126
126-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
1 Şaat' ğinane c'evk'ey Q'ončuğon Siona p'urum,
Nep' k'inək'e eysay yaynak' t'e ğimxo.
2 Axšume barst'ay beş ǰomoxun t'e vədə,
Mə̌ğpi əçiyanney yan.
Azuk'xonal beş loxol běği next'uniy:
"Kala əşure biq'e mot'oğoynak' Q'ončuğon!"
3 Həgigiyal kala əşure biq'ey Q'ončuğon yaynak',
Beşiyal ük'e qayesay.
4 Eça yaynak' p'urum t'e şaat' ğimxoxun, ay Q'ončux,
Negeva ams'i oç̌ala bakala q'aribaki oqurxo eçeri xenen buybala k'inək'.
5 Neğ śik'a bit'alt'inal
Axšumk'a exp'ale,
6 Śile toraya ǒnek'a taşalt'ayal
Yoqurxo eçat'an ük' qayeğale.