CAELTUEIH
(The Acts of the Apostles)
Caeltueih Cabu Kawng
Caeltueih cabu he Luka loh a tael bal. Cabu a tael pacuek te Luka Olthangthen a mingnah. Tekah cabu dongah Jesuh a cun lamkah vaan la a luei hil kawng a thui (chapter 1.1,2). Tahae kah dongah tah Jesuh hnukbang rhoek loh Jesuh ol a ngai uh tih diklai pum ah bibi kawng, a patangnah kawng khaw a thui.
Khrih olthang loh a phanah ram a tloe tloe kah ming khaw muep a tueng sak. Jesuh vaan la a luei phoeiah tah a hnukbang rhoek khaw a ngaihmang uh. Pathen kah pilnam la u lae n'khueh uh poek lah eh a ti uh. A hnukbang lamhmacuek rhoek he Jews rhoek kah la a om dongah Khrih olthang he Jews rhoek ham bueng mamah a ti uh. Khrih olthangthen Jews neh namtom boeih ham ni tila caeltueih cabu khuiah Mueihla Cim loh a thui. Pathen loh namtom pilnam boeih neh namtu koca boeih he a hnukbang la khueh a ngaih.
Khrih olthang te Judah mawtkung rhoek loh hnawt uh. Te dongah Jews neh Khrihca lakloh khingkhaknah vik om (4.1—31; 7.1—59). Jews hlang n'coeng mueh ah Jesuh hnukbang la n'om thai te a hnukbang rhoek loh a ming vawt uh. Te dongah ni a moecuek kah hlangboel taengah olpuengnah a om. Te bang poeknah te Samaria la Philip a caeh vaengah tah tho uh coeng. (8.7—25). Peter khaw Rom rhalboei Cornelus im a pha vaengah Pathen loh koep a hmuh sak. (10.1—48).
A hnukkhueng ah Peter te Jerusalem la puen (11.1—18) tih humtunnah pahoi a saii uh (15.3—35). Te vaengah Khrih hnukbang la coengnah kawng a a thuisa uh. Te vaengah Mueihla cim kah a mawt hlang boeih tah Khrih hnukbang la coeng thai ti te a kotluep uh.
Tangnah kawng aka pung sak khungdaeng tih namtom taengah olthang then aka thui koek Paul kawng he khaw a thui bal. Te vaengah Khopuei a len koek la aka om Rom khopuei ah Paul loh olthangthen a thui (28.16—31). Paul loh olthangthen a thui te u long khaw a paa sak thai moenih.
Sawt Yoeinah
Jerusalem ah Olthangthen 1. 1—8. 3
Judea neh Samaria olthangthen 8. 4—12. 25
Paul yincaehnah cuek 13. 1—14. 28
Jerusalem tungpuei neh oltloeknah 15. 1-35
Paul pabae yincaehnah 15. 36—18. 22
Paul a pathum yincaehnah 18. 23—21. 16
Paul a hnaemtaek uh 21. 17—23. 22
Paul Kaesarea la a khuen 23. 23—26. 32
Paul Rome la a khuen 27. 1—28. 31
1
Olrhan
1 Aw Theophilu lamhma kah olka ngawn tah cungkuem la ka khueh coeng.
2 Te tah Jesuh loha saii ham neh thuituen ham a tong lamloh Mueihla Cim dongah caeltueih rhoek a uen khohnin hil kah ni. Amih ni a tuek tih a loh.
3 A patang phoeiaha hingte mingphanah cungkuem neh amahloh a pai puei bal coeng. Khohnin sawmli khuiah amih taengla phoe tih Pathen ram kawng tea thui.
