7
Pǝyƣǝmbǝrning azablinixliri
1 Mening ⱨalimƣa way! Qünki mǝn huddi yazdiki mewilǝr yiƣilip,
Üzüm ⱨosulidin keyinki wasangdin keyin aq ⱪalƣan birsigǝ ohxaymǝn,
Yegüdǝk sapaⱪ yoⱪtur;
Jenim tǝxna bolƣan tunji ǝnjür yoⱪtur!
2 Ihlasmǝn kixi zemindin yoⱪap kǝtti,
Adǝmlǝr arisida durus birsimu yoⱪtur;
Ularning ⱨǝmmisi ⱪan tɵküxkǝ paylimaⱪta,
Ⱨǝrbiri ɵz ⱪerindixini tor bilǝn owlaydu.
3 Rǝzillikni puhta ⱪilix üqün,
Ikki ⱪoli uningƣa tǝyyarlanƣan;
Əmir «inam»ni soraydu,
Soraⱪqimu xundaⱪ;
Mɵtiwǝr janab bolsa ɵz jenining nǝpsini axkara eytip beridu;
Ular jǝm bolup rǝzillikni toⱪuxmaⱪta.
4 Ularning ǝng esili huddi jiƣandǝk,
Əng durusi bolsa, xohiliⱪ tosuⱪtin bǝttǝrdur.
Əmdi kɵzǝtqiliring ⱪorⱪup kütkǝn kün,
Yǝni Huda sanga yeⱪinlap jazalaydiƣan küni yetip kǝldi;
Ularning alaⱪzadǝ bolup ketidiƣan waⱪti ⱨazir kǝldi.
5 Ülpitinggǝ ixǝnmǝ,
Jan dostungƣa tayanma;
Aƣzingning ixikini ⱪuqiⱪingda yatⱪuqidin yepip yür.
6 Qünki oƣul atisiƣa biⱨɵrmǝtlik ⱪilidu,
Ⱪiz anisiƣa,
Kelin ⱪeyn anisiƣa ⱪarxi ⱪozƣilidu;
Kixining düxmǝnliri ɵz ɵyidiki adǝmliridin ibarǝt bolidu.
7 Biraⱪ mǝn bolsam, Pǝrwǝrdigarƣa ⱪarap ümid baƣlaymǝn;
Nijatimni bǝrgüqi Hudani kütimǝn;
Mening Hudayim manga ⱪulaⱪ salidu.
Ahirⱪi zaman toƣruluⱪ ümid — Hudaning «ⱪaldisi» sɵz ⱪilidu
8 Manga ⱪarap hux bolup kǝtmǝ, i düxminim;
Gǝrqǝ mǝn yiⱪilip kǝtsǝmmu, yǝnǝ ⱪopimǝn;
Ⱪarangƣuluⱪta oltursam, Pǝrwǝrdigar manga yoruⱪluⱪ bolidu.
9 Mǝn Pǝrwǝrdigarning ƣǝzipigǝ qidap turimǝn —
Qünki mǝn Uning aldida gunaⱨ sadir ⱪildim —
U mening dǝwayimni sorap, mǝn üqün ⱨɵküm qiⱪirip yürgüzgüqǝ kütimǝn;
U meni yoruⱪluⱪⱪa qiⱪiridu;
Mǝn Uning ⱨǝⱪⱪaniyliⱪini kɵrimǝn.
10 Wǝ mening düxminim buni kɵridu,
Xuning bilǝn manga: «Pǝrwǝrdigar Hudaying ⱪeni» degǝn ayalni xǝrmǝndilik basidu;
Mening kɵzüm uning mǝƣlubiyitini kɵridu;
U koqidiki patⱪaⱪtǝk dǝssǝp qǝylinidu.
Hudaning jawabi
11 — Sening tam-sepilliring ⱪurulidiƣan künidǝ,
Xu künidǝ sanga bekitilgǝn pasiling yiraⱪlarƣa yɵtkilidu.
12 Xu künidǝ ular yeningƣa kelidu;
— Asuriyǝdin, Misir xǝⱨǝrliridin,
Misirdin Əfrat dǝryasiƣiqǝ, dengizdin dengizƣiqǝ wǝ taƣdin taƣƣiqǝ ular yeningƣa kelidu.
13 Biraⱪ yǝr yüzi bolsa ɵzining üstidǝ turuwatⱪanlar tüpǝylidin,
Yǝni ularning ⱪilmixlirining mewisi tüpǝylidin harabǝ bolidu.
Hudaning «ⱪaldisi»ning duasi
14 — Ɵz hǝlⱪingni, yǝni ormanda, Karmǝl otturisida yalƣuz turuwatⱪan Ɵz mirasing bolƣan padini,
Tayaⱪ-ⱨasang bilǝn ozuⱪlandurƣaysǝn;
Ⱪǝdimki künlǝrdikidǝk,
Ular Baxan ⱨǝm Gilead qimǝnzarlirida ⱪaytidin ozuⱪlansun!
Hudaning jawabi
15 — Sǝn Misir zeminidin qiⱪⱪan künlǝrdǝ bolƣandǝk,
Mǝn ularƣa karamǝt ixlarni kɵrsitip berimǝn.
16 Əllǝr buni kɵrüp barliⱪ ⱨǝywisidin hijil bolidu;
Ⱪolini aƣzi üstigǝ yapidu,
Ⱪulaⱪliri gas bolidu;
17 Ular yilandǝk topa-qangni yalaydu;
Yǝr yüzidiki ɵmiligüqilǝrdǝk ɵz tɵxükliridin titrigǝn peti qiⱪidu;
Ular ⱪorⱪup Pǝrwǝrdigar Hudayimizning yeniƣa kelidu,
Wǝ sening tüpǝylingdinmu ⱪorⱪidu.
18 Ⱪǝbiⱨlikni kǝqüridiƣan,
Ɵz mirasi bolƣanlarning ⱪaldisining itaǝtsizlikidin ɵtidiƣan Tǝngridursǝn,
U aqqiⱪini mǝnggügǝ saⱪlawǝrmǝydu,
Qünki U meⱨir-muⱨǝbbǝtni huxalliⱪ dǝp bilidu.
Kim sanga tǝngdax ilaⱨdur?
19 — U yǝnǝ bizgǝ ⱪarap iqini aƣritidu;
Ⱪǝbiⱨliklirimizni U dǝssǝp qǝylǝydu;
Sǝn ularning barliⱪ gunaⱨlirini dengiz tǝglirigǝ taxlaysǝn.
20 — Sǝn ⱪǝdimki künlǝrdin beri ata-bowilirimizƣa ⱪǝsǝm ⱪilƣan ⱨǝⱪiⱪǝt-sadaⱪǝtni Yaⱪupⱪa,
Ɵzgǝrmǝs muⱨǝbbǝtni Ibraⱨimƣa yǝtküzüp kɵrsitisǝn.