19
Diambu di nsambanu : Nkunga wu ndungunu
1 Mambu momo bu mavioka ; ndiwa banga mbembo yinneni yi nkanguwunneni mu diyilu, yiwakana :
Aleluya !
Nzambi eto niandi vuidi phulusu ;
nkembo ayi lulend.
2 Bila zinzengolo ziandi zidi zikiedika ayi zisonga.
Bila wusambisidi nkua kitsuza wunneni, mutu wowo
wubedi bivisanga ntoto mu kitsuza kiandi
ayi Nzambi eto wuvutudi landi mu menga ma bisadi biandi.
3 Babuela tuba diaka mu khumbu yi nzole :
Aleluya !
Muisi andi wufundumukanga mu zithangu zioso.
4 Buna makumuadi bakulutu baya ayi bivangu biya bi moyo bafukama ayi bazitisa Nzambi vuendi va kundu ki kipfumu ayi bayamikina :
—Amen ! Aleluya !
5 Buna mbembo yitotukila mu kundu ki kipfumu yituba :
—Luyayisa Nzambi eto, beno bisadi biandi bioso ayi beno lueti ku nkinzikanga ; batu baphamba ayi batu ba luvalu.
Diambu di tsambudi : Nyengo wu dikuela wu Muana dimemi ayi ndumbꞌandi.
6 Ayi ndiwa banga mbembo yi nkangu wunneni wu batu ayi banga mbemboyi minlangu minneni ; ayi banga mbembo yi bidumu bingolo ; yiwakana :
Aleluya !
Bila Pfumu, Nzambi eto, nkua ngolo yoso
wulembo yadi
7 Bika tumonanu khini, tuyangalala
ayi bika tumvananu nkembo
bila nyengo wu dikuela wu Muana dimemi wizidi
ayi ndumbꞌandi kubimini
8 Ayi bamvana minsua mu vuata minledi mi lino
yidi dio veyi-veyi, yinlezama ayi yivedila.
Lino yoyi yidi dio veyi-veyi yinsundula mavanga masonga ma banlongo.
Mambu ma kiedika ma Nzambi
9 Buna niandi wukhamba :
—Sonika : khini kuidi batu bobo batumusu ku nyengo wu dikuela wu Muana dimemi.
Ayi wubuela diaka :
—Mawu mama mambu ma kiedika ma Nzambi.
10 Buna ndibua va malu mandi mu diambu di kunsanisina. Vayi niandi wukhamba :
—Kadi vanga bobo ; minu ndidi kisadi banga ngeyo ayi kisadi ki bakhomba ziaku zibeki kimbangi ki Yesu vayi sanisina Nzambi.
Bila kimbangi ki Yesu kidi Pheve yi mbikudulu.
NDUNGUSULU YI MAMBU MA PHULUSU MU TSAMBUADI DI ZITSONGOLO
Tsongolo yi theti : Mutu wuvuanda va mbata phunda yi phembi
11 Ndimona diyilu dizibuka ayi phunda yimosi yi phembi. Mutuwuvuanda va mbata phunda beni bantedila “wukuikama ayi wukiedika”. Niandi weti sambisa mu busonga ayi weti nuana mu busonga.
12 Meso mandi madi minlaki mi mbazu ayi ziphu biwombo bi kipfumubidi va mbata ntu andi. Dizina dimosi disonama mu nitu andi ; kadi mutukasi ku dizaba ko botula kaka niandi veka.
13 Wuvuata nledi wubuiku mu menga ayi dizina diandi : “Mambu ma Nzambi”.
14 Minkangu mi masodi midi mu diyilu mieti kunlandakana va mbataziphunda ziphembi. Masodi beni mavuata lino yidi dio veyi-veyi, yi phembi ayi yivedila.
15 Mu munuꞌandi mutotukila sabala kisekoso bumboti muingikavondila makanda. Niandi wela kuba yadilanga mu nkawa wu sengo. Niandi veka wela diatidila kamununu ki vinu ki nganzi yi Nzambi yi ngolo yoso.
16 Mu nledi andi ayi mu dibunda-bunda musonama dizina : “NTINU WU MINTINU AYI MFUMU YI ZIMFUMU.”
Tsongolo yinzole : nyengo wunneni wu zimbemba
17 Ndimona mbasi yitelama va thangu, yiyamikina mu mbembo yingolo, kuidi zinuni zioso zindumukanga va khatitsika yi diyilu :
—Yizanu, kutakananu mu diambu di nyengo wunneni wu Nzambi
18 muingi ludia minsuni mi mintinu ayi minsuni mi bapfumu zi masodi, mi batu ba ngolo, mi ziphunda ayi mi batu bannatanga ziphunda ; minsuni mi batu boso, minsuni mi batu ba kiphuanza ayi bavika, batu baphamba ayi batu ba luvalu.
Tsongolo yintatu : Bakanga bulu ayi mbikudi wu luvunu
19 Buna ndimona bulu, mintinu mi ntoto ayi minkangu mi masodimawu makutakana mu diambu di nuanisa mutu wowo wuvuanda va mbata phundaayi nuanisa nkangu andi wu masodi.
20 Babuila bulu va kimosi ayi mbikudi wu luvunu wuba yandi ; mbikudi wowo wuvanga bikumu va ntuala bulu. Mu bikumu biobikavukumunina batu bobo batambula dimbu ki bulu ayi basambila mfikulꞌandi. Bawu buadi balozo kimoyo ku diyenga di mbazu ayi di sofolo.
21 Ndambu yi batu bobo basiala bavondolo mu sabala yi mutu wowo wuvuanda va mbata phunda. Sabala beni yitotukila mu munuꞌandi ayi zinuni zioso ziyukuta bu zidoda minsuni miawu.