20
ካትያዉ ዎሳ
ዛማረቱዋ ካፖ የጸቴዳ፥ ዳዊታ ማዝሙርያ
1 ኔን መቶቴዳ ዎደ መꬍና ጎዳይ ነ ዎሳ ስሶ፤
ያቆባ ጾሳ ሱንꬃይ ኔና ምንሶ።
2 ባረ ጌሻ ሳኣፐ ነዉ ማዱዋ ኪቶ፤
ጽዮነፐ ኔና ዘምፕሶ።
3 ነ ያርሹዋ ኡባ እ ነዉ ሀሳዮ፤
ነ ጹግያ ያርሹዋን ናሸቶ።
4 ነ ዎዛና አሙዋ ነዉ እሞ፤
ነ ሀልቹዋ ኡባ ፖሎ።
5 ነ ጾኑዋ ድራዉ፥ ኑን ናሸቻዉ ሆምቦጫና፤
ኑ ጾሳ ሱንꬃን ኑ ባንድራ ꬎቁ ኦꬃና።
ኔን ዎሴዳዋ ኡባ መꬍና ጎዳይ ነዉ እሞ።
6 መꬍና ጎዳይ ባረ ዶሬዳ ካትያዉ
ጾኑዋ እምያዋ ታን ብሮ ኤራይ።
እ ባረ ጌሻ ሳሉዋን ስሳና፤
ባረ ኡሸቻ ኩሽያን ዎልቃማ ጾኑዋ አዉ እማና።
7 እቱ እቱ ባረንቱ ኦላ ፓራይ ጎችያ ጋርያን፥
ሀራቱ ባረንቱ ፓራን ጬቀቲኖ፤
ሽን ኑን መꬍና ጎዳ ኑ ጾሳ ዎልቃን ጬቀቴቶ።
8 ኡንቱንቱ ꬉበቲደ ኩንዳና፤
ሽን ኑን ደንዲደ፥ ምን ኤቃና።
9 አቤት መꬍና ጎዳዉ፥ ካትያዉ ጾኑዋ እማ፤
ኑን ኔና ጼስያ ዎደ ስሳ።