☰ Zebur 21
21
21-küy •••• Xuda tikligen padishah toghruluq bir küy
1 Neghmichilerning béshigha tapshurulup oqulsun dep, Dawut yazghan küy: —
 
Padishah qudritingdin shadlinidu, i Perwerdigar;
Ghelibe-nijatliqingdin u neqeder xursen bolidu!
2 Sen uning köngül tilikini uninggha ata qilding,
Lewlirining telipini ret qilghan emessen.
Sélah!
3 Chünki Sen ésil beriketler bilen uni qarshi alding;
Uning béshigha sap altun taj kiydürdüng.
4 U Sendin ömür tilise, Sen uninggha berding,
Yeni uzun künlerni, taki ebedil’ebedgiche berding.
5 U Séning bergen ghelibe-nijatliqingdin zor sherep quchti;
Sen uninggha izzet-heywet hem shanu-shewket qondurdung.
6 Sen uning özini menggülük beriketler qilding;
Didaringning shadliqi bilen uni zor xursen qilding;□
7 Chünki padishah Perwerdigargha tayinidu;
Hemmidin Aliy Bolghuchining özgermes muhebbiti bilen u héch tewrenmeydu.
8 Séning qolung barliq düshmenliringni tépip, ashkare qilidu;
Ong qolung Sanga öchmenlik qilghanlarni tépip ashkare qilidu;□
9 Séning didaring körün’gen künde, ularni yalqunluq xumdan’gha salghandek köydürisen;
Perwerdigar derghezep bilen ularni yutuwétidu;
Ot ularni köydürüp tügitidu.
10 Ularning tuxumini jahandin,
Nesillirini kishilik dunyadin quritisen;
11 Chünki ular Sanga yamanliq qilishqa urundi;
Ular rezil bir neyrengni oylap chiqqini bilen,
Emma ghelibe qilalmidi.
12 Chünki Sen ularni keynige burulushqa mejbur qilding;
Sen ularning yüzige qarap oqyayingni chenleysen.
13 I Perwerdigar, Öz küchüng bilen ulughluqungni namayan qilghaysen;
Shuning bilen biz naxsha éytip qudritingni medhiyileymiz.
 
 
□ 21:6 «Sen uning özini menggülük beriketler qilding» — bu söz belkim Dawutning ewladi bolghan, kelgüsidiki Qutquzghuchi-Mesihning Xudaning Ibrahimgha bergen eng ulugh wedisini emelge ashuridighanliqini körsitishi mumkin. Shu wede: «Sen özüng bashqilargha bext-beriket bolisen ... Sen arqiliq yer yüzidiki barliq aile we qebililerge bext-beriket ata qilinidu» déyilidu («Yar.» 12:1-3de xatirilen’gen). Bashqa birxil terjimisi: «Sen uninggha menggülük beriketlerni békitting». □ 21:8 «Séning qolung barliq düshmenliringni tépip, ... Ong qolung Sanga öchmenlik qilghanlarni tépip ashkare qilidu...» — 8-ayettin bashlap, bésharetlik sözler biwasite padishahqa éytilghan bolsa kérek. Roshenki, bu ayetler padishah Dawutning ewladi bolghan, kelgüsidiki Qutquzghuchi-Mesihni körsitidu.
☰