67
Ndiꞌi ñayiu ñuu na vi saꞌa kaꞌnui ia Dios
1 Kundaꞌu ini ña ni jin in in san, vi Dios,
te saꞌa ña ni javii javaꞌa,
vi kaꞌan ndaꞌu kaꞌan kee ña ni,
2 nagua ja na vi kuni ndiꞌi ñayiu ichi ni,
te na vi kuni ñayiu ndiꞌi ñuu ja skaku niꞌnu ni jin.
3 Te na vi saꞌa kaꞌnu ña ñayiu jin ni, vi Dios.
Te ñayiu ndiꞌi ñuu na vi saꞌa kaꞌnu ña jin ni.
4 Na vi kokuu sii ini ñayiu nii ñuu,
te na vi kata vi kanai nuu ni,
chi maa ni tatnuni ndaa nuu ñayiu,
te maa ni jito jini ñayiu ñuyiu.
5 Te na vi saꞌa kaꞌnu ña ñayiu jin ni, vi Dios.
Te ñayiu ndiꞌi ñuu na vi saꞌa kaꞌnu ña jin ni.
6 Te vii ndevaꞌa na kuvaꞌa nuu ñundeꞌi,
chi maa ni, vi Dios, ja kuu ni ia Dios maa san, saꞌa ña ni javii javaꞌa.
7 Saꞌa vii saꞌa vaꞌa ña ni,
te ndiꞌi ñayiu nii ñuyiu
na vi koyuꞌu niꞌnu ña jin ni, vi Dios.