23
17 Yo, dhäyka yurru yaka wekanhamirri ŋanyapinyay ŋayi birrka'mirriwala ḏarramuwala ŋunhili ŋula buŋgulmirriŋuranydja, ga ḏarramuyu yurru yaka marramba' warkthun yukurra ŋunhili buŋgulmirriŋura. Wirrki ŋayi ŋuli Godtja yukurra nyinyaŋdhun ŋurikiyinydja romgu.
24-25 Ŋunhi nhe yurru yukurra marrtji dhukarrkurru, djuḻkthunmarama ŋuliwitjandhi marrtji ŋuli ŋula yolkala yolŋuwala dhulŋuŋukurru gärulkurru, bala gulkthun borumdja nhe yurru märr ŋuli ḻurrkun', yana ḻuka marrtji yurru ŋuliwitjandhiyi dhukarrkurru, ŋunhiyinydja manymak warray, yurru yaka nhe yurru gulkthurra marrtjiya ŋula banikin'lilinydja, bala djaw'yurranydja. Yurru manymak nhuŋu, nhe yurru marrtji goŋdhunydja yana gulkthun ŋatha, ḻuka marrtji yurru, ŋunhi nhe yurru marrtjinydja yukurra dhukarrkurrunydja, ga yaka gulkthurra yiki'yunydja ŋula yolpa marrtjiya ŋathanydja, bala djaw'yurranydja.