13
ⵏⴼⵍⵍ ⵏⵎⴹⵔ ⵙⴾⵙⴹⵏ ⵓⴰ ⴹⴶⵎⴹⵏ ⴶⵔⵓ
1 ⴹⴼⵔ ⵓⵏ ⴶⵗ ⵎⴹⵔ ⵙⴾⵙⴹⵏ ⵙ ⴹⴶⵎⴹ ⴶⵔⵓ⵰ ⵎⴹⵔ ⵓⵏ ⵍⴰ ⵎⵔⵓ ⵙⴾⵓⵏ ⴹⵙⴰ ⵗⴼⵓⵏ⵰ ⴾⵍⴾ ⵏⵢⵏ ⴹⵗ ⵙⴾⵓⵏⵜ ⵜⵓⵔ⵿ⵜⵓ ⵜⴾⵀⵜ ⵜⵏ ⵜⵔⵏⴰ ⵎⵔⵏ ⴾⵍⴾ ⵏⵢⵏ ⴹⵗ ⵗⴼⵓⵏ ⵓⵏ ⵙⴰ ⵏ ⵓⵔ⵿ⵜⵓ ⵙⵎ ⵎⵙⵏ ⴾⵙ ⵏ⵿ⵜⵔⵏⴰ ⵢ ⵎⵛⵏⴰ⵰
2 ⵎⴹⵔ ⵓⴰ ⴶⵗ ⴹⵏ ⵍⴰ ⴹⵤⵏⴼ ⵏⴹⵍ⵰ ⴹⵔⵏⵜ ⵍⵏ ⴹⵔⵏ ⵏⵎⴹⵔ ⵢⵏ ⴶⵏ ⵔⵙ ⵎⵏⵜ ⵍⴰ ⴹⵎⵢ ⵏⵂⵔ⵰ ⴾⴼⵢ ⵎⵈⵍⴾ ⵜⵔⵏⵏⵜ ⴹⵜⵈⵓⵜⵏⵜ ⵜⵏ ⵜⵗⵎⵔ ⴹⵜⵗⵎⵔ ⵤⵓⵔⵜ⵰
3 ⵢⵏ ⴹⵗ ⵗⴼⵓⵏⵜ ⵍⴰ ⴹⵙ ⵂⵢ ⵀⵙ ⵏⵆⵏ ⵎⵛⵏ ⵤⵢ⵰ ⵆⵏⵏ ⵗⴼⵓⵏ ⵏⵢⵜⴹⵏ ⵏⴹⵏⵜ ⴾⵍ ⵍⴾⵎⵏ ⵢⵎⴹⵔ ⵓⴰ ⵙⴾⵙⴹⵏⵏ⵰
4 ⵙⵌⴹⵏ ⵢⵜⴹⵏ ⴹⵜ ⵎⵈⵍⴾ ⴹ ⵜⵗⵎⵔⵏⵜ ⴾⴼⴰ ⵢⵎⴹⵔ⵰ ⵗⵀⴹⵏ ⵎⴹⵔ ⴶⵏⵏ «ⵎⵏⵜⵓ ⵓⴰ ⵍⵏ ⴹⵎⴹⵔ ⵓⴰ ⵙⴾⵙⴹⵏ ⵎⵏⵢ ⵓⴰ ⴼⵔⴶⵏ ⵎⴶⵔⵏⵜ⵰»
5 ⴶⵔⵓ ⵎⴹⵔ ⵓⴰ ⵙⴾⵙⴹⵏⵏ ⴼⵔⴶⵜ ⵏⴶⵢ ⵏⵀⵜⵜⵏ ⵎⵙⵏⵏ ⵤⵤⵓⵔ ⵏⵎⵏⵜ ⴹⴾⵙ ⵏ⵿ⵜⵔⵏⴰ ⵢ ⵎⵛⵏⴰ⵰ ⴶⵔⵓ ⵜⵔⴶⵜ ⵏⴶⵢ ⵏⵎⵤⵍⵏ ⵓⵏ ⴹⵏ ⵂⵔ ⴾⵤⵜ ⵜⵎⵔⵓⵏ ⵏ⵿ⵜⵍⵜ ⴹⵙⵏⵜⵜ⵰
