91
Nguluwi mwamizi wa hetwe
1 Heye yalingikala hali honhu ha kikala goya ha Nguluwi Yawele Kuchanya,
kokwesela kuli lubehelo lwa Nguluwi Yawele na Ludali.
2 Ndolonga kwa Mkulu Nguluwi,
“Hegwe ndo honhu ha heni ha kubilimila na ngome ya heni,
Nguluwi wa heni yondilingitumbila.”
3 Ena, Nguluwi kokulohola kuli idiwa lya mpelembi,
kokwamila kuli matamwa galingukopola.
4 Kokugubika kwa mabawa ga heye,
kowa na kikala goya hala,
kukundigwa kwa heye kokwamila kota ngawo.
5 Hulinguganigwa kudumba kukabusa kwa nechilo
ne kutowigwa na misale baho du nemisi,
6 ne utamwa ulinguya nechilo,
ne kubagama kulingulawila nemisi.
7 Hanga wanhu elufu wogwa habehi na hegwe,
ena, elufu kumi kwa moko wa hegwe wa kudilo,
ila hegwe kubagama hambe kukuhejelele.
8 Kwa meho ga gwegwe baho,
kolola ndaze wanhu wehile vyowalingugazigwa.
9 Kwa vila nakumdita Mkulu Nguluwi ndo honhu ha hegwe ha kubilimila,
ena, Nguluwi Yawele Kuchanya yawele ndo kaye kwa hegwe,
10 ahyo, hufichigwa na wihe woneche,
ihema lya hegwe halifichigwa na utamwa woneche.
11 Kwa vila Nguluwi kowalajiza wahilisi wa heye,
kwa chiwalo cha hegwe, leka wakwamile koneche kouluta.
12 Wokuwika mmoko mwawo,
leka magulu ga hegwe galeche kikwang'hwala kuli iganga.
13 Kojisumya misimba na mizoka,
kojihonda misimba na mingole.
14 Nguluwi kangulonga, “Ndomlohola yula yalingungana,
ndomwamila yula yalingunzela.
15 Hoyonyhema nani ndomwidichila,
hoyowa kuli magazo ndowa hamwe na heye,
ndomlohola na kumhulichiza.
16 Ndomdita yasangalale kwa ukomu wa mihela minji,
ndomlajila ulohozi wa heni.”