☰ MASMUR 136
136
Amisye muiny dave
1 Kove raura AMISY Ai, weye Opamo ko dave!
Tugae, Apa muinye* no tawan ntoa nuge nuganui.
2 Kove raura Amisye Ai, Opi titi rave anawayo kotaro vatane wo masyanive makivan bintabo!
Tugae, Apa muinye no tawan ntoa nuge nuganui.
3 Kove raura Akoe Ai, Opi akarijo titi Po akari titi makivan tenambe!
Tugae, Apa muinye no tawan ntoa nuge nuganui.
4 Kove raura AMISY Ai, Obo pirati bambunin Po anainamo manakokoe raroron!
Tugae, Apa muinye no tawan ntoa nuge nuganui.
5 Po naume ranari jirati Apa ana datantona ntiti rai!
Tugae, Apa muinye no tawan ntoa nuge nuganui.
6 Opirati Po mine so raneka no mana ama vone rai!†
Tugae, Apa muinye no tawan ntoa nuge nuganui.
7 Wepi Po anakotaro ama vare manakokoe ranari no naume rai.
Tugae, Apa muinye no tawan ntoa nuge nuganui.
8 Uma baro sansimane rai.
Tugae, Apa muinye no tawan ntoa nuge nuganui.
9 Embae muno tume mbaro namane rai.
Tugae, Apa muinye no tawan ntoa nuge nuganui.
10 Kove raura irati Amisye Ai, Opi po arikainyo anui Mesir mao tenambe.‡
Tugae, Apa muinye no tawan ntoa nuge nuganui.
11 Wepi Po vatano Israel maugav uje no munijo Mesir raora.
Tugae, Apa muinye no tawan ntoa nuge nuganui.
12 Po maugav uje irati Apa vambunino manakoe rai.
Tugae, Apa muinye no tawan ntoa nuge nuganui.
13 Kove raura irati Ai, Wepi Po Mayano Kolsum§ raotar ti mbe jirumbe.
Tugae, Apa muinye no tawan ntoa nuge nuganui.
14 Wepi Po kawasae Israel maugav ti wo Mayano Kolsum ama yasyino kanene rainanta.
Tugae, Apa muinye no tawan ntoa nuge nuganui.
15 Yara Piraona pe apa naite nanawamo Po matatuv asyo Mayano Kolsum rai.
Tugae, Apa muinye no tawan ntoa nuge nuganui.
16 Kove raura Amisye Ai, Opi po Apa kawasae Israel maugav wanya no anoko kanene rai.
Tugae, Apa muinye no tawan ntoa nuge nuganui.
17 Kove raura Amisye Ai, Wepi rati Po akarijo titi ubambunin mataopon.
Tugae, Apa muinye no tawan ntoa nuge nuganui.
18 Wepi Po akarijo titi awa tame manakokoe mao.
Tugae, Apa muinye no tawan ntoa nuge nuganui.
19 Po vatano Amori awa akari titi Sihon aubaisy.
Tugae, Apa muinye no tawan ntoa nuge nuganui.
20 Muno Po munijo Basan awa akari titi Og aubaisy.*
Tugae, Apa muinye no tawan ntoa nuge nuganui.
21 Po awa kopa raunanto irati Apa kawasae mai indamu awa ura rai.
Tugae, Apa muinye no tawan ntoa nuge nuganui.
22 Indamu Apa kawasae Israel wanapatambe Aije awa ura rai tawan tutir.
Tugae, Apa muinye no tawan ntoa nuge nuganui.
23 Opamo aemeno Israel wansai tutir arono wama marova wo wansapinde.
Tugae, Apa muinye no tawan ntoa nuge nuganui.
24 Muno Opi po wansapaya irati wama marova mai.
Tugae, Apa muinye no tawan ntoa nuge nuganui.
25 Wepi Po anakotaro njayaisye ravavirijo anaisye rai.
Tugae, Apa muinye no tawan ntoa nuge nuganui.
26 Kove raura Amisye Ai, Opi rati be akarive munijo ntiti rai!
Tugae, Apa muinye no tawan ntoa nuge nuganui.
* 136:1 Ayao Ibrani hesed ama ine ratoe tumaimbe naiso mare: ‘‘muinye no tawan.’’ Ama ino manakoe mare: ‘‘Amisye Apa muinye muno Apa anakotaro Po raurairive ti no tawan tutiro Apa kawasae Israel mansai mamo Po raveti mamaisy.’’ † 136:6 Kej. 1:9-10 ‡ 136:10 Muno Po maero makume awa tuvano manasyine mao tavon. Kel. 12:29 § 136:13 Mayano Kolsum: ama tamo kaijinta mamo: ‘‘Mayano Nijam,’’ ‘‘Gelaga’’ muno ‘‘Teberau.’’ * 136:20 Bil. 21:21-24,33-35; Ul. 2:30-33; 3:1-6
☰