☰ Korintliⱪlarƣa «1» 5
5
Eƣir bir gunaⱨ
1 Ⱨǝrtǝrǝptin xu angliniwatiduki, aranglarda buzuⱪqiliⱪ bar ikǝn — bundaⱪ buzuⱪqiliⱪ ⱨǝtta taipilǝr arisidimu tilƣa elinmaydu — u bolsimu birsining ɵz atisining ayaliƣa qeⱪilixtin ibarǝt.■ 2 Əmma silǝr yoƣinap kɵrǝnglǝp kǝttinglar! Bu rǝzil ixni sadir ⱪilƣan kixi arimizdin ⱪoƣliwetilsun dǝp ɵkünüxünglarƣa toƣra kǝlmǝmdu!? 3 Qünki gǝrqǝ tǝndǝ silǝr bilǝn billǝ bolmisammu, ǝmma roⱨta silǝr bilǝn billǝ bolux süpitidǝ alliⱪaqan xundaⱪ mǝn xu ⱨɵkümni qiⱪardimki, 4 (ⱨǝmminglar Rǝb Əysa Mǝsiⱨning namida jǝm bolƣanda, ɵzümning roⱨim silǝr bilǝn bolup, Rǝbbimiz Əysa Mǝsiⱨning küq-ⱪudritigǝ tayinip) —
5 xundaⱪ ⱪilƣan kixining ǝtliri ⱨalak ⱪilinsun, xuning bilǝn uning roⱨi Rǝb Əysaning künidǝ ⱪutⱪuzuluxi üqün Xǝytanning ilkigǝ tapxurulsun.□  ■ 6 Silǝrning qongqiliⱪ ⱪilƣininglar yahxi ǝmǝs. «Kiqikkinǝ hemirturuq pütkül hemirni boldurup yoƣinitidu» dǝp bilmǝmsilǝr?■
7 Kona hemirturuqni qiⱪiriwetinglar; xuning bilǝn silǝr ǝsli hemirturuqsiz hemirdǝk yengi bir zuwula bolisilǝr; qünki «ɵtüp ketix ⱨeyti»diki ⱪozimiz bolƣan Mǝsiⱨ ⱪurbanliⱪ ⱪilindi;■ 8 xunga ⱨeytni yaman niyǝtlik wǝ rǝzillik bolƣan hemirturuq bilǝn ǝmǝs, bǝlki sǝmimiylik wǝ ⱨǝⱪiⱪǝt bolƣan petir nan bilǝn tǝntǝnǝ ⱪilip ɵtküzǝyli.□  ■
9 Mǝn aldinⱪi hǝttǝ silǝrgǝ buzuⱪqiliⱪ ⱪilƣuqilar bilǝn arilaxmanglar dǝp yazƣanidim; ■ 10 ǝmma bu deginim bu dunyadiki buzuⱪqiliⱪ ⱪilƣuqilar, yaki nǝpsaniyǝtqilǝr, yaki kazzaplar yaki butpǝrǝslǝr bilǝn arilaxmanglar deginim ǝmǝs; undaⱪ bolƣanda dunyadin ayrilixⱪa mǝjbur bolattinglar; 11 ǝmma ⱨazirⱪi bu hetimdǝ yazƣinim xuki, ɵzini «ⱪerindax» dǝp atiwalƣan ǝmma xundaⱪla buzuⱪluⱪ ⱪilƣuqi, nǝpsaniyǝtqi, butpǝrǝs, ⱨaraⱪkǝx yaki kazzap bolsa, undaⱪ bir kixi bilǝn arilaxmanglar, ⱨǝtta uning bilǝn ⱨǝmdastihanmu bolmanglar. □  ■ 12 Sirttikilǝrni ⱨɵküm qiⱪirip bir tǝrǝp ⱪilixning mǝn bilǝn nemǝ munasiwiti? Lekin iqinglardikilǝrni ɵzünglar ⱨɵküm qiⱪirip bir tǝrǝp ⱪilix silǝrning ixinglar ǝmǝsmu? □ 13 Lekin sirttikilǝrning üstigǝ bolsa Huda Ɵzi ⱨɵküm qiⱪiridu. Xunga «bu rǝzil adǝmni aranglardin qiⱪiriwetinglar».□  ■
 
 
