3
Kulanda utanzi
(Zabuli ya Daudi loyambilime Abusalomu, mwanage.)
1 Mkulu Nguluwi, wang'honyo wa heni nawonjezeka!
Walingunhowa ndo wenji.
2 Ndo wenji walingulonga,
“Nguluwi homlohola.”
3 Ila hegwe Mkulu Nguluwi, kwa ngawo ya heni banzi zeng'ha,
kwa hegwe ndanguwa na lutogo na kusumya.
4 Kwa lizi lya heni ndangumchema Mkulu Nguluwi
naye kangwidichila kulawa kuli chidunda cha heye chelile.
5 Ndanguwasa na kuwa na usinjizi,
ndangwinuka kahi kwa vila hegwe, gwa Mkulu Nguluwi kwangunyimiza.
6 Hambe ndumbe wanhu elufu na maelufu,
hanga wangunhowa banzi zeng'ha.
7 Mkulu Nguluwi winuche!
Nguluwi wa heni undohole!
Uwatowe wang'honyo wa heni weng'ha kwa mizeje ja milomo ja hewo,
ubene mizino ja wehile.
8 Kwa vila ulohozi ndo wa Mkulu Nguluwi.
Utambichizo wa hegwe uwe mchanya mwa wanhu wa hegwe.