Tai Dam Da‑cô‑bô 1

Baư sư ꞌmá té ꞌtan Da‑cô‑bô

1 Khỏi ꞌchư Da‑cô‑bô, phủ ꞌkhớng nả ꞌviạk Chảu Pua ꞌPhạ cắp ꞌGiê‑ꞌsu ꞌKha‑ꞌlịt phủ pên Chảu#Chom, ꞌmí sư ꞌmá ha síp song ꞌhọ ꞌháng ꞌcốn ꞌDiu phủ kin dú ꞌtua bản ꞌmướng ꞌcốn táng#ꞌphắn.

Chuốp thử chaư ꞌviạk ꞌdạk ꞌchá

2 ꞌPi ꞌnọng ꞌhặc ꞌpéng, ꞌchớ đaư chuốp thử chaư ꞌviạk ꞌdạk ꞌchá lai#ꞌnéo, ꞌcọ hảư ꞌtứ pên ꞌviạk ꞌmuôn ꞌmớng#lai, 3 ꞌpưa ꞌháu ꞌhụ ꞌlẹo#ꞌva, ꞌchớ đaư chuốp ꞌdạk ꞌchá thử chaư ꞌchưa ꞌcọ ꞌdệt hảư ꞌháu cứ chaư#mẳn. 4 Hảư ꞌháu cứ chaư mẳn tứm tó pay#nả, chắng ꞌchí đảy pên ꞌcốn đi sút ꞌchu ꞌnéo báu lút#săng. 5 ꞌVa cuông ꞌpi ꞌnọng phủ đaư báu#ꞌpó ꞌhụ lắc ꞌcọ hảư phủ ꞌnặn đé so nẳng Chảu Pua#ꞌPhạ, ꞌTan chảu báu#ngắm ꞌquám săng chaư quảng hảư ꞌchu#ꞌcốn, ꞌTan chảu hák ꞌchí hảư phủ ꞌnặn ꞌpó ꞌhụ#lắc. 6 ꞌChớ đaư đé so nẳng Chảu Pua ꞌPhạ ꞌcọ hảư ꞌmí chaư ꞌchưa ꞌnhá hướng ꞌngớ#săng. Phủ đaư hák ꞌmí chaư hướng#ꞌngớ, chaư phủ ꞌnặn báu#mẳn, ꞌcọ pên ꞌsướng ꞌphóng ꞌnặm bể ꞌlốm ꞌpặt pay ꞌpặt#ꞌmá. 7 ꞌCốn ꞌnéo ꞌnặn ꞌnhá ngắm#ꞌva ꞌchí đảy săng nẳng Chảu Pua ꞌPhạ phủ pên Chảu#Chom. 8 Phủ ꞌnặn pên ꞌcốn song#chaư, ꞌdệt săng chaư ꞌcọ báu#mẳn.

9 ꞌPi ꞌnọng phủ nả ꞌnọi ta tắm hảư ꞌmuôn#ꞌmớng, ꞌpưa#ꞌva Chảu Pua ꞌPhạ đảy hảư ꞌmí nả ꞌmí#ta. 10 Phủ ꞌhăng ꞌmí ꞌcọ hảư ꞌmuôn#ꞌmớng, ꞌpưa#ꞌva Chảu Pua ꞌPhạ đảy hảư ꞌtọi tắm#ꞌlống, ꞌdọn#ꞌva phủ ꞌhăng ꞌmí ꞌnặn ꞌcọ ꞌchí ꞌhụ ꞌhuội pay ꞌsướng bók#nhả. 11 ꞌMưa ta ꞌvến khửn đét khẻm sáư co nhả ꞌcọ héo hẻng#pay, bók ꞌcọ lốn ꞌlống báu ꞌchăn#sia. ꞌSướng ꞌnặn#lo, ꞌcốn ꞌhăng ꞌmí đang ꞌkhớng nả ꞌviạk ꞌcọ ꞌchí ꞌhuội#pay.

12 ꞌChớ chuốp thử chaư ꞌviạk ꞌdạk#ꞌchá, ꞌchốm ꞌmớng hảư phủ đaư cứ chaư#mẳn. ꞌMưa phủ ꞌnặn cứ chaư ꞌviạk ꞌdạk ꞌchá đảy#ꞌlẹo, chắng ꞌchí đảy ꞌchua ꞌlới#ꞌlới, ꞌsướng Chảu Pua ꞌPhạ chao ꞌhẹn ꞌvạy#ꞌva ꞌchí hảư phủ ꞌhặc ꞌTan#chảu.

