2 Samuel
Samuel ana buka viruaina
Pariverena
Wei bukana lamna David ana vibadana marana e ririweta. Kapita 1 da au 4 e ririweta da David menanarena Judah au rauanaḡei lamna ava i vibadei. Ma kapita 5-24 Israel au lavaratei maiteni i vibadei. Wei girumana e ririweta da menanare David ana ḡavia Israel au orana ma dobu ḡelauiei i viḡaviana-nei ma e viviatataieta menanare David God nuanuana i vaia ma i vitumaḡanei, wate maiteni ana ḡoʼapoapoe ma ana ḡokokokara ḡelaui i viatataieta. Tauta ta inanai menanare God David i kovoḡi maranai ana ḡoa i apoapoei, wate maiteni ta inanai menanare David i rupena-nei ma God tauna ana ḡoʼapoapoe i nota-tawanei. David piripiri maḡamaḡaui i nelaḡai maranai Israel i vibadei wate God tauna i gagaloei ma parivainuaḡana awarina ma ana epaepaia awarii i vojijini.
Vinevinei
David mai Israel ai gulau (5:1-4)
God ana parivainuaḡana bagibagina David awarina (7:1-5, 8-17)
David Bathsheba maiteni i matave (11:1-17, 26-27)
Peroveta Nathan ana pariverena (12:1-25)
5
David mai Israel ma Judah ai gulau
1 Israel dam damai i nei David awarina au Hebron ma i pa, “Tauta tara tagogi
2 Au naona maranai Saul ata gulau, tam sorodia u rauetaraveni ma o viḡavia.
—Ma Bada i riwem, ‘Tam au dam Israel ma paini me sipu taupaini ai sipu e paipaini ma aubaii ma vibada.”
3 Maranai dam babadai i ḡeta gulau David awarina au Hebron, David parivainuaḡana bagibagina taui maiteni i kauei Bada au matana. Ma olive monamonanei David i buloi da Israel ai gulau.
4 David ana madeḡa 30 ma i vigulau ma i vibada da madeḡa 40 i kwa.
Ma David ana sorodia i egari ma Jerusalem mai Jebu awariei i vaia. Kampa David ana gulau numana i voai. Anina ma rava i tami ma i nae ma God ana parivainuaḡana bokisina i vaia ma i naei au Jerusalem ma kampa au numagara i terei.