hira ame ma bukuwe tize ani hunzi; Adi wu aneni u gbargenee. 24 Inge ana ma nyanga wa hara ace awe ma nyanga me ma rizo. 25 Inge ana kura wa hara ace awe, a kura me a rizo. 26 Tuge u gbargeme ma garte ani ce nume ibinani ime ya aye. 27 Unu mada kee ma riba akura una ni kura ma cuzi tinanga tu na nikara sarki u tirza umee. 28 Ka dundura ma buka shi vat u rizizo wanu adi parkumen uni vat nan nu chara sa wa charsan. 29 Vat de sa ma chara bi be biririn ba Asere ada cheke meba. 30 Yesu ma buku we aniwe barki su wa gu mazin in bibe bi zenze. 31 A ino umeme nan anu henu meme wa e wa tunno ama tara, wa tumi aye atitime. 32 Anu sa wa kete me gbem wa gun me a ino uweme nan anu heme henu uweme wa turi a ma tari a ma tara wa nyara u ira uwe. 33 Ma kabirka ka we unu ikko, aka veni anka ino um nan anu henu um. 34 Ma venki aje ma iri an de sa wa kete ma gu wewani anka ino nan anu henu umeme. 35 Barki anime an de sa wa tarsa ti ze ta sere wewa ni hanu enu am nan aka ino am.