127
A ninge utano hinahaan uram Ierusalem. Solomon ga pit ie.
1 Ing bia no Watong pai gil no hala,
a linge bia ira pinapalim ta diet ing diet gil iakano hala.
Ing bia no Watong pai balaure tar no pise na hala,
a linge bia mon no pinapalim ta diet ing diet balaure bat no pise na hala ta ira ebar.
2 Taie ta kukuraina tunat bia nu pada ra malabungbung
ma pau kubaba tuk ra tingena bung,
ma bia nugu dadas ra pinapalim raam,
kanong no Watong i la tartar kunubaba ta diet ing i la kalak tar diet.
3 Ira nat na bulu a hartabar maram tano Watong.
A haraidaan diet maram ho ie.
4 Hoing ra rumus tano limana no umri,
diet haruat huo ira nat na bulu ta tiga tunaan ing ga marawaan taar.
5 A haraidaan na kis tano tunotuno i halengin ira uno rumus huo.
Pa da hahirhir diet ing diet na hargau ma ira uno ebar tano subaan na harkurai.