☰ Zebur 82
82
82-küy •••• Xudaning aliy soti
1 Asaf yazghan küy: —
Xuda Öz ilahiy mejliside turup riyasetchilik qilidu,
U ilahlar arisida höküm chiqiridu;□
2 — Qachan’ghiche siler naheq höküm chiqirisiler,
Qachan’ghiche rezillerge yüz-xatire qilisiler?
Sélah.
3 Gadaylar we yétim-yésirlarning dewasini soranglar,
Ézilgenler hem hajetmenlerge adaletni körsitinglar;□
4 Miskinler hem namratlarni qutquzunglar,
Ularni rezillerning changgilidin azad qilinglar!■
5 Ular bularni bilmey we chüshenmey zulmette kézip yürmekte,
Shunga yerning ulliri tewrenmekte.
6 Men éyttim: — «Siler ilahlarsiler,
Hemminglar Hemmidin Aliy Bolghuchining oghulliri siler;
7 Shundaq bolsimu siler insan’gha oxshash ölisiler,
Herqandaq emir-begke oxshashla yiqilisiler».□
8 — Turghin, i Xuda, yer-yüzini soraq qilghaysen!
Chünki Sen barliq ellerge waris bolghuchisen!□  ■
 
 
□ 82:1 «Xuda Öz ilahiy mejliside turup riyasetchilik qilidu, U ilahlar arisida höküm chiqiridu» — bizningche, bu mejliske qatnashqan «ilahlar»ning Xudaning xelqige sotchi bolghan yaki Öz xelqi arisida hoquq-mes’uliyiti bar ademler ikenliki töwendiki ayetlerdin körülidu. Melum jehetlerdin, ular Xudadek ademler üstidin höküm chiqiridu; shuning üchün ular bu mes’uliyetning éghirliqini obdan chüshinishi kérek. «u ilahlar arisida höküm chiqiridu» — bashqa sherhchiler bolsa «ilahlar» dégenni yer yüzidiki padishah-hoquqdarlarni körsitidu, dep qaraydu. Muzu sherhchiler 6-ayettiki «siler ilahlar» dégenni kinayilik söz dep qaraydu; chünki shu dewrdiki padishahlardin köp qismi özlirini «Xuda» dep qaraytti, xelqidin özige ibadet qilishini telep qilatti. Lékin Rebbimizning «Yh.» 10:33-36de éytqan sherhi boyiche, bu sözler kinayilik söz emes; shunga yuqiriqi chüshendürüshimiz toghra, dep qaraymiz. □ 82:3 «...yétim-yésirlarning dewasi» — ibraniy tilida «... atisizlarning dewasi». ■ 82:4 Pend. 24:11 □ 82:7 «Shundaq bolsimu siler insan’gha oxshash ölisiler, herqandaq emir-begke oxshashla yiqilisiler» — 1-ayet we uningdiki izahatni körüng. □ 82:8 «Sen barliq ellerge waris qilisen» — bu söz belkim Mesihke éytilishi mumkin. ■ 82:8 Zeb. 2:8; Ibr. 1:2
☰