131
Tamâta kalo tawana Maro Kindeni
Daviti isia wâŋgiŋa ŋine
Yova Kindeni, naŋa apile mâsi ŋana apandekâna warakâŋgu kâ marumbu lâ, aku ŋandai uru apasuka warakâŋgu tiniŋgu ŋga. Ilo-kalo pinde nde kaika ndo kala ipole naneŋgu ilo-kalo, andeta naŋa kaloŋgu loko ŋana ilo-kalo ŋinde kâ, ande tia. Mao nâ, naŋa wisiŋgu puu ndue lâ, kala amo tava wisiŋgu pisi nâ, itogo lâlu puro-puro wisi pisi ŋana imo tina tini laiti.
Miki Isrel tamâta, miki ma kao tinimi pa Yova Kindeni nâ, lâ zo ŋine wa zo muli-muli wa.