125
Maa ia Dios jito jini ña jin ñayiu ñuu ya
Yaa ka jita ñayiu nuu mavindanui Jerusalén
1 Ñayiu ka kukanu ini ña jin Jitoꞌo,
ka kui na kuinio yuku Sión, ja tu kanda saꞌun,
chi nikuii nikani ni oo.
2 Nagua ni ka jionduu ña tinduu jin ñuu Jerusalén,
saa jionduu ña Jitoꞌo jin ñayiu ñuu ya,
ndee vitna vi nikuii nikani.
3 Te masu vi siun ni vi kotatnuni tee kueꞌe,
nuu ñuu ja ni jiñaꞌa ia Dios nuu ñayiu maa ya,
nagua ja ma vi kokaꞌan ñayiu maa ia Dios ja vi saꞌi jakueꞌe.
4 Saꞌa ni javii javaꞌa jin ñayiu vaꞌa ini,
vi jin ñayiu ka saꞌa ndaa, vi Jitoꞌo san.
5 Su xnaa ni ñayiu ja kuaꞌankuei nuu ichi kueꞌe,
inuu jin ñayiu ka saꞌa jakueꞌe ndevaꞌa, vi Dios.
¡Na koo jamani ia Dios jin ñayiu Israel!