7
Nva̱n Nnanda̱r ka̱ Nnyám Nrwa Igwak
1 UYawe là nnàp uZakariya, ka̱ ashe ìzun iga ineɗing iga iponzhi aDariyut ka̱ apal nra ngga nneɗing ka̱ apye aga afangzəngtəng pa̱,
2 onəm oga aBetel re uShareza chit ka̱ uRegem-Melek nzəng ka̱ onəm pa̱ oza̱ á ga á chál nrwa ìgwak aYawe.
3 Oza̱ á ɓəp onəm oga mpyal awop ka̱ nzhi aYawe uga nggatək, ka̱ onəm oga nlà ìchu Inan pa̱, <<I ga mpyal ka̱ nnyám nlak ìgwak ka̱ atak ndáng ishi yi ka̱ ndəng ngwa ka̱ iya̱m-nrì, ka̱kul nrəng ka̱ nshin nzhi aYawe ka̱ apye aga atukun wa nva̱ ka̱ i nəm ka̱ ízun va̱ watar matmat ɗò?>>
4 Te uYawe uga nggatək là nnap ká̱ mi pa̱,
5 <<Là nkpaktak onəm oga mbín ka̱ onəm oga mpyal awop pa̱, <Nva̱ o dáng ishi wo ka̱ nrì ka̱ ngwa, kang o nyám nlak ìgwak ka̱ apye aga tukun ka̱ aga afangshat ka̱ ashe ízun ìsəm pa̱ ìfangshat va̱ watar te, ka̱kul mi na ɗò?
6 Kang nva̱ mmawó ka̱ nrì ka̱ ngwa te ka̱kul nchang izər wo ka̱t ɗò?
7 Oga nnap-nlà va ta̱ uYawe ka̱ là ka̱ atak onəm oga nlà ìchu Inan omatmat ka̱ ashe nra va̱ aUrushelima ka̱ ashe idur, kang oga oga ítong va̱ ra gang na, aNegep ka̱ aShefela ka̱ yə́l ka̱ onəm ka̱t ɗò?> >>
8 Te uYawe là nnap uZakariya kà̱ɗi pa̱,
9 <<Ó nap akwali aga nnandər ka̱ nnyi nnap, ka̱ nnyám nrwa ìgwak owan wo.
10 Kang o mwar ochar okpələng, ka̱ ovan okpələng, ka̱ uɗyanəm, ka̱ onəm oga nkun ka̱t. Kang o mar iya̱m iɓá̱ngɓa̱ng ka̱kul owan wo ka̱ ashe ìgwak ka̱t.>>
11 ká̱ nnà te, oza̱ yang ka̱ nggwong achwang , oza̱ nyám nkak ishi, kang à zwan achwang pa̱ kang o fe ka̱t.
12 Oza̱ nak igwak oza̱ twat ka̱kul pa̱ kang o fe nnap mpakpak, ka̱t te nnap-nlà aRuhu aYawe uga nggatək va re ǹre ka̱ ka̱ atak onəm oga nlà ìchu Inan omatmat á. Ka̱kul nva̱ ta te, ìgwak làk uYawe uga nggatək pa̱ makmak.
13 UYawe uga nggatək là pa̱, <<Wa nva n wór oza̱ kang oza̱ yang ka̱ nfife te, wa nnà ta kpa a yà pa̱ oza̱ i wór awór te, mi yang ka̱ nfife.>>
14 Te n lyangshin oza̱ pa̱ kpaktak ka̱ ǹvivyil ga ashe mbín va oza̱ nyi ka̱t. Mbin va̱ oza̱ re te à təm agúng. Unəm uro yà uga ngga ka̱ ǹle ka̱ ashishe ka̱t. Mbin va nnəna̱n te, à təm agúng.