11
పౌల్‍ అజు చాఢి అపొస్తల్‍
1 థోడుసు దిమాక్తి మే వాతె బోల్యొతోబి తుమే సహించిలేనుకరి కోరిలెంకురూస్‍, మారబారెమా తుమే సహిస్తుహుయినాస్‍ ర్హంకరస్‍.
2 దేవ్నుషక్తితి తుమారు ఆసక్తిహుయీమ్‍ చౌవ్‍, సానకతొ పవిత్ర్ హుయుతె కవ్వారి చొగ్రినితరా ఏక్కస్‍ అద్మినా కతొ క్రీస్తునా దెవ్వాయ్‍లైను తుమ్నా హాఃగాయ్‍ కర్యొథొ,
3 పన్కి హాఃప్‍ ఇను దిమాక్తి హవ్వనా మోసం కరతిమ్‍ తుమారు దిల్మా క్రీస్తుమా ఛాతె నిజాయితిమతూ పవిత్రతమతూ కింతోబి నిక్లిజాసుకరి ఢరుకురూస్‍.
4 కిమ్కతొ ఆవాలుకోన్బిహో ప్రచార్ కర్యకోయింతె యేసునకాహేతిమ్‍ బుజేక్నా సువార్త ప్రకటించతో, నైహితో తుమే నాపొంద్నుతె ఆత్మనా తుమే పొంద్యతో, తుమే ఒప్పిలిదాతోబి, తుమే ఇనబారెమా సహీంచను అష్యల్.
5 “మేహుయోతొ మహాన్‍ అపొస్తల్‍తీబి మేస్‍మాత్రం కమ్‍కాహేకరి” లహిజవుంకరూస్‍.
6 వాతేవ్‍తిహో మే పడ్యోకొయింతె అద్మిని తరహో పన్కి దిమాక్‍మా మే సిక్యొకొయినితిమ్‍ ర్హయ్యోకొయిని, హర్యేక్‍ హంగతిమాహో హాఃరవ్నా ఇచ్ఛామహో తుమారు నిమిత్తంతి హమే యో ఆజ్ఞనా దేఖాడుకరియేస్‍.
7 తుమ్న జాగ్రుత్‍ కర్నుకరి తుమ్న దేవ్ను సువార్తనా చుక్కేతి ప్రచార్‍కర్తోహుయిన్‍ మారు మేస్‍ తగ్గించిలేవను పాప్‍ కర్యొన్నా?
8 తుమ్న పరిచర్య కరనటేకె మే పార్లు సంఘంనుబారెమా జీతంలీన్‍, ఇవ్ను దౌవ్లత్‍నా ఛోర్‍ కరవాలొనితరా హుయిగొ థొ.
9 బుజు మే తుమరాకనా థోతెదె మన అవసరం పడ్యుతెదె మే కినావుప్పర్‍బి భోజొ నాక్యోకొయిని మాసిదోనియాతి భైయ్యే ఆయిన్ మారి అవసరం తీర్చు. హర్యేక్‍ వాత్మ మే తుమ్న భోజొనితరా నార్హానుతిమ్‍ జత్తన్‍హుయో థొ. బుజు అగాఢీబి జత్తన్‍ర్హయీస్‍.
10 క్రీస్తు హాఃఛీస్‍ మారమ్హాని ర్హావనుబరెమా అకయా ఇలాహొః మ్హానే మే అంనితరా బడాయి పడకొయినితిమ్‍ మన ఆటంకం కరనటేకె కినహాత్‍ హుసెకొయిని.
11 సానటేకె మే తుమ్న బోల్యొనా ఫ్యార్‍ కరూకరూస్కరి? యోదేవ్నాస్‍ మాలంహుసె.
12 బడ్డాయీను కారణంనా దూంఢవాలు కెహూవిషయంమా బడ్ఢాయిహుంకరస్కీ, యోవిషయంమా ఇవ్నెబీ హమారనితరస్‍ వాలహుయిన్‍ ఛాకరి దెక్కావనునిమిత్తంతి ఇవ్నా కారణం నామల్నుతిమ్‍ మారనటేకె, మే కరూకురుతే ఇంనితరస్‍ అజు అగాడీబి కరీస్‍.
13 కింకతో ఇవ్న క్రీస్తు అపోస్తల్‍ను అవతారం పేరిలేవ్వాలుహుయిన్‍, చోర్‍ అపొస్తల్‍బి మోసంకరాతే సేవకుల్‍ హుయిన్‍ ఛా.
14 ఆ అష్యమ్‍ కాహే; సైతాన్‍ యోస్‍ ఉజాలుదూతను అవతారం పేరిరాక్యొస్‍.
15 ఇనటేకె ఇవ్నే ప్రచార్‍కరవాలను నీతి ప్రచార్‍కరవాలను అవతారం పేరిరాక్యుస్‍ గొప్ప సంగతి కాహె. ఇవ్ను క్రియాల్‍ కర్యతిమ్‍ ఇవ్ను అంతం హుసె.
పౌలు అపొస్తల్‍హువాను భన్తీ బాధపఢను
16 మే దిమాక్‍కొయింతెవాలొకరి కోన్బి నాసోచ్నుకరి బుజేక్‍చోట్‍ బోలుకరూస్‍, ఇమ్‍ సోచిలిదతో మే థోడుసు బడ్డాయ్‍కరూకురుస్‍రి మన దిమాక్కొయినితరస్ మన కందే కర్లెవొ.
