33
İsrailluğoy ams'i oç̌ala çurpi ganxo
1 Moiseyen q'a Aaronen israilluğo dəst'inen Misirəxun c'evk'it'uxun oşa azuk'i ams'i oç̌ala taśi yaq'e loxol baki ganxo moroxe.
2 Moiseyen Q'ončuğon içu pi k'inək' içoğoy çurk'ala ga düzbi bito ganxoy siyəyinəne biq'ey. Moval şot'oğoy taśi yaq':
3 İsrailluyox Misirə bakala Ramses şəhərexun C'ovaksuni axsibayi əyc'indəri savaxt'an, samci xaşe qos's'emci ğinet'un c'eri. Şorox Misirəxun içoğoy bul ala, şuk'k'alaxunal nu zap'esunt'un c'eri.
4 Misirluğon isə Q'ončuğon şot'oğoynak' bisun yaq'abi içoğoy süft'in ğar əyloğot'un oç̌alaxbsay, şot'aynak' ki, Q'ončuğon misirluğoy buxačuxxoy cazina ene tadeney.
5 İsrailluyox Ramsesaxun yaq'a baft'i hari Suk'k'ot'at'un çurk'ala ga düzbi.
6 Suk'k'ot'axun c'eri hari ams'i oç̌ali bel bakala Et'amat'un çurpi.
7 Et'amaxun c'eri qaybaki qoş, Baal-Śefon şəhəri běğ c'eğala tərəf bakala P'i-Gaxirot' şəhərəç, Migdol uk'ala şəhəri t'ǒğǒlt'un çurk'ala ga düzbi.
8 P'i-Gaxirot'axun c'eri dənizəl c'ovakit'uxun oşa Et'am uk'ala ams'i oç̌alat'un hari. Miya xib ği yaq taśit'uxun oşa içoğoy Mara s'i tadi galat'un hari çurpi.
9 Marinaxun c'eri Elimat'un hari çurpi. Miya p'as's'e orayin saal yetmiş dənə xurmin xode buy.
10 Elimaxun c'eri hari Č'oč'a dənizi t'ǒğǒlt'un içoğoynak' çurk'ala ga düzbi.
11 T'et'iin yaq'a baft'i hari Sin ams'i oç̌alat'un çurpi.
12 Sin ams'i oç̌alaxun c'eri hari Dofqinat'un çurpi.
13 Dofqinaxun c'eri Aluşat'un hari.
14 Aluşaxun oşa hari Refidimat'un içoğoynak' çurk'ala ga düzbi. Miya azuk'en ǔğə̌lə xe tene bə̌ğə̌bsay.
15 Refidimaxun oşa Sinay ams'i oç̌alat'un içoğoynak' çurk'ala ga düzbi.
16 Sinay ams'i oç̌alaxun c'eri Qivrot'-Hattavinat'un hari çurpi.
17 Qivrot'-Hattavinaxun oşa Xaśerot'at'un çurpi.
18 Xaśerot'axun oşa Ritminat'un hari.
19 Ritminaxun oşa Rimmon-P'ereśat'un hari.
20 Rimmon-P'ereśaxun Livninat'un hari.
21 Livninaxun c'eri Rissinat'un hari çurk'ala ga düzbi.
22 Rissinaxun c'eri Qehelatinat'un çurk'ala ga düzbi.
23 Qehelat'inaxun c'eri Şafer buruğoy tumet'un hari çurk'ala ga düzbi.
24 Şafer buruğoxun c'eri hari Xaradat'un çurpi.