6 ⴹ ⵜⴾⵙ ⵎⴹⵔⵏ ⵜⵔⵏⴰ ⵢ ⵎⵛⵏⴰ ⴹⴹⴶ ⵓⴰ ⵂⴰ ⴹⵓⵏ ⵤⴹⵗⵏⵏ ⵌⵏⵓⵏ ⴾⵍ⵰
7 ⵜⵓⴾⴼⴰ ⴼⵔⴶⵜ ⵏⵎⴶⵔ ⴹⵎⵤⴹⴶⵏ ⵏⵎⵛⵏⴰ ⴹⵜⵔⵏⵏⵙⵏ⵰ ⵜⵓⴾⴼⴰ ⵜⵤⵔ⵿ⵜ ⵢ ⵜⵓⵛⵜⵏ ⴾⵍ ⴹⵜⵎⵜⵓⵏ ⴾⵍ ⴹⵢⵜⴹⵏ ⵛⵓⵍⵏⵏ ⵓⵍⵏ ⴾⵍ ⴹⴾⵍⵏ ⴾⵍ⵰
8 ⵢⵜⴹⵏ ⵏⴹⵏⵜ ⴾⵍ ⴹ ⵜⵗⵀⴹⵏ ⵔ ⵓⵏ ⵙ ⴾⵜⵀⵏ ⵙⵎⵓⵏⵙⵏ ⴹⵗ ⵍⴾⵜⵀ ⵓⵏ ⵜⵎⴹⵔ⵿ⵜ ⵂⵔⵓⴰ ⵗⵔ ⵈⵍⴾ ⵏⴹⵏⵜ⵰ ⵍⴾⵜⵀⵏ ⵏ ⵌⵎⵔ ⵓⴰ ⴶⵤⵎⵏ ⵆⵍ ⵜⴾⵜⵢ⵰
9 ⵓⴰ ⵙⵍⵏ ⵙⵍⵜ⵰
10 ⴾⴹ ⴾⵙⵓ ⵜⴶⵤ ⵓⴹⵏ ⴹ ⵜⴶⵤ⵰ ⴾⴹ ⵜⵓⵏ⵿ⵗⴰ ⵤⴶⵓ ⵙ ⵜⵤⵍⵢ ⵙⵔⵙ ⵜⵓⵏ⵿ⵗⵓ⵰ ⵓⵏ ⵎⵙⵏⵏ ⵎⵤⴹⴶⵏ ⵏⵎⵛⵏⴰ ⵍⵓⵆⵏⵙⵏ ⴹⴰ ⴹⴰ ⵓⵏ ⵛⵜⵢ ⵏ⵿ⵤⵎⵔⵜ ⴹⵤⴶⵤⵏ⵰
ⵏⴼⵍⵍ ⵏⵎⴹⵔ ⵓⴰ ⴹⴶⵎⴹⵏ ⵎⴹⵍ
11 ⵜⵤⵔ ⴶⵗ ⵎⴹⵔ ⵢⵏ ⵙⴾⵙⴹⵏ ⵙ ⴹⴶⵤⵢ ⴶⵎⴹⵓ ⵎⴹⵍ⵰ ⵎⴹⵔ ⵓⵏ ⵍⴰ ⵛⵏ ⵙⴾⵓⵏ ⵍⵏⵏ ⴹⵓⵏ ⴾⵔ ⵎⵔⵏ ⵜⴶⵓ ⵓⵍ ⵍⵏ ⴹ ⵓⵏ ⵎⵈⵍⴾ⵰
12 ⵛⵛⵗⵍ ⵜⵔⵏⴰ ⴾⵍ ⵏⵎⴹⵔ ⵓⴰ ⵤⵔⵏ ⴹⵙⵏ ⴹⵜⵙ ⵜⵤⵔ ⵓⵢⴹⵓ ⵙⵎⴹⵍ ⴹⵓⵏ ⵜⵓⵔⵏⵏ ⵙ ⵙⵌⴹⵏ ⵢⵎⴹⵔ ⵙⴾⵙⴹⵏ ⵓⴰ ⵤⵔⵏ ⵙ ⵤⵢ ⵀⵙⵏⵜ ⵎⵙⵏ ⵀⵙ ⵏⵆⵏ⵰
