23
Hay kantan David
1 He-a, APU DIOS di mialig an mangipattol ke ha-on, kinali maid di pungkudangak hi mahapul ku.
2 Ipanguluwak an mun-iyatu nah maphod an pumpattolan ya nah madin-ong an wa-el an uminumak.
3 Pal-otonak ta nangamung. Ya ituttuduwanak hi maphod an pangi-et kidayawam.
4 Takon di nahalman di ligat kun kayak wadah tapol ya adiyak tumakut te paddungnay ipaptokak an iusal muy patanong mun mangihwang ke ha-on hi buhul ku.
5 Ipatibom hi buhul kuy pangipaptok mun ha-on an paddungnay bisitaak an idadaananak hi mahong-on makan ya mainum. Ya ha-adam di uluk hi lanan kitib-anan maapnga kan ha-on. Hay bendisyon mun ha-on ya mahawwahawwal an paddungnay basun nakakkapnu.
6 Inilak an punnanongom di homok mu ya ongal an pamhod mun ha-on ad uwanin mataguwak. Ta hidiye nan, ha-oy ya nunna-ud an eyak mundayaw ke he-at nangamung nah balem.