17 మే బోలుకరుతే ప్రభూవును వాతే ప్రకారం బోలుకరుస్‍కొయిని పన్కి బడ్డాయికరనా ఆధారమ్తిహుయిన్‍ దిమాక్కొయినితరస్ బోలుకరూస్‍.
18 కేత్రుకిజణు ఆంగ్తాన్‍ను విషయాంమ బడ్డాయికరుకరస్‍ ఇనటేకె మేబి ఇమ్మాస్‍ బడ్డాయికరూకరుస్‍.
19 తుమే దిమాక్‍వాలహుయిన్‍ ఖుషితి దిమాక్‍కొయిన్తేవాలనా సహీంచుకరస్‍.
20 ఏక్జను తుమ్నా లోపర్చుతో యేక్జను తుమ్న గలిల్దాతోబి, ఏక్జను తుమ్న ఫహాఃయ్‍ల్దుతోబి, ఏక్జను తుమ్న మహాన్‍కర్యతోబి అజేక్‍జణు తుమార మ్హోడఫర్‍ మార్యుతోబి తుమే సహీంచుకురస్‍.
21 హామె కంజోర్‍హుయిన్‍ ఛియ్యేతిమ్‍ ఇజ్జత్‍వాతె బోలుకరూస్‍, కెహు విషయాంమబి కోన్బి హిమత్తీ ఛాకి యోవిషయాంమ మేబి హీమ్మత్‍హుయిన్‍ ర్హవ్వాలో దిమాక్‍కొయినితిమ్‍ వాతె బోలుకరూస్‍ కాహెన.
22 ఇవ్నె హెబ్రీయుల్‍న్నా? మేబి హెబ్రీవాలోస్‍ ఇవ్నె, ఇష్రాయేలీవాలోస్‍? మేబి ఇష్రాయేల్‍వాలోస్‍. ఇవ్నే అబ్రాహామ్‍ను ఖాందాన్నా? మేబి యోజాత్నోస్‍.
23 ఇవ్నే క్రీస్తు ప్రచార్‍కరవాలనా? దివ్వాణనితరా వాతే బోలుకరాస్‍, మేబి బుజు ఘను క్రీస్తు పరిచారకుడ్‍. బుజు ఘను విషేసంతీ ప్రయాసపడుకరూస్‍ బుజు హాఃరవ్ను కెత్రూకి చోట్‍ ఠాణమా ర్హంకురూస్; కంమ్‍కొయినితిమ్‍ జాహఃత్‍ మార్‍కాద్యొ. కెత్రూకితరా మరణ్‍మా ర్హంకురూస్.
24 యుదుల్నా హాతే పాఛ్‍చోట్‍ ఏక్‍ కమ్‍ ఛాలీఖ్ మార్‍ కోరడతి ఖాద్యో.
25 కేత్రుకితరా లాక్డితి మరాయిర్హాకోస్‍ ఏక్తార ఫత్రావ్‍తి మార్‍ కాద్యో, యేక్తారతొ ఝాజ్‍ పుటిన్ మిన్హత్‍ పడ్యొ థొ. ఏక్‍ రాత్‍ ధన్‍ ధర్యవ్‍మాస్‍ థో.
26 కెత్రూకిచోట్‍ ప్రయాణంమాబి, నదిమాహుయుతోబి ఆపదమాబి, చోర్‍వాలహుయుతె మారు ఆపదమాబి మారు హుఃద్‍అద్మియేబారెమాహుయుతోబి యూదుల్‍ కాహెతెవాలహుయుతోబి ఆపదమాబి, పట్టణంనూ ఆపదమాబి, జంగల్‍ను ఆపదమాబి, దర్యావ్ను ఆపదమాబి, కపట సహోదరూల్ను బారెమా ఆపదమాబి థొ.
27 కోషీస్‍తీబి, కష్టంతీబి, హోసార్‍తిహో, భుక్కేతిహో, హోసార్‍తీ పస్తుతి ర్హావనుహో థండ్తిహో, లుంగ్డాకోయినితిమ్‍ థొ. అజుబి బోలను గ్హణుసు ఛా.
28 ఆస్‍ కాహెతిమ్‍ సంఘంనాబారెమా చింతబి ఆవ్సె, ఆ భారం మనా ధన్‍ ఫర్‍ ధన్‍ మనా హుంకరాస్‍.
29 తుమారమ కోన్బిహో కంజోర్‍హుయోతో? మేబీ కంజోర్‍ హుయోకొయినితిమ్‍ ర్హయిస్నా? కోన్బిహో? మనాబి వాతె మల్సేనా?
30 ఆహ్ఃకరను ర్హయిహోత్తో మే మారకంజోర్నివాత్‍మను సంగతుల్నా లీన్‍ ఆహ్ః రక్యోహోత్‍.
31 హమేషా స్తుతింపబడుకరతే అప్నో ప్రభూహుయోతె యేసునో భా హుయోతే దేవ్న మే జూట్టి కోబోల్యొనికరి మాలం.
32 దమస్కును అరెత కరి బోలతె రాజొనహేట్‍ ఛాతె అధిపతి మనా ధర్లేనుకరి కావ్లి రహీన్‍ దమస్కీయుల్ను నంగర్‍నా జాగ్రుర్‍ కర్యొ.
33 తెదె మే తల్పును భీత్‍ ఉపర్తీ గంపమా ఉత్రీన్‍ ఇనహాత్‍మతూ ఛుక్కాయిలీన్‍ గయో.