26
Kulanda kwa munhu yanojile
(Zabuli ya Daudi.)
1 Gwa Mkulu Nguluwi, umhe heni hachi,
kwa vila nandikala kwa kugoloka,
nanditumbila kwa hegwe ne kukuleka.
2 Gwa Mkulu Nguluwi, umhugajize na kunjeza,
uitaguse nhumbula ya heni na nyhala za heni.
3 Mazuwa gose silisemwa igano lya kwimilila lya hegwe,
ndangikala kwa chiwalo cha kukundigwa kwa hegwe.
4 Hambe ndilumbe hamwe na wanhu wadesi,
hambe ndihanze na wanhu wahadi.
5 Ndanguzizudila nhing'hano za wajilile,
na kilumba hamwe na wehile.
6 Ndanguhovuga moko ga heni kulajila ndahela nongwa,
na kuhahejelela honhu ha hegwe ha kulavila nhambiko, Gwa Mkulu Nguluwi,
7 kuno ndikwimba lwimbo lwa kuta malumbo,
na kusimila madito ga hegwe geng'ha ga kububuwaza.
8 Mkulu Nguluwi, nojezwa na ng'handa ya hegwe, honhu houlingikala,
honhu houlingikala ukulu wa hegwe.
9 Uleche kundumya hamwe na wawele na gehile,
ne kunhoza hamwe na walingukopola,
10 wanhu wawele madito ga hewo ndo ga wihe mazuwa gose,
wanhu wawele wamema kugana kubochela chinhu leka kwajiliza hachi.
11 Ila heni ndangikala kwa kugoloka,
ungombole na kumbonela isungu.
12 Ndangwima hali honhu hawele na kikala goya,
ndomtogola Mkulu Nguluwi, kuli nhing'hano ng'hulu.