128
A ninge utano hinahaan uram Ierusalem.
1 A haraidaan na kis ta diet ing diet burte no Watong,
diet ing mah diet lon mur ira uno tintalen.
2 Nu ien ira hunena ira num mangason.
A haraidaan ma ra bilbilai na haan tupas ugu.
3 No num hahin na haruat ma tiga ina wain i manga huai narako tano num hala.
Ira natim diet na haruat ma ra tiwisine ira olip diet kis luhutane no num suuh na nian.
4 A haraidaan na kis huo tano tunotuno
nong i burte no Watong.
5 I tahut bia no Watong na haidane ugu maram Saion.
I tahut bia nu nes no bilbilai ta Ierusalem
ta ira num kaba bungbung na nilon,
6 ma bia i tale mah bia nu lon taar, nugu nes ira tubum.
A malum na kis tika ma Israel.