☰ Zebur 116
116
116-küy •••• Xudaning iltipatigha guwahliq bérish
1 Men Perwerdigarni söyimen,
Chünki U méning awazimni, yélinishlirimni anglighan.
2 Chünki U quliqini manga saldi,
Shunga men barliq künlirimde Uninggha iltija qilip chaqirimen.
3 Ölüm asaretliri méni chirmiwaldi;
Tehtisaraning derdliri méni tutuwaldi;
Men péshkellikke yoluqtum, elem tarttim;■
4 Shuning bilen men Perwerdigarning namigha toxtimay nida qildim: —
«Sendin ötünimen, i Perwerdigar,
Jénimni qutuldurghaysen!
5 Shepqetliktur Perwerdigar, heqqaniydur;
Xudayimiz rehimdildur.
6 Perwerdigar nadanni saqlaydu;
Men xarab ehwalgha chüshürüldum, U méni qutquzdi.
7 Hey jénim, qaytidin xatirjem bol;
Chünki Perwerdigar séxiylik, méhribanliq körsetti;■
8 Chünki Sen jénimni ölümdin, közlirimni yashlardin,
Ayaghlirimni putlishishtin qutquzghansen.
9 Men Perwerdigar aldida tiriklerning zéminida mangimen;
10 Ishen’ginim üchün mundaq söz qilghanmen: —
«Men qattiq xar qilin’ghanmen».□  ■
11 Jiddiyleshkinimdin: — «ademlerning hemmisi yalghanchi!» — Dégenmen.■
12 Manga körsetken barliq yaxshiliqlirini men néme bilen Perwerdigargha qayturimen?
13 — Nijatliq qedehini qolumgha alimen,
We Perwerdigarning namini chaqirip iltija qilimen;
14 Men qilghan qesemlirimni Perwerdigar aldida ada qilimen;
Berheq, Uning barliq xelqi aldida ularni ada qilimen.
15 Perwerdigarning neziride,
Öz mömin bendilirining ölümi qimmetlik ishtur!
16 Ah Perwerdigar, men berheq Séning qulungdurmen;
Men Séning qulungdurmen, dédikingning oghli ikenmen;
Sen méning asaretlirimni yeshkensen;
17 Men Sanga teshekkür qurbanliqlirini sunimen,
Perwerdigarning namini chaqirip iltija qilimen;□
18 Men qilghan qesemlirimni Perwerdigar aldida ada qilimen;
Berheq, Uning barliq xelqi aldida ularni ada qilimen;
19 Perwerdigarning öyining hoylilirida,
Séning otturungda turup, i Yérusalém,
Qesemlirimni ada qilimen!
Hemdusana!
 
 
■ 116:3 2Sam. 22:5, 6 ■ 116:7 Zeb. 13:6 □ 116:10 «Ishen’ginim üchün söz qilghanmen» — (yaki «Ishendim, shunga söz qildim...») — buning menisi, belkim, méning Xudagha derdimni töküshüm hergiz bikargha ketmeydu, démekchi («2Kor.» 4:13nimu körüng). ■ 116:10 2Kor. 4:13 ■ 116:11 Rim. 3:4 □ 116:17 «Men Sanga teshekkür qurbanliqlirini sunimen» — «teshekkür qurbanliqi» Musa peyghember arqiliq békitilgen yene birxil qurbanliq («Law.» 7-babni körüng).
☰