☰ MASMUR 150
150
AMISY ararimbe
1 AMISY ararimbe!
Amisy ararimbe no Apa tuna ri ndandinit rai!
Apa vambunine rararimbe no naumo ntiti ntindimu rai!
2 AMISY ararimbe weye Apa ana dave makokoive,
AMISY ararimbe weye Apa kovo ntiti manakoe rave!
3 Tavuna* ramawisy veano AMISY ararimbe,
Itari anakoe muno itari mamaun† raeyan veano AMISY ararimbe!
4 Airap‡ ranepat wasarer indamu AMISY ararimbe,
Itari raeyan muno suline ramawisy indamu veano AMISY ararimbe!
5 Ceracap§ mamaun yapapoambe veano AMISY ararimbe,
Ceracap anakoe yapapoambe indamu veano AMISY ararimbe!
6 Koveamo anakotaro njayaisy tenambe wo AMISY ararimbe!
AMISY ararimbe!
* 150:3 Tavuna Israel wo rave mamo korodowai kambino anya. † 150:3 Itari anakoe muno itari mamaun ranigwano ‘‘gambus’’ muno ‘‘kecapi’’ rai. ‡ 150:4 Airap ranigwano ‘‘rebana’’ rai. Rebana ranepat maisyare airape ranepat wemaisy. § 150:5 Ceracap omamo maisyare potami vasye jirum yamaisy umba yapapoambe.
☰