22
1-4 Ŋuli nhe yurru maḻŋ'marama ŋula nhä wäyin ŋula yolku yolŋuwu, ga dhunupana märraŋanydja ga gäŋa roŋiyinyamaraŋana balayi ŋurikalayi wapunhu'mirriŋuwalana. Ŋuli nhe yakanydja marŋgi yolku ŋayi ŋunhiyi, yurru manymak ŋunhiyi nhuŋunydja, nhe yurru gäma nhokalanydja wäŋalili. Ga ŋuli ŋayi yurru ŋunhiyinydja yolŋu wapunhu'mirriŋunydja marrtji ga ŋäŋ'thundja ŋurikiyi, ga dhunupa nhenydja roŋiyinyamaraŋana wekaŋa.
5 Dhäyka yurru yaka dhaṯthunmirri ŋuriŋi ḏarramuwala girri'yu, ga balanya liŋgu yana ŋupanayŋu ḏarramuyunydja yurru yaka yukurra dhaṯthunmirri dhäykawalanydja girri'yu. Ŋunhiyi Godthunydja ŋuli ḻakarama yätjnha yanana wal'ŋu, ŋunhi ŋuli yolŋu'‐yulŋuyu djäma bitjandhiyinydja.
6-7 Yo, ŋuli nhe yurru maḻŋ'marama wäyinnha ŋäṉḏi'mirriŋunha, ŋunhi ŋayi yukurra nhina yaluŋura nhanukalay mapu'ŋura, yurru manymak warray nhuŋu djaw'yunarawu ŋuriki mapu'wunydja. Ga yaka wutthurra ŋunhi ŋäṉḏi'mirriŋunhanydja wäyinnha, yana djuy'yurrana ŋanya, märr yurru nhumanydja nhinana yukurra ŋunhili wäŋaŋura weyinmaramana, ga bitjanna liŋguna nhumalaŋgu yurru ŋathanydja guḻku'yirrina ŋunhili wäŋaŋura.