Angpung arakap Jesus ininang monmon pu pata arrarrkpi ta algaj God kawunimiyarma pata warrayngiw. La iminy pu,

12 “Ajirrik yarakap arrarrkpi awunnyatpang wimurra 100 pata sheep la yarakap yurlkatingan. La kiki iminang ja arrarrkpi? Malany awunnyarutpan pata wimurra awulangaling mampulangung mirlak tuka murrgu kayirrk la yuran yukelenang nuyu ja yurlkatingan. 13 La iminy marrmarr mira ta inimany ja yarakap ja yurlkatingan. La marrik awuniwurruni mira pata wimurra la marrik awurlkatinga.”

14 Kayirrk la Jesus iminy pu, “Nungpakapa kapin ja arrunimalkpany ja kiwani yurrng kimin akuju. Naka marrik animiyarmang ja nganti yirrik ja warrayngiw yarray yurlkating.”

21 Malany Peter imalkpany nuyu Jesus la kinilakajpu, “Kayu nganarra kiki nganamin la nganarra pularnngalk ta nungmurrunti kimin ngartu ja numatpa arrarrkpi? Kurlingka wurrkamaj yurnu la ngarrkarrk la nganarra pularnngalk ta nungmurrunti kimin ngartu?”

22 La Jesus inilakpany, “Ta anpanarra pularnngalk ta nungmurrunti kimin nuwu naka marrik wurrkamaj yurnu la ngarrkarrkju la wugarra kirrk.”

23 La Jesus ininnyang monmon pu pata arrarrkpi. La iminy pu, “La God ja kiwken kapin ja kiwken kani kiwani tuka kunak. Iwaningan yanatapa ja kiwken aniwurrung iminy, 'Ngawunpanunma pata ngapi ngartu arrarrkpi pata kawuyama ngartu apalulkanyi ngartu ja ngawunung ja rrupiya.'

24 La Jesus ininnyang monmon pu pata arrarrkpi. La iminy pu, “La God ja kiwken kapin ja kiwken kani kiwani tuka kunak. Iwaningan yanatapa ja kiwken aniwurrung iminy, 'Ngawunpanunma pata ngapi ngartu arrarrkpi pata kawuyama ngartu apalulkanyi ngartu ja ngawunung ja rrupiya.' 25 Ja iyamangung nuyu marrik innyatpa ja rrupiya ja iniwarnangajpung nuyu kayirrk la ja kiwken nuyu annyutpan ngaralk iminy, 'Kurrimanyi warak kutpalakpalorrki iwayama wu pata wera. La jita kawani wiyu la pata warrayngiw nuyu la kunuka awk ja kinnyatpi kutpalakpalorrki kirrk nuyu apanilulkanyi ngartu.'

26 Malany ja iyamangung nuyu innyeny kartawarrkartawarr tuka iwaning ja kiwken nuyu, ilajakantiny nuyu, 'Marlakan yunyi nganpunyan punya! Ngapi ngapalulkanyi kirrk ja kunuka awk ja nganung.'

27 Kayirrk la innyayawng iniwurlkpungkun ja kiwken la iminy, 'Parangapa nganarra pularnngalk ja rrupiya ja kunung la kunpanarutpa anpana.’

28 Kayirrk la imalkpany ja arrarrkpi yuran. Yarran warak inyayawng ja yarakap arrarrkpi ja awuyamangung rtil ja iniyirtpany anyak ja rrupiya. lnimany wurlurlu ininyjung nuyu majarr iminy nuyu, 'Kapalulkanyi ngartu ja kunung.'

29 Kayirrk la imalkpany ja arrarrkpi yuran. Yarran warak inyayawng ja yarakap arrarrkpi ja awuyamangung rtil ja iniyirtpany anyak ja rrupiya. lnimany wurlurlu ininyjung nuyu majarr iminy nuyu, 'Kapalulkanyi ngartu ja kunung.'

30 La naka marrik yalyunyi nuyu ja awuyamangung rtil. Malany ta nungpaka iwumany warak iwarlguntiny tuka kurrampalk tuka kawuntuwutaka. 'Anpawaniyu kungpawularrun kirrk ta kapalulkanyi ngartu kayirrk la anpamalkpa.’

31 La ta iwayawng pata wera pata awuyamangung rtil iwayawng ta kiki iminy nuyu nakapa awuniwurlkpungkun pata awuyamangung rtil. Kayirrk la awarran warak iwayawng ja kiwken angpunman nuyu ta iminy nuyu.

32 Pa ilajantiny nuyu ja iyamangung nuyu ja kiwken iminy, 'Nuyi nuwaliwiyu ta kanjama ngartu. Ngapi kunarutpan ilij ja kunung murnin nuyi ankajakantiny ngartu. 33 Nuyi kuniwurlkpungka ja kutjama rtil kapin ngapi nganpurlkpungkun.' 34 Malany ja kiwken nuyu ilirrinyminy mira kayirrk la inilangakan ja iyamangung nuyu iwarlguntiny tuka kurrampalk tuka kawuntuwutaka pa nuyu apanilalken. ‘Anpawaniyu kungpawularrun kirrk ta kapalulkanyi ngartu kayirrk la anpamalkpa.' 35 Kayirrk la Jesus aniwularrung ta iminang la iminy, “Kiki ja kurrungpawurrun nuwurrimung la wemin tuka marurturt nuwurru, kurriwawurlkpungku kutpanarra pularnngalk ta nungmurrunti kimin nuwurru ja kutingan pa nuyu ja ngapi nganimalkpany ja kiwani yurrng marrik im€i nuwurru ta ilij ja yukenang wu iminy nuyu ja iyamangung nuyu.”