1 +Pentekos hnina pha vaengah pakhat la tun boeih om uh. 2 Te vaengah vaan lamkah olhum tah khohli puei aka hli bangla tarha om tih aka ngol rhoek a om nah im te khuk bae. 3 Te vaengah amih taengah hmai bangla thoeng a lai long khaw phik uh tih amih pakhat rhip soah a ngol thil. 4 Te vengah Mueihla Cim neh boeih bae uh tih Mueihla loh amih taengah thui ham a paek vanbangla ol tloe neh koe cal uh. 5 Te vaengah Jerusalem kah khosa Judah rhoek, vaan hmui neh namtom boeih khuikah aka cuep hlangrhoekkhaw om uh. 6 Tekah ola om vaengah amih kah a thuite pakhat rhip loh amah ollaa yaak uh dongah rhaengpuei loh tingtun tih puen uh. 7 Limlum uh tiha ngaihmang uh dongah, “Hekah aka om boeih he Galilee ol la aka calrhoek moeniha he? 8 Balaetih mamih loh n'thaang nah kah m'mah ol la rhip n'yaak uh. 9 Parthian, Mede neh Elamite khaw, Mesopotamia kah khosarhoek khaw, Judea neh Kappadokia khaw, Pontus neh Asia khaw, 10 Phrygia neh Pamphylia khaw, Egypt neh Lybia pingpang Kurene ben khaw, Roman laiom khaw, 11 Judahrhoek neh poehlip rhoek long khaw, Krete neh Arab rhoek long kaw a thui te mah ol n'yaakuh tih, Pathen tah lenduet pai,” a ti uh.

12 Hlang boeih loh limlum uh tih hit uh. Pakhat loh pakhat taengah, “Balaea ngaihtih he tlam he a om,” a ti uh.

13 Tedaea tloe rhoek loh a nueih thil uh tih, “Didip tui aka rhuihmilrhoek ni,” a ti uh.

14 Tedae Peter neh hlaikhat loha pai doeah a ola huel tih amih te, “Judah hlangrhoek neh Jerusalem kah khosa boeih, he tah nangmih loh na hmat uh hamla om saeh lamtah ka olthui mah hna kaenguh. 15 Na ngaihoih uh bangla he rhoek tah a rhui uh moenih. Khothaih khonoek pataeng pathum ni a lo pueng. 16 Tedae hekah he tah tonghma Joel lamloha thui te ni. 17 + “Khohnin hnukkhueng donglaa om vaengah, Pathen loh, 'Pumsa boeih te ka Mueihla ka lun thil vetih, na canu na caparhoek loh ol a phong uh ni. Na cadongrhoek loh mikhlama hmuh uh ni. Nangmih kah patongrhoek loh manga man uh ni. 18 Tekah khohnin ah Ka salrhoek so neh ka salnurhoek soah khaw ka Mueihla ka lun vetih ol a phong uh ni. 19 Vaan so ah khobae rhambae, diklai hmui ah miknoekte thii, hmai, tuihu hmaikhu neh ka paek ni. 20 Boeipa kah a len neh mingom khohnin ha pawk tomah tah khomik loh yinnah la, hla khaw thii la poeh ni. 21 Te vaengah ana om bitni , Boeipa ming aka phoei boeih te tah daem ni.

