127
1 Cha' bi zoaḻen X̱anžo Dios benne' ka' žóngake' to yo'o dáche'ze gak žin da' góngake'.
Cha' bi žape chi'ikze X̱anžo Dios to yež, dáche'ze gak da' gongak benne' ka' žape chí'igaken'.
2 Dáche'ze nak žasle zildo', na' žonle žin kate' ne ẕḻa' wbíž na' zejte ženen,
na' ḻo da' ẕzáka'le žezi'le da' gawle.
Žonn Dios da' gawgak benne' ka' nži'ile' x̱ak ẕtásgake'.
3 Bwia nga, benn X̱anžon' chežo ẕi'nžo ka'.
Zej nakbe' to yeḻa' wnni'a ẕente.
4 Ẕi'nžo ka', bi' žáljgakbe' kate' ne žonžo yiz kwide' chežo
zej nakbe' ka yag ntóche'do' ka' da' nox̱w to benne' žeje' ḻo wdiḻe.
5 Ba nez ẕen naken che bennen' nox̱we' zante yag ntóche'do' ki.
Batkle yedoe'ele' ḻawgak benne' ka' ẕdíḻ-ḻengake' ḻe'
kate' yechebe' chekze' ḻaw bennen' ẕchi'a ḻaže'e ḻe'.