24
10 Ga ŋayinydja Balaktja ŋaramurryina wirrkina dhika, waṉa‐ŋara'‐ŋarakayinana, waŋana bitjarrana, “Mukthurrana. Ŋarranydja nhuŋu ŋunhi wäthurruna, märr nhe yurru buku‐wuykthun ŋarraku miriŋunha, ga nhenydja buku‐ḻurrkun'mirri warray goŋmirriyaŋala walalanha.
11 Gatjuy marrtjiyana wäŋalilina. Ŋarranydja ŋunhi nhuŋu dhawu'mirriyaŋala mundhurr, yurru yakana ŋarra nhuŋu yurru wekamanydja, liŋgu ŋayi Garrayyunydja wiripu warray dhäruktja nhokala wekaŋala waŋanharawunydja.”
12-13 Ga ŋayi Baylamdja waŋana bitjarra, “Liŋgu muka ŋarra ŋunhi dhäruktja wekaŋala nhokalaŋuwala dhäwu'mirriwalanydja, ga yakana ŋarra yurru djuḻkmarama dhäruktja Garraynha. Yakana ŋarra yurru djäma ŋarrakalaynydja ŋarra ḏukṯukthu, bäyyi ŋunhi nhe ŋarraku yurru be buku‐yattjatkunharanydja wekama; ŋarra yurru waŋanydja ŋunhiyi yana liŋgu dhäruk ŋunhi ŋayi yurru Garrayyu ŋarrakala wekama dhäruk waŋanharawu.”