22 Israel hlang rhoek, ol he hnatun uh. Nazareth Jesuh, nangmih taengah Pathen loh han tai hlang te, na ming uh bangla anih lamkah ni thaomnah, khobae rhambae neh miknoek khaw Pathen loh nangmih lakli aha saii. 23 +Pathen kah mangtaengnah neh mingnahloh a hoep anihte lailak kut loh han tloeng dongah na tai uh tih na ngawn uh. 24 +Tedae dueknah loh aniha pin ham tah a coeng koi la a om pawt dongah dueknah bungtloh te a hlam pah tih Pathen loh amah te a thoh. 25 +Anih te David long khaw a thui tih, “Boeipa te ka hmaiah vawp vawp ka hmaitang yoeyahtih ka bantang aha om dongah ka hinghoek mahpawh. 26 Te dongah ka thinko loha uum tih ka ol loh hlampan. Ka pum long khaw ngaiuepnah dongahkhoa sak bal pueng ni. 27 Ka hinglu he saelkhui ahna phap sut pawt tih na hlangcim te pocinah tong sak ham na paek moenih. 28 Hingnah longpueite kai nan tueng tih, na mikhmuh ah omngaihnah neh kai nan baetawt sak. 29 Manuca rhoek, ka hlang rhoek aw, patuel David kawng he nangmih taengah sayalh la thui ham m'pae mai. Anih te duek coeng tiha up bal coeng dae a phuel tah tihnin duela mamih taengah om. 30 + Te dongah tonghma la aka om long khaw Pathen loh a pumpu kaha thaihkhui lamkah a ngolkhoel dongah ngol sak ham a taengah olhlo neh a toemngam te khaw a ming. 31 Anih te saelkhui ah phap sut pawt ham neh a pumsa loh pocinah tong pawt ham khaw Khrih kah thohkoepnah kawng te a hmaitang tih a thui coeng. 32 Pathen loh Jesuha thoh dongah mamih boeih he laipai la n'om uh. 33 Te vaengah Pathen kah bantang ah a pomsang. Mueihla Cim kah olkhueh, na hmuh uh tihna yaak uh te pa taeng lamloh han lun tih, na dang uh. 34 + Te dongah David loh vaan la cet hlan dae anih te a voek vaengah, 35 Boeipa loh , “Ka Boeipa aw, na rhal te na kho ham khotloeng la ka khueh hlan atah, kai kah bantang ah ngol dae,” a ti nah.

36 Te dongah Israel imkhui boeih loh Boeipa amah neh Pathen loha khueh Khrih khaw rhep ming saeh. Jesuh amah he ni na tai uh,” a ti.

37 A yaak uh vaengah thinkoa thun pah tih Peter neha tloe caeltueihrhoek taengah, “Ka manuca rhoek, ka hlang rhoek, balae ka saii uh eh,” a ti uh.

38 Tedae Peter loh amih taengah, “Yut uh lamtah na tholh khodawkngainah ham nangmih khat rhip loh Jesuh Khrih ming dongah nuem uh lah. Te daengah ni Cim Mueihla kah kutdoe tena dang uh eh. 39 Mamih kah Boeipa Pathen loha khue boeiloeih atah na ca rhoek ham khaw, khohla kahrhoek boeih ham khaw nangmih taengah olkhueh om coeng,”a ti nah. 40 Ol tloe nen khaw muep a uen tih amih a hloep vaengah, “Vilvak cadil khui lamkah he daem uh laeh,” a ti nah.

41 A ol aka duehrhoek ngawn taha nuem. Te dongah hnin at dongah hinglu thawngthum tluk thap uh thae. 42 A om uh vaengah caeltueihrhoek kah thuituennah neh rhoinaengnah, vaidam aehnah neh thangthuinah tea khuituk uh. 43 Rhihnah loh hinglu boeih taengah cuentih caeltueih loh khobae rhambae neh miknoek khaw muepa saii uh. 44 + Te dongah aka tangnahrhoek boeih loh thikat la om uh tih tun boeih cut uh thae. 45 Hnopai neh khuehtawna yoih uh vaengah khaw khat rhip loh a ngoe atah rhipa tael uh. 46 Hnin takuem bawkim te hueka khuituk uh. Im lamkah vaidamte khawa tael uh. Kohoenah neh thinko lunghoih la buha doe uh. 47 Pathena thangthen uh long te pilnam boeih taengah lungvatnaha dang uh bal. Khang la aka om rhoekte khaw a taengla hnin takuem Boeipaloh a thap.