47
Ludan anduna píngi kína ũ
Kora boriinↄ lɛ̀.
1 Bori píngi, à ↄpa lɛ́,
à pↄnna wii lɛ́ Ludanɛ kↄ̃n gudao.
2 Zaakɛ Dii Musude naasi vĩ,
àmbe anduna píngi Kína bíta ũ.
3 À tò wa zĩ̀ blè boriinↄa,
à tò wa ↄ̃ tↄ̃̀ gbɛ̃nↄa.
4 À wa tↄↄtɛ baka kpàwá,
à yenzide Yakubu boriinↄ ĩadãbↄ ũ.
5 Luda fɛ̀ɛ, wèe guda kɛɛ,
Dii zɛna, wèe kãkãki pɛɛ.
6 À lɛ̀ sí Ludanɛ, à lɛ̀ sínɛ,
à lɛ̀ sí wa Kínanɛ, à lɛ̀ sínɛ.
7 Zaakɛ anduna píngi Kínan à ũ,
à lɛ̀ sínɛ kↄ̃n dↄ̃nao.
8 Ludaa e kí blee boriinↄa,
à vɛ̃ɛna a kpata kɛ̀ kú adonaa.
9 Boriinↄ kpatablerinↄↄ e kↄ̃ kaakↄ̃a
gbɛ̃ kɛ̀ aↄ̃ↄ dɛ Ibraĩ Luda gbɛ̃nↄ ũ,
zaakɛ anduna kínanↄ nɛ́ Luda pↄ́mɛ.
À dɛńla ń píngi.