☰ Samu'il «2» 8
8
Dawut ǝtrapidiki ǝllǝrni ɵzigǝ beⱪindüridu
1Tar. 18:1-14
1 Bu ixlardin keyin xundaⱪ boldiki, Dawut Filistiylǝrgǝ ⱨujum ⱪilip, ularni boysundurdi. Xundaⱪ ⱪilip, Dawut Filistiylǝrning ⱪolidin mǝrkiziy xǝⱨǝrning ⱨoⱪuⱪini aldi.□
2 U ⱨǝm Moabiylarƣa ⱨujum ⱪilip, ularnimu mǝƣlup ⱪildi. U ularni yǝrgǝ yatⱪuzup, tana bilǝn ɵlqǝp, ikki tana kǝlgǝnlǝrni ɵltürdi, bir tana kǝlgǝnlǝrni tirik ⱪaldurdi. Moabiylar bolsa Dawutⱪa beⱪinip, uningƣa seliⱪ tapxurdi.
3 Andin Zobaⱨning padixaⱨi Rǝⱨobning oƣli Ⱨadad’ezǝr Əfrat dǝryasiƣa qiⱪip, xu yǝrdiki ⱨakimiyǝtni ɵzigǝ ⱪaytidin tartiwalmaⱪqi bolƣanda, Dawut uningƣa ⱨujum ⱪilip, mǝƣlup ⱪildi. 4 Dawut uning ⱪoxunidin bir ming yǝttǝ yüz atliⱪ ǝskǝrni wǝ yigirmǝ ming piyadǝ ǝskǝrni ǝsir ⱪildi; Dawut ⱨarwa atlirining piyini kǝstürdi, lekin ɵzigǝ yüz ⱨarwiliⱪ atni ⱪaldurup ⱪoydi.□  ■
5 Dǝmǝxⱪtiki Suriylǝr Zobaⱨning padixaⱨi Ⱨadad’ezǝrgǝ yardǝm berix üqün qiⱪti, lekin Dawut Suriylǝrdin yigirmǝ ikki ming adǝmni ɵltürdi. □ 6 Andin Dawut birnǝqqǝ bargaⱨ ǝskǝrlǝrni Dǝmǝxⱪtiki Suriylǝrning zeminida turƣuzdi; xuning bilǝn Suriylǝr Dawutⱪa beⱪinip uningƣa seliⱪ tapxurdi. Dawut ⱪǝyǝrgǝ barsa, Pǝrwǝrdigar uningƣa nusrǝt berǝtti.□
7 Dawut Ⱨadad’ezǝrning ƣulamliriƣa tǝminlǝngǝn altun ⱪalⱪanni tartiwelip, Yerusalemƣa kǝltürdi 8 wǝ Ⱨadad’ezǝrning xǝⱨǝrliri bolƣan Bitaⱨ bilǝn Birotay xǝⱨǝrliridinmu intayin kɵp misni ⱪolƣa qüxürdi.□
9 Hamatning padixaⱨi Toy Dawutning Ⱨadad’ezǝrning pütün ⱪoxunini mǝƣlup ⱪilƣinini anglap, 10  ɵz oƣli Yoramni Dawutning ⱨalini soraxⱪa wǝ Dawutning Ⱨadad’ezǝr bilǝn jǝng ⱪilip uni mǝƣlup ⱪilƣiniƣa uni tǝbriklǝxkǝ ǝwǝtti. Qünki Ⱨadad’ezǝr daim Toy bilǝn jǝng ⱪilip keliwatatti. Yoram bolsa kümüx, altun wǝ mis ⱪaqa-buyumlarni elip kǝldi. □ 11-12 Dawut padixaⱨ muxularni wǝ ɵzi beⱪindurƣan ⱨǝmmǝ ǝllǝrdin, jümlidin Suriylǝrdin, Moabiylardin, Ammoniylardin, Filistiylǝrdin wǝ Amalǝklǝrdin olja alƣan altun-kümüxlǝrni Pǝrwǝrdigarƣa atap beƣixlidi. Bular Zobaⱨning padixaⱨi Rǝⱨobning oƣli Ⱨadad’ezǝrdin alƣan oljini ɵz iqigǝ alidu. □
13  Dawut Suriylǝrni mǝƣlup ⱪilip, yǝni on sǝkkiz ming adǝmni «Xor wadisi»da ɵltürüp yanƣanda, uning nam-dangⱪi heli qiⱪⱪanidi. ■ 14  U Edomda ǝskǝr bargaⱨlirini turƣuzdi; pütün Edomda bargaⱨlarni ⱪurdi. Xuning bilǝn Edomiylarning ⱨǝmmisi Dawutⱪa beⱪindi. Dawut ⱪǝyǝrgǝ barsa, Pǝrwǝrdigar uningƣa nusrǝt berǝtti.
