129
129-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
1 "Yan Misirəxun c'erit'uxun mağay düşmənxon yax əzyətt'un tast'a",
Barta israilluğon peq'at'un,
2 "Yan Misirəxun c'erit'uxun mağay yax əzyətt'un tast'a,
Ama sakes tet'un baksa".
3 Beş bač'ane laśi kötənt'un c'ist'a,
Me belxun t'e bel ezbi bazuk'xot'un düzbsa.
4 Ama düzgün bakalone Q'ončux,
Çark'esedi Şot'in yax pist'oğoy kiyexun.
5 Barta Siona nifrətp'alorox t'etərq'at'un biyaburbaki ki,
İçoğoy bula alabes maq'at'un baki ene.
6 Barta k'ojin bel c'eğala oyen hələ tum sakinut q'aribaki tağala k'inək',
Şoroxal q'aribakeq'at'un.
7 Nə exp'alt'ay kulq'an laft'i şot'oğo,
Nəəl yoq ğaç̌k'alt'inq'an şot'oğo q'ucağen ext'i ğaç̌p'i.
8 Barta nə yaq' c'ovakalt'oğoxun "xeyirq'an baki" əyitə ibakes,
Nəəl qaydi Q'ončuğoyxeyir-bərəkət və̌xunq'an baki" əyitə pesq'at'un baki.