Tai Dam ꞌHệp‑ꞌlơ 13

ꞌLuống ꞌtáng kin dú ꞌnéo sôm chaư Chảu Pua ꞌPhạ

1 ꞌCứ ꞌmí chaư ꞌhặc ꞌpéng căn ꞌsướng ꞌpi ꞌnọng#ók. 2 ꞌNhá ꞌchạn tỏn khék lák ꞌmá#dam. ꞌSán ꞌcốn tỏn khék ꞌnéo#ꞌnặn, ꞌmen tiên ꞌchạư hák sau báu#ꞌhụ. 3 Ngắm ha ꞌpứng phủ đang dú ꞌtú ꞌsướng chảu pên ꞌtú ꞌnéo#sau. ꞌLẹo ngắm ꞌhọt phủ chuốp khốm têng ꞌcọ ꞌsướng chảu chuốp khốm têng ꞌnéo#sau. 4 Hảư ꞌchu ꞌcốn ꞌnặp ꞌtứ ꞌviạk sú phua#ꞌmía. Pên phua ꞌmía ꞌlẹo hảư chaư ꞌsư tó#căn. Chảu Pua ꞌPhạ ꞌchí sáư ꞌtội phủ ꞌdệt phít ꞌviạk ꞌnhính ꞌchái ꞌtếng#cá ꞌcốn đỉn#ꞌchụ.

5 ꞌViạk kin ꞌluống dú ꞌpi ꞌnọng ꞌnhá húp ꞌngớn#ꞌcắm. Chảu ꞌmí ꞌto đaư ꞌcọ hảư sáng chaư dú ꞌto#ꞌnặn, ꞌpưa#ꞌva Chảu Pua ꞌPhạ đảy chao#ꞌhẹn, ꞌchí báu páy ꞌváng sia chảu sắc#ꞌtưa. 6 ꞌSướng ꞌnặn ꞌsúm ꞌháu chắng mẳn chaư#ꞌva:

ꞌMí Chảu Pua ꞌPhạ pên Chảu Chom ꞌchoi ꞌlẹo

Báu dản báu lo săng mết

Báu ꞌmí phaư ꞌdệt săng hảư đảy.

ꞌQuám bók son ꞌsúm ꞌhốm Chảu ꞌGiê‑ꞌsu

7 Hảư ꞌpi ꞌnọng ngắm ꞌhọt ꞌpứng phủ uôn ꞌpá au ꞌquám Chảu Pua ꞌPhạ bók son ꞌsúm ꞌhốm#chảu. Hảư ngắm bớng ꞌluống kin dú lả sút sau lỏ#ꞌnéo#đaư, ꞌlẹo ép au chaư ꞌchưa#sau.

8 Báu ꞌva té đaư té đai ꞌmá, pang ꞌkhạy#ꞌnị, ꞌhứ ꞌva sứp pay nả ꞌlới#ꞌlới, Chảu ꞌGiê‑ꞌsu báu piến#peng.

9 ꞌNhá ꞌphắng ꞌquám phủ bók son lai ꞌnéo lák ꞌchí ꞌpá chảu lông#phít. ꞌHáu mẳn chaư ꞌchưa khửn tứm ꞌdọn công ꞌphún Chảu Pua ꞌPhạ phớng ꞌdứa hảư lỏ#đi, báu ꞌmen đảy ꞌdọn ꞌtoi ꞌluống ꞌhịt ꞌkhóng khong kin cá#đaư, phủ đaư ꞌdệt ꞌnéo ꞌnặn ꞌcọ báu đảy#săng. 10 ꞌSúm ꞌháu lỏ#ꞌmí ꞌpán ꞌsớ ꞌnéo báu pék#sau, ꞌpứng mo vảy ꞌháu nẳng ꞌhướn ꞌsớ ꞌcốn ꞌDiu ꞌnặn báu#ꞌmí ꞌquiến kin săng nẳng ꞌpán ꞌsớ#ꞌháu.* 11 ꞌToi ꞌhịt ꞌkhóng ꞌcốn#ꞌDiu, mo luông au ꞌlượt tô sắt khảu hỏng khết dăm#sút, pên khong ꞌsớ tháy báp#ꞌsội, ꞌlẹo sắt khả ꞌnặn au ók pay phau sia dú ꞌtáng ꞌnọk#ꞌmướng. 12 Chảu ꞌGiê‑ꞌsu đảy ꞌchịu báp ꞌmo khó chaư tai dú ꞌnọk pák tu#ꞌmướng, ꞌlượt ꞌTan lay ók ꞌpưa hảư dên ꞌpay ꞌTan đảy ꞌpẹk#saư. 13 ꞌSướng ꞌnặn hảư ꞌsúm ꞌháu ók pay ha ꞌTan chảu dú ꞌnọk#ꞌmướng, ꞌchịu sáu đu ꞌngai ꞌsướng ꞌTan chảu ꞌchịu au#ꞌnặn. 14 Phén đin ꞌkhạy ꞌnị ꞌsúm ꞌháu báu#ꞌmí ꞌmướng mẳn kén#dú, hák#ꞌva ꞌháu sáo ha ꞌmướng ꞌchí ꞌmí ꞌmá ꞌpái nả#ꞌnặn.