■ 5:1 Law. 18:8; Ⱪan. 27:20. □ 5:5 «xundaⱪ ⱪilƣan kixining ǝtliri ⱨalak ⱪilinsun, xuning bilǝn uning roⱨi Rǝb Əysaning künidǝ ⱪutⱪuzuluxi üqün Xǝytanning ilkigǝ tapxurulsun» — bu ix (baxⱪiqǝ eytⱪanda, «Xǝytanning ilkigǝ ⱪayturux») toƣruluⱪ «ⱪoxumqǝ sɵz»imizni kɵrüng. Bǝzi alimlar «ǝtliri» degǝnni roⱨiy jǝⱨǝttin qüxǝndüridu, demǝk, bu ix kixining ɵzining gunaⱨliⱪ tǝbiiti, yaki Korinttiki pütkül jamaǝttǝ «gunaⱨliⱪ tǝbiitidin qiⱪⱪan ixlar»ni kɵrsitidu, dǝp ⱪaraydu. Biz muxu yǝrdiki «ǝtliri»ni jismaniy jǝⱨǝttin qüxinimiz. «Ⱪoxumqǝ sɵz»imizdǝ buning asasini kɵrsitimiz. ■ 5:5 1Tim. 1:20. ■ 5:6 Gal. 5:9. ■ 5:7 Yǝx. 53:7; Yⱨ. 1:29; 1Kor. 15:3. □ 5:8 «xunga ⱨeytni yaman niyǝtlik wǝ rǝzillik bolƣan hemirturuq bilǝn ǝmǝs, bǝlki sǝmimiylik wǝ ⱨǝⱪiⱪǝt bolƣan petir nan bilǝn tǝntǝnǝ ⱪilip ɵtküzǝyli» — Israilning «ɵtüp ketix ⱨeyti», uningdin keyinki «petir nan ⱨeyti» wǝ ularning simwolluⱪ ǝⱨmiyiti toƣruluⱪ «ⱪoxumqǝ sɵz»imizni, xundaⱪla «Lawiylar»diki «ⱪoxumqǝ sɵz»nimu kɵrüng. ■ 5:8 Mis. 12:3,15; Ⱪan. 16:3. ■ 5:9 Ⱪan. 7:2; Mat. 18:17; 2Kor. 6:14; Əf. 5:11; 2Tes. 3:14. □ 5:11 «ɵzini «ⱪerindax» dǝp atiwalƣan...» — «ⱪerindax» — ɵzining etiⱪad yolida ⱪerindax dǝp atalƣan. ■ 5:11 Qɵl. 12:14; Mat. 18:17; 2Tes. 3:14; 2Yuⱨa. 10. □ 5:12 «Sirttikilǝrni ⱨɵküm qiⱪirip bir tǝrǝp ⱪilixning mǝn bilǝn nemǝ munasiwiti? Lekin iqinglardikilǝrni ɵzünglar ⱨɵküm qiⱪirip bir tǝrǝp ⱪilix silǝrning ixinglar ǝmǝsmu?» — «sirttikilǝr» jamaǝttin sirt turƣanlarni, «iqidikilǝr» jamaǝtning iqidǝ bolƣanlarni kɵrsitidu, ǝlwǝttǝ. □ 5:13 «bu rǝzil adǝmni aranglardin qiⱪiriwetinglar» — muxu sɵzlǝr Tǝwrat, «Kan.» 17:7, 19:9, 22:2, 24:7din ilinƣan. ■ 5:13 Ⱪan. 17:7
☰