121
Nuka ja manyarti pata arrarrkpi amirawning tuka awarrangung parak tuka God nuyu ta kurrampalk.
1 Ngukeng parak yurrng tuka murrku.
Nganti ja nganpanima arlka?
2 Yahweh nganpanima arlka.
Yanat aninguliny yurrng la wumarrk.
3 Yanat marrik ngannyarutpay mawarlkanying.
Ja kunnyayatayan marrik muj ilatparlilmi.
4 Aralpa, ja kawunyayatayan pata arrarrkpi tuwuran Israel,
marrik ilatparlilmi la yurnparray.
5 Yahweh kunnyayatayan.
Ja Yahweh yanat kapin mawngku mata kanpani mawngkumangku.
6 Jita muwarn marrik kunngawu ta warntatarr.
Ja kurrana marrik kuniwu ta wupurrk.
7 Yahweh kunpannyayatayan marrik kunuka muj kunilang.
Yanat kunpannyayatayan.
8 Yahweh kunpannyayatayan ngampiwi tuka anpana
Kayirrk la akut la akut.