Mueihla Cim Olkhueh
4 Te vaengah, “Jerusalem lamkah nong kolla tingtun uh lamtah kai taengkah pa olkhueh na yaak uh te rhingoel uh.
5 Nangmih te Johan loh tui n'nuem coeng dae khohnin muep a di mueh la Mueihla Cim neh n'nuem uh ni,” tila amih te a uen.
6 Te dongah aka tingtunrhoek loh amah te a dawtuh tih, “Boeipa, tihnin ah Israel ramna thoh koinih ta,” a ti na uh .
7 Tedae amih taengah, “Pa loh amah kah saithainah neh a khueh a tue khohnin he nangmih kah a ming koi la a om moenih.
8 Tedae nangmih soah aka thoeng Cim Mueihla kah saithainah na dang uh bitni. Te vaengah Jerusalem neh Judea pum, Samaria neh diklai khobawt duela kai kah laipai la na om uh ni,” a ti nah.
Vaan La Luei
9 He rhoek he a thui tih a sawt uh vaengah Boeipa te a pom hang. Te phoeiah khomai loh amih mikhmuh lamkah voelh a doe.
10 Amah vaan laa caeh vaengah rhep aka hmaitang la amih te om uh. Te vaengah hlang panit loh himbai bok neh amih taengah pakcaka pai pah.
11 Te rhoi long khaw, “Galilee hlang rhoek, balaena pai uh tih vaan kena dan uh. Jesuh he nangmih taeng lamkah vaan laa loh dongah vaan la a caehna hmuh vaengkah a longim bangla ha pawk ni,” a ti nah.
Kodoknah neh Thangthui uh
12 Te phoeiah Olive la a khue tlang lamloh Jerusalem la bal uh. Tekahte Sabbath kah yincaeh khoeng Jerusalem taengah om.
13 Cet uh tih imhman laa luei uh vaengah, Peter neh Johan, James neh Andrew, Philip neh Thomas, Bartholomew neh Matthai, Alphaeus capa James, namlung Simon neh James capa Judah khaw ana pah uh tih ana om uh.
14 Amih boeih loh hutarhoek nen khaw, Jesuh kah a manu Mary, a manuca rhoek nen khaw, thikat la omtih thangthuinah tea khuituk uh.
Matthias A Tuek
15 Te vaengah hnin ah Peter loh manuca rhoek kah laklung ah pai Hmuen pakhat ah ming pakhat neh aka om hlangping he ya pakul tluk tah om van tih,
16 “Ka hlang rhoek, ka manuca rhoek, Jesuh aka tu rhoek kah longtueng la aka om, Judas kawng dongah, David ka dongah Mueihla Cim loha thui olcim tea soep ham a kuek.
17 Te dongah mamih khuikah aka om he tae sih lamtah tahae kah bibi he hmulung neh yo saeh.
18 Anih loh boethae phu neh khohmuente kaelh ngawn cakhaw singling singloei lamni a om. Te dongaha laklungah vawh tih a kotak boeih coe coeng.
19 Te dongah Jerusalem kah khosa boeihloh a hmat om coeng tih khohmuen te amah ol neh Akeldamaha sui. Te tah hlang thii khohmuen ni.
20 Te dongah ni tingtoeng cabu dongah khaw, “A dap te khosoek la poeh saeh lamtah a khuiah khosa loh om boel saeh. Te phoeiah, anih kah hiphoelnah te hlang tloe loh loh pah saeh, “tila a daek.
21 Te dongah Boeipa Jesuh tah mamih taengaha voeia bal tue khui boeihah hlang rhoek he mamih taengah a tingtun ham a kuek.
22 Johan kah baptisma lamloha tongtih mamih taeng lamkaha loh hnin duela mamih taengkah aka om longtah a thohkoepnah laipai pakhat la om van saeh,” a ti.
23 Te dongah Barasabbaslaa khue Joseph Anihte Justus lam khaw a khue neh Matthias hlang panit te a pai sakuh.
24 Te phoeiah thangthuiuh tih, “Soeprhaep boeih kah lungming Boeipa nang loh he rhoi khuiah tahae kah bibi neh caeltueih hmuen aka lo ham na tuek pakhat te phoe sak lah.
25 Amah hmuen la aka cet hamkoi Judas tah palang coeng,” a ti uh.
26 Te phoeiah amih rhoi ham hmulunga naan uh hatah Matthias te hmulung loha tlak thil tiha hlaikhatnah caeltueih laa tae thiluh.