128
Saꞌa vii saꞌa vaꞌa ia Dios nuu veꞌe ñayiu ka yuꞌu niꞌnu ya
Yaa ka jita ñayiu nuu mavindanui Jerusalén
1 Na taꞌu na ndetu ndiꞌi maa ñayiu ka yuꞌu niꞌnu Jitoꞌo,
vi ka jikai nuu ichi ya.
2 Te nuu jaa ni ja niꞌi ni nuu satniuu ni jin ndaꞌa ni,
te kokusii ini ni vi kevii kevaꞌa ni.
3 Te ñasiꞌi ni kokuu ña na kuinio tnu uva, ja kuun vii ndevaꞌa kiti vixin nuu veꞌe ni.
Te seꞌe ni vi kokui na kuinio ndaꞌa tnu olivo ja vi konukoi xiin yutnu nuu jaa ni xtaa.
4 Saa saꞌa vii saꞌa vaꞌa ña ia Dios jin ñayiu ka yuꞌu niꞌnu ya.
5 Te ndee yuku Sión na tetniuu Jitoꞌo javii javaꞌa ya nuu oo ni,
te kuni ni ja koo vii koo vaꞌa ñuu Jerusalén, ndiꞌi ni kiuu ja koteku ni.
6 Te kenta ni ja kuni ni señani ni.
¡Na koo jamani ia Dios jin ñayiu Israel!