☰ Zǝbur 43
43
43-küy •••• Sǝrgǝrdanning duasi •••• 1-ayǝttiki izaⱨatni kɵrüng
1 I Pǝrwǝrdigar, mǝn toƣruluⱪ ⱨɵküm qiⱪarƣaysǝn,
Dǝwayimni ǝⱪidisiz bir hǝlⱪ aldida soriƣaysǝn;
Meni ⱨiyligǝr ⱨǝm ⱪǝbiⱨ adǝmdin ⱪutuldurƣaysǝn. □
2 Qünki Sǝn panaⱨgaⱨim bolƣan Hudadursǝn;
Nemixⱪa meni taxlawǝtkǝnsǝn?
Nemixⱪa düxmǝnning zulumiƣa uqrap,
Ⱨǝmixǝ azab qekip yüriwatimǝn?» — dǝymǝn.■
3 Ɵz ⱨǝⱪiⱪiting wǝ nurungni ǝwǝtkin,
Ular meni yetǝkligǝy!
Meni muⱪǝddǝs teƣingƣa,
Makaningƣa elip kǝlgǝy! □
4 Xuning bilǝn mǝn Hudaning ⱪurbangaⱨi aldiƣa baray,
Yǝni mening qǝksiz huxluⱪum bolƣan Tǝngrining yeniƣa baray;
Bǝrⱨǝⱪ, qiltar qelip Seni mǝdⱨiyilǝymǝn, i Huda, mening Hudayim!
5 I jenim, sǝn nemixⱪa bundaⱪ ⱪayƣurisǝn?
Nemixⱪa iqimdǝ bundaⱪ biaram bolup ketisǝn?
Hudaƣa ümid baƣla!
Qünki mǝn Uni yǝnila mǝdⱨiyilǝymǝn,
Yǝni qirayimƣa salamǝtlik, nijatliⱪ ata ⱪilƣuqi Hudayimni mǝdⱨiyilǝymǝn!□  ■
 
 
□ 43:1 «Izaⱨat» — kɵp alimlar 42- ⱨǝm 43-küy ǝslidǝ bir küy idi, dǝp ⱪaraydu. ■ 43:2 Zǝb. 35:11-17; 38:6; 42:10 □ 43:3 «Makaningƣa elip kǝlgǝy!» — ibraniy tilida «Makanliringƣa elip kǝlgǝy!». □ 43:5 «Qünki mǝn Uni yǝnila mǝdⱨiyilǝymǝn, yǝni qirayimƣa salamǝtlik, nijatliⱪ ata ⱪilƣuqi Hudayimni mǝdⱨiyilǝymǝn!» — baxⱪa birhil tǝrjimisi: «Qünki Uning jamalidin qiⱪⱪan nijatliⱪ bilǝn, mǝn Uni yǝnila uluƣlaymǝn, mening Hudayim!». ■ 43:5 Zǝb. 42:5,11
☰