13 ⴹ ⵜⴶⵓ ⵜⵍⵎⵗⵌⵌⵜⵏ ⵤⵓⵔⵏⵏ ⵂⵔ ⵙ ⵜⵎ⵿ⵙⵢ ⴹⵤⵤⵀⵜ ⴹⵗ ⵌⵏⵓⵏ ⴼⵍ ⵎⴹⵍ ⵙⵓⴹⵏ ⵢⵜⴹⵏ⵰
14 ⵙⵈⵔⴾ ⵢⵜⴹⵏ ⵏⴹⵏⵜ ⵙ ⵜⵍⵎⵗⵌⵌⵜⵏ ⵛⵏ ⵙ ⴶⵔⵓ ⴶⵏⵙⵏⵜ ⴹⵜ ⵎⴹⵔ ⵓⴰ ⴹⵙⴹⵤⵔⵏ⵰ ⴶⵏⵓ ⵢⵢⵜⴹⵏ ⴹ ⴶⵏ ⵛⵛⵍⵏ ⵏⵎⴹⵔ ⵓⵏ ⵜⵙⵀⵙⴰ ⵜⴾⵀⴰ ⴹⵔⴹⵓ⵰
15 ⴶⵔⵓ ⴼⵔⴶⵜ ⵏⴶⵢ ⵏⵎⵏ ⴹⵗ ⵛⵛⵍⵏ ⵏⵎⴹⵔ ⵓⴰ ⴹⵙⴹⵤⵔⵏ ⵜⵤⵔ ⵓⵢⴹⵓ ⵓⵏ ⵙ ⵛⵛⵍⵏ ⵓⵏ ⵙ ⵛⵓⵍ ⵙⵙⵏ⵿ⵗⵓ ⴹⵗ ⴾⵔⵤ ⵢⵜⴹⵏ ⵓⵏ ⴶⵢⵏⵏ ⵙⴹ ⵜⵗⵀⴹⵏ⵰
16 ⵓⵢⴹⵓ ⵙ ⵢⵜⴹⵏ ⴾⵍ ⴶⵔ ⵓⵏ ⵓⵔ ⵏⵍⴰ ⵍⵎⵆⵎ ⵓⵍⴰ ⵓⵏ ⵜⵍⵏⵏ ⴶⵔ ⵓⵏ ⵎⴶⵔⴶⵙ ⵓⵍⴰ ⵓⵏ ⵎⴶⵏ⵿ⵤⴰ ⴶⵔ ⵍⵍⵏ ⵓⵍⴰ ⴾⵍⵏ ⴾⵍ ⵛⵂⵛⵍ⵿ⵜⵏ ⵙ ⵓⵔ ⵌⵓⵍⵏⵜ ⴼⵙⵏⵙⵏ ⵓⵏ ⵗⵍ ⵎⴹⵗ ⵛⴾⵏⵔⵏⵙⵏ⵰
17 ⵜⵤⵔ ⵀⵙ ⵜⵍⴰ ⵓⴹⵏ ⵍⵏ ⵜⵔⴶⵜ ⵏⴹ ⵤⵏ⵿ⵤⵓ ⵓⵍⴰ ⴹⵗ ⵤⵏ⵿ⵤⵏ ⵔ ⵙⴹ ⵜⵓⵔ ⵌⵓⵍ ⵏⵎⴹⵔ ⵓⵏ ⴹⵙⵎⵏⵜ ⵎⴹⵗ ⵎⴹⵏ ⵓⴰ ⴹⵓⵏ ⴹⵙⵎⵏⵜ⵰
18 ⴹⵏ ⴹⵗ ⴹ ⵤⴰ ⵜⴶⵓ ⴹⵔⵔⵜ ⵙ ⵜⵢⵜⵢ ⴹⵎⵙⵏⵜ⵰ ⵓⴰ ⵍⵏ ⵜⵢⵜⵢ ⵈⵙⵀⵜ ⵎⴹⵏ ⵏⵎⴹⵔ ⵓⵏ⵰ ⵎⴹⵏ ⵓⵏ ⵎⵜⵍ ⵙⵎ ⵏⵓⴹⵏ ⵎⵔⵏ ⵎⵙ ⵙⴹⵙⵜ ⵜⵎⴹ ⴹⵙⴹⵙⵜ ⵜⵎⵔⵓⵏ ⴹⵙⴹⵙ⵰