15  Dawut pütkül Israil üstigǝ sǝltǝnǝt ⱪildi; u pütkül hǝlⱪini sorap, adil ⱨɵkümlǝr qiⱪirip adalǝt yürgüzǝtti.
 
Orda ǝmǝldarliri
2Sam. 20:23-26; 1Tar. 18:15-17
16  Zǝruiyaning oƣli Yoab ⱪoxunning sǝrdari boldi; Aⱨiludning oƣli Yǝⱨoxafat mirza boldi; 17  Ahitubning oƣli Zadok bilǝn Abiyatarning oƣli Ahimǝlǝk kaⱨin boldi; Seraya diwan begi boldi. 18  Yǝⱨoyadaning oƣli Binaya Kǝrǝtiylǝr bilǝn Pǝlǝtiylǝrning yolbaxqisi boldi; Dawutning oƣullirimu kaⱨin boldi.□
 
 
□ 8:1 «...mǝrkiziy xǝⱨǝrning ⱨoⱪuⱪini aldi» — yaki «Mǝttǝg-Ammaⱨ xǝⱨirini aldi». □ 8:4 «bir ming yǝttǝ yüz atliⱪ ǝskǝr» — yaki «bir ming yǝttǝ yüz jǝng ⱨarwisi». ■ 8:4 1Tar. 18:4 □ 8:5 «Dǝmǝxⱪtiki Suriylǝr» — yǝni «Dǝmǝxⱪtiki Suriyǝliklǝr». □ 8:6 «Suriylǝr» — yaki «Aramiylar». Ⱨazirⱪi Suriyǝdikilǝr ulardin, yǝni Aramiylardin qiⱪⱪan. □ 8:8 «Bitaⱨ» — yaki «Tebaⱨ» — «1Tar.» 18:8ni kɵrüng. □ 8:10 «Toy ... ɵz oƣli Yoramni ... tǝbriklǝxkǝ ǝwǝtti» — «1Tar.» 18:10dǝ «Yoram» «Hadoram» degǝn baxⱪa bir isim bilǝn atilidu. □ 8:11-12 «Suriylǝrdin» — yaki «Edomlardin» — 14-ayǝtni wǝ «1Tar.» 18:11ni kɵrüng. ■ 8:13 Zǝb. 60:1-4 □ 8:18 «Kǝrǝtiylǝr bilǝn Pǝlǝtiylǝr» — bǝlkim Dawutⱪa alaⱨidǝ muⱨapizǝtqilǝr yaki alaⱨidǝ zǝrbidar ǝskǝrlǝr bolƣan boluxi mumkin idi. «Dawutning oƣullirimu kaⱨin boldi» — muxu yǝrdǝ «kaⱨin» bǝlkim (1) ularning Hudaning ibaditidǝ adǝttiki kaⱨinlardin baxⱪa alaⱨidǝ wǝzipiliri barliⱪini; (2) ⱨakimiyǝttǝ birhil wǝzirlikini kɵrsitixi mumkin («1Tar.» 18:17nimu kɵrüng).
☰