13 ꞌChớ phủ đaư chuốp ꞌlứa hảư ꞌdệt#phít, ꞌcọ ꞌnhá#ꞌva Chảu Pua ꞌPhạ ꞌmá ꞌlứa#chảu, ꞌpưa#ꞌva ꞌnéo ác ꞌhại báu#ꞌmá ꞌlứa Chảu Pua ꞌPhạ#đảy, ꞌlẹo Chảu Pua ꞌPhạ ꞌcọ báu ꞌlứa#phaư. 14 Phủ đaư chuốp ꞌlứa ꞌdệt phít ꞌcọ ꞌdọn chaư chảu uối hák ꞌchuốn ꞌdệt ꞌnéo báu#đi. 15 ꞌVa ꞌháu ꞌdệt ꞌtoi chaư#uối, ꞌháu ꞌcọ ꞌchí ꞌmí báp#ꞌsội. ꞌVa ꞌháu ꞌnhắng ꞌtoi ꞌluống báp ꞌsội dú#ꞌnặn, ꞌháu ꞌcọ ꞌchí pay sú ꞌvến#tai. 16 ꞌPi ꞌnọng ꞌhặc#sương, ꞌnhá ngắm ꞌnéo phít#ꞌtọn. 17 ꞌChu ꞌnéo đi ꞌnéo ꞌchăn ꞌcọ ꞌmen ꞌmá té Chảu Pua ꞌPhạ phủ pên#ꞌPo, phủ ꞌdệt đuông ꞌhung ók nẳng ꞌtếng#ꞌphạ, ꞌTan chảu ꞌnhắng pên ꞌsướng#cáu, báu#piến, báu#ꞌmen ꞌsướng ꞌngáu ꞌnhại pay ꞌnhại#ꞌmá. 18 ꞌTan chảu tẳng chaư au ꞌquám ꞌmen ꞌtẹ hảư ꞌsúm ꞌháu đảy ꞌchua ꞌlới#máư, cuông ꞌpứng ꞌnéo ꞌTan chảu đảy sảng téng khửn ꞌnặn ꞌcọ đảy ꞌlưạk au ꞌsúm ꞌháu ꞌmá pên ꞌcốn ꞌTan#chảu.

Hảư ꞌdệt ꞌtoi ꞌquám Chảu Pua ꞌPhạ bók son

19 ꞌPi ꞌnọng ꞌhặc sương ꞌcoi chứ au#ꞌnớ. ꞌChu ꞌcốn hảư tẳng chaư ꞌphắng cón ꞌvạu#lăng, ꞌnhá pút ꞌngai nhay#ꞌchọng, 20 ꞌpưa#ꞌva phủ đaư hák pút nhay ꞌcọ ꞌchí báu#ꞌhụ ꞌtoi ꞌluống ꞌtáng ꞌmen Chảu Pua#ꞌPhạ. 21 ꞌSướng ꞌnặn hảư ꞌváng mết ꞌchu ꞌnéo#uối, ꞌnéo ác ꞌhại ꞌháu ꞌkhới ꞌdệt ꞌmá#ꞌnặn, ꞌlẹo hảư huốn chaư ꞌphắng au ꞌquám Chảu Pua ꞌPhạ phăng ꞌvạy nẳng cuông#chaư, ꞌchí ꞌchoi hảư ꞌpi ꞌnọng ók khói sia báp ꞌsội#đảy. 22 Hảư ꞌdệt ꞌtoi ꞌquám Chảu Pua#ꞌPhạ, ꞌnhá ngắm#ꞌva đảy ꞌnghín ꞌlẹo lỏ#thôi, ꞌchí pên ꞌsướng chảu hák bẻo#chảu. 23 Phủ đaư đảy ꞌnghín ꞌlẹo hák báu#ꞌdệt ꞌtoi ꞌcọ pên ꞌsướng ꞌcốn nhiểm ꞌven bớng nả#chảu. 24 Bớng#ꞌlẹo, ók pay ꞌcọ ꞌdiến ꞌlứm nả chảu sia ꞌva pên ꞌsứ#đaư. 25 ꞌVa phủ đaư hák tẳng chaư ngắm thí sú ꞌluột đi sút ăn ꞌdệt hảư ꞌháu đảy ꞌtứ ꞌtang#ꞌnị, ꞌlẹo mẳn chaư ꞌdệt ꞌtoi báu#ꞌlứm sia ꞌquám chảu đảy#ꞌnghín, báu#ꞌva ꞌviạk săng phủ ꞌnặn ꞌcọ ꞌchí đảy sáng#bang. 26 ꞌVa phủ đaư ꞌhiạk chảu pên ꞌcốn Chảu Pua#ꞌPhạ, hák chảu ꞌnhắng báu#hiêm sốp#đảy, ꞌcọ pên#ꞌva chảu hák bẻo#chảu, ꞌlẹo ꞌquám ꞌva ꞌhiạk pên ꞌcốn Chảu Pua ꞌPhạ ꞌnặn ꞌcọ báu#ꞌmí ꞌca#săng. 27 Chảu Pua ꞌPhạ phủ pên ꞌPo#ꞌva, ꞌluống ꞌtáng kin dú ꞌpẹk saư báu#ꞌmí ꞌnéo chê đảy ꞌcọ ꞌchọ bớng đu ꞌpứng phủ chuốp khổ khốn ꞌsướng ꞌme mải kéng ꞌlụk#khỏ, ꞌlẹo hảư cứ ꞌmo chảu ꞌnhá hảư ꞌcốn phái ꞌmướng ꞌlum ꞌpá lông ꞌtoi ꞌluống ꞌtáng#phít.