15 ꞌDọn ꞌva ꞌsúm ꞌháu nhẳn pên ꞌcốn Chảu ꞌGiê‑ꞌsu, hảư ꞌsúm ꞌháu ꞌlớng ꞌlớng au ꞌchư siêng Chảu ꞌGiê‑ꞌsu ꞌmá sỏng ꞌnhó Chảu Pua#ꞌPhạ, au ꞌquám ꞌvạu tang ꞌchương ꞌsớ vảy ꞌháu ꞌTan#chảu. 16 ꞌNhá ꞌchạn ꞌdệt ꞌnéo#đi, ꞌmí chaư quảng ꞌmặc béng păn#căn, ꞌdệt ꞌnéo ꞌnặn ꞌcọ pên ꞌsướng ꞌchương ꞌsớ sôm chaư Chảu Pua#ꞌPhạ.

17 ꞌPi ꞌnọng hảư ꞌphắng ꞌquám ꞌpứng phủ uôn#ꞌpá, ꞌlẹo hảư sú ꞌquám#sau. Sau bớng ꞌdéng ꞌpi#ꞌnọng, ꞌlẹo ꞌchọ ꞌtính nả ꞌviạk ꞌdệt#ꞌnặn sú Chảu Pua#ꞌPhạ. ꞌPhắng ꞌquám sau, sau ꞌcọ ꞌmuôn ꞌmớng#ꞌdệt. ꞌVa hák chốm#ꞌcháng, sau ꞌcọ sảu chaư ꞌlẹo ꞌchí báu#ꞌmí lởi săng hảư ꞌpi#ꞌnọng.

18 So ꞌpi ꞌnọng cáo ꞌquám đé so Chảu Pua ꞌPhạ ꞌchoi ꞌsúm khỏi#é. Cuông chaư ꞌsúm khỏi ꞌhụ chắc kin dú ꞌtoi ꞌluống#ꞌmen, pháư ꞌmón é đảy ꞌhung nả ꞌmá ta ꞌchu#ꞌluống. 19 Cón#mết, đé so Chảu Pua ꞌPhạ ꞌpưa hảư khỏi đảy ꞌcứn ꞌmá ꞌhọt ꞌpi ꞌnọng ꞌvắn#é.

20 Chảu Pua ꞌPhạ hảư ꞌsúm ꞌháu đảy súc sáng bang#chaư, ꞌdọn ꞌlượt Chảu ꞌGiê‑ꞌsu lay ók pên ꞌquám nhẳn pao ꞌlới#ꞌlới, Chảu Pua ꞌPhạ au Chảu ꞌGiê‑ꞌsu tai ꞌlẹo ꞌcứn ꞌhéng ꞌmá pên Chảu Chom nháư bớng đu ꞌsúm#ꞌháu. 21 Khỏi đé so Chảu Pua ꞌPhạ phớng ꞌdứa hảư ꞌpi ꞌnọng ꞌchu ꞌluống đi ꞌpưa ꞌdệt ꞌtoi chaư#ꞌTan, hảư ꞌsúm ꞌháu kin dú ꞌnéo sôm chaư ꞌTan chảu ꞌdọn ꞌtáng Chảu ꞌGiê‑ꞌsu ꞌKha‑ꞌlịt. ꞌHung ꞌhướng so hảư pên khong ꞌTan chảu ꞌmứa nả ꞌlới#ꞌlới, ꞌa‑ꞌmen.

22 ꞌQuám tít tơn khỏi tẻm ꞌmá hảư ꞌpi ꞌnọng ꞌnị báu ꞌhí#lai, ꞌmí kỉ khót ꞌquám#thôi, so ꞌpi ꞌnọng sôm chaư ꞌphắng#au.

23 Kháo hảư ꞌpi ꞌnọng ꞌhụ, ꞌtan Ti‑ꞌmô‑ꞌthiêu ꞌpi ꞌnọng ꞌháu pên ꞌtú ꞌnặn đảy pói ók#ꞌlẹo. ꞌVa ꞌtan ꞌlợp ꞌmá#ꞌhọt, ꞌsúm khỏi ꞌchí au căn ꞌmá dam ꞌpi#ꞌnọng.

24 So phák ꞌquám tham kháo ha ꞌpứng phủ uôn ꞌpá ꞌtếng#cá dên ꞌpay Chảu Pua ꞌPhạ é#ꞌnớ. ꞌPứng ꞌcốn ꞌmá té phén đin ꞌmướng ꞌI‑ta‑ꞌli ꞌmí ꞌquám tham kháo ha ꞌpi#ꞌnọng ꞌsướng#điêu.

25 So Chảu ꞌGiê‑ꞌsu phớng ꞌdứa công ꞌphún hảư ꞌpi ꞌnọng ꞌchu#ꞌcốn.

* 13:10 13:10 ꞌPán ꞌsớ ꞌháu, mai ꞌva, ꞌmạy tháng khen Chảu ꞌGiê‑ꞌsu.