67
Vishipa vu kucikpa
Kadanshi a kubana u vuza vu kelime vi ishipa: N anꞋin a umolu. Ishipa Vishipa
1 YaꞋan tsu ciya̱ mapasa ma singai u Ka̱shile,
u zuwaka tsu una̱singai,
ka̱ta̱ u inda tsu n a̱shi a singai a̱ ni.
Kuvuka
2 Adama a na aduniyan dem e yeve uye u nu,
ka̱ta̱ kpamu uduniyan u yeve wishi u nu.
3 Ka̱shile, yaꞋan uduniyan u cikpa wu,
yaꞋan uduniyan ra̱ka̱ u cikpa wu.
4 YaꞋan uduniyan u yaꞋan ma̱za̱nga̱,
a canana ishipa i ma̱za̱nga̱.
Adama a na vi ta̱ a kuyaꞋanka uduniyan afada a mayun,
ka̱ta̱ vu tono n uduniyan ra̱ka̱.
Kuvuka
5 Ka̱shile, yaꞋan uduniyan u cikpa wu,
yaꞋan uduniyan ra̱ka̱ u cikpa wu.
6 Iɗika i neke ta̱ ili i kashina.
YaꞋan Ka̱shile, Ka̱shile ka̱ tsu, u zuwaka tsu una̱singai.
7 YaꞋan Ka̱shile ka zuwaka tsu una̱singai,
ka̱ta̱ uma a uteku wa aduniyan ra̱ka̱, a pana wovon u ni.