24
Hay kantan David
1 Bagin APU DIOS hantun luta ya am-in di wadah tu umat hi tatagu, aggayam, nitanom ya nadan udum.
2 Te hiyay nunlutun ingkapyanay nipab-unana nah dalom di baybay.
3 Kinali dahdi udot di tumikid nah bilid APU DIOS ta e humgop nah Templona?
4 Abuna nadan maphod di aton da ya maphod di nomnom da, nadan adi mundayaw hi adi makulug an dios ya nadan adi munlangkak.
5 Bendisyonan APU DIOS didan ihwang na ya ibilang na didan maphod.
6 Diday umalin mundayaw ke hiya an Dios damdaman Jacob.
7 Ibughul yu nadan hoob ya nadan panton wada tuwali dih done nah pundayawan ta humgop nan nakattag-en Patul.
8 Dahdih tuwen nakattag-en Patul? Hiyay AP-APU takun madayaw ya ongal di kabaelana ta maid di pakaapput ke hiya.
9 Om, ibughul yu nadan hoob ya nadan panton wada tuwali dih done nah pundayawan ta humgop nan nakattag-en Patul.
10 Dahdih tuwen nakattag-en Patul? Hiyay AP-APU an Kabaelanan am-in ya hiyay Patul an madayaw.