25 Xaradaxun c'eri hari Maqelot'at'un çurk'ala ga düzbi.
26 Maqelot'axun c'eri T'axat'at'un çurk'ala ga düzbi.
27 T'axat'axun c'eri T'araxat'un hari.
28 T'araxaxun c'eri Mit'qinat'un hari.
29 Mit'qinaxun c'eri Xaşmoninat'un hari.
30 Xaşmoninaxun c'eri Moserot'at'un hari.
31 Moserot'axun c'eri Bene-Yaak'anat'un hari.
32 Bene-Yaak'anaxun c'eri Xor-Hak'k'idk'adat'un hari.
33 Xor-Hak'k'idk'adaxun c'eri Yotvat'inat'un hari.
34 Yotvat'inaxun c'eri Avroninat'un hari.
35 Avroninaxun c'eri Eśyon-Qeverat'un hari.
36 Eśyon-Qeveraxun c'eri hari Śin ams'i oç̌ala bakala Qadeş şəhəret'un çurpi.
37 Qadeşaxun c'eri hari Edom oç̌ali zahmani t'ǒğǒl bakala Hor buruğoy tumet'un içoğoynak' çurk'ala ga düzbi.
38 Běyinš Aaron Q'ončuğon içu bürüşi k'inək' t'e buruğo laneśi, israilluğoy Misirəxun c'eysuni q'ırxınci useni qomci xaşe samci ğineyal t'iya p'ure.
39 Aaroni Hor buruğo biyat'an sabaç̌ saq'o xib yəşe buy.
40 Hame vədinene Kənan oç̌ali Negev bölginə bakala Arad şəhəri padçağen ibaki ki, israilluyoxe eysa.
41 İsrailluğon Hor buruğoxun c'eri hari Śalmonat'un çurk'ala ga düzbi.
42 Śalmonaxun c'eri hari P'unonat'un çurpi.
43 Punonaxun c'eri hari Ovot'at'un çurpi.
44 Ovot'axun c'eri hari Moav oç̌ali zahmana bakala İye-Avarim şəhəret'un çurk'ala ga düzbi.
45 İye-Avarimaxun c'eri hari Divon-Qadat'un çurk'ala ga düzbi.
46 Divon-Qadaxun c'eri hari Almon-Divlat'ayimat'un çurpi.
47 Almon-Divlat'ayimaxun c'eri hari Avarim uk'ala buruxmoğoy Nevoya ı̌ša çurt'unpi.
48 Avarim uk'ala buruxmoğoxun c'eri hari Moavi düzənluğa, Yerixo şəhəri běš İordan oqe t'ǒğǒlt'un çurpi.
49 Miya, Moavi düzənluğa bakala İordan oq'e t'ǒğǒl şot'oğoy çurk'ala ganen Bet'yeşimot' şəhərexun burqi Avel-Şit't'im şəhərəl śirik' bineq'say.
Q'ončuğoy israilluğo içoğo tadi oç̌alxo hetər baśi arst'una tapşurbsun
50 Me Moavi düzənluğa, Yerixo şəhəri běš İordan oqe t'ǒğǒl, Q'ončuğon Moiseya pine:
51 «İsrailluğo metər upa: "İordan oqa c'ovaki Kənan ölkinə bağat'an
52 t'e ölkinə yəşəyinşala amdarxo bitova şəp'ekinan. İçoğoy bul k'os'bseynak' bakala ǰěne saal q'əliben düzbaki binik' buxačuxxo q'a bul k'os'bseynak' bakala mandi ganxoval bitova śarpi śipanan.
53 T'e oç̌ala ef kiyel badi baśi t'iya arśanan, şot'aynak' ki, şot'o və̌xez tade.
54 Oç̌ala ef boş bakala tayfoğoy arane cöybanan. İz say gele bakala tayfin oç̌al gele, iz say mal bakala tayfin oç̌al isə mal bakale. Oç̌ala çöp bosi cöybanan: şu mani oç̌al koft'ayin, şot'o ext'ale. Koft'i oç̌al tayfin boş bakala nəsilxoy arane cöybakalane.
55 Ama əgər t'e ölkinə yəşəyinşala amdarxo nu şəp'eğaynan, şorox t'iya mandi və̌ynak' sa q'aratikən, ef piyel bağala sa maq bakalt'un. Şot'oğon və̌x t'e oç̌ala pul tadi işiğ tet'un tadal.
56 T'e vədə Zuval şot'oğoy bel eşt'un çureğalt'u ef